MATTHE 19:11 - Cho Bible Common Language 2016

¹¹ Bawipa Jesuh naw, “Chang päng kä chu cei mah ah om hlawt ciah kä kyak ci, Khanpughi naw a om sak ah chang vah om hlawt ci.

MATTHE 19:11 Referans Kwoze

1 KORIN 7:17

Chang avan cu Khanpughi naw am shum k’phyuk awn ng’mü khai ah Khanpughi naw a khü yah ung a om ah mäih ah a om vai ah kyak ci. Cun cu khrithabum päng ung kam theithang ah thukhän ah kyak ci.

1 KORIN 7:35

Kei naw shin ah ka pyein cu nangmi ka ning khüivawng nak gui hlü ah kyak ci. Nangmi ka ning shum gui khai ah ka k’tha nak ah kä kyak ci. Nangmi ng’düng ne nami bä vai la Bawipa ah khuut cu kä ng’yu ng’yawn ne ng’ap ne nami bi vai ah ka ng’yak hlü ah hmawk ah kyak ci.

1 KORIN 7:2

Cun ung phi pletbeng nak ada aih ah hmawk ah pami päng ak chu om ne hnumi päng a cei om sä.

MATTHE 13:11

Bawipa Jesuh naw, “Nangmi naw Khanpughi ah kho ah mawng thuuk ne ng’kau cicu hmuhmat nak thei vai nami gah ci. Chang hei gui cu cun kä gah tuk ci gui.

MATTHE 19:10

Ang düihpüi gui naw, “Chungla goi ah ng’lak cun ah a kyak läi ung käng chula ne om ung bä tu ba khai,” cine pyein ci gui.

MATTHE 19:12

Chang gui kä ami chu cei mah hlawt ah mawng akda om ci; am shah gui cu aming tüi püi ge ah kä chu cei mah hlawt ci gui, am shah gui cu chang naw plawh gui sei kä chu cei mah hlawt ci gui, am shah gui cu Khanpughi ah kho ah hmawk ah kä chu cei mah ci gui, kä chu cei mah ah om hlawt cicu acun ah om sä,” ci ne kiak na gui ci.