MATTHE 18:7 - Cho Bible Common Language 2016

⁷ Chang gui ah yum nak dimaih sak ciah a mawng ama gui om sei, chang gui ung thüi sei nak om ci. Zum nak dimaih sak cicu akcang ah om khai, cun ung phi yum nak dimaih sak ciah chang cu ang htei ah thüi sei nak om khai.

MATTHE 18:7 Referans Kwoze

LUKA 17:1

Bawipa Jesuh naw, ang düihpüi gui-am, “Katnak bi nak vai ah tüihtok nak cu akcang ah om khai, cun ung phi cun ah tüihtok nak bik ciah chang ah hmawk ah ang htei ah kyihkyawk vai kyak ci.

1 KORIN 11:19

(Nami m’lung ngaih ang pai nak cu om khai, cun ung vah ng’düng nak cu dang lawk khai.)

MATTHE 26:24

Cacim ung om ciah mäih ah chang ah Htapa cu sik khai nei, cun ung phi chang ah Htapa ga ah kut ung ap ci cu, thüisei nak om ci nei. Kä ang tüi tu ge vai sü ung ani ah hmawk ah ni pi khai süte,” cine pyein ci.

JUDE 1:4

A i ah kya sei ci ung Khanpughi kä yum ci gui cu nami ng’lung ah lut ne om ci gui nei. Ngami naw mi Khanpughi ah m’gein nak ah ng’thu cu, khawdek pumsa ami ng’yak hlü lam düt ah m’hlat u ne, tumat khläm om ciah mi Bawi, mi Mang Jesuh Khrit cun phi hun ng’tuk püi ci gui nei. Cun ah chang gui cu cau pui ge, shetkat nak gah khai gui ah m’hnütbäi gui ah kyak ci.

TITUS 2:8

A u naw kä a täitawk-en thei vai ah bä ciah thu lung gui na pyein vai nei, cun ung na ga gui naw mikmi ah khan ah a i ung phi katnak kä hmu u netah lü ng’aa khai gui nei.

TITUS 2:5

Ami htingling vai, ami theingcim vai; kyongkhui m’htei ciah hnumi ah ami kyak vai, a cei ah beit ng’yak ciah hnumi ah ami kyak vai cu, m’shümthein gui thei khai gui nei. Cun ah a kyak ung Khanpughi ungka lawk ciah thu cu a u naw ak she ah kä pyein ba khai nei.

1 TIMOTHI 6:1

Khleihtein gui naw ami bawimang ami chang m’sui vai cu ami hmat vai. Cun ung vah Khanpughi ah ming la khritha ah m’theithang nak cu a u naw kä päipih kä pyeinsak khai.

LAMKTU 1:16

Cun kawn ah Peter cu ng’düi law ne tah, “Phäi näu gui aw, Bawipa Jesuh phak khai gui am, lam shüm gui ciah, Judas Iskariot ah mawng ca ng’cim ung om cicu küm pyi ci nei. Cun ah ca ng’cim cu Mumcha Theing naw David ah ng’thu awn a pyein ah kyak ci.

JOHAN 17:12

Kei cu ngami awn kami om yah ung, nang naw na na peit ah ming, hlüngtai ciah ming awn kam htei gui ci. Kei naw ngami cu ka shungvong gui ci. Cacim ung om ciah mäih ah maih khai ah k’bäi ah chang tumat ah kawn ah tumat phi a u kä maih ci nei.

MAKUH 13:7

Nangmi naw a shou nak, ang et nak ung ng’tuk nak ah mawng nami ng’yak ung kä nami kyihkyawk vai, Cun gui cu akcang ah küm khai, cun ung phi kho ah khüt nak vai cu kä gawk law phak ci.

2 SAMUEL 12:14

Cun ung phi, a i ah kyasei ci ung, nang naw shin ah mäih bi ne Bawipa na thui ng’a sak ah phäh ah na hta sik khai” cik ci.

1 SAMUEL 2:17

Shin ah Eli ah hta gui ah hmakat nak cu Bawipa ah ma ah, ak ka pi k’bäih ah kyak ci, a i ah kyasei ci ung ngami naw Bawipa am douthak cu kä chang m’sui u ne, shicha bik ci gui.

ATÜNNAK 13:7

Abram ah sei shäm ci gui la Lotah ah sei shäm ci gui phi a shäng shäng ng’gen ne ng’tuk ci gui. (Cun sang ung Kanaan chang gui la Perissit chang gui phi acun ah khaw ung om yah ci gui.)

MATTHE 16:23

Bawipa Jesuh naw Peter lam ah vang hlat netah, “Nang khoshe a hei ah hteit ä, nang cu vawntam nak vai ah na kyak ci, nang ah ngaih tüh gui cu Khanpughi lam ah kä kyak ci, chang lam ah kiak ci,” cine pyen nak ci.