MATTHE 18:28 - Cho Bible Common Language 2016

²⁸ “Cun ung phi ani cu phyawng ne a hteh ba kawn ah, lam ah ngui api ak pu tu ah ak changshäm paw cu hmu ne, a gawn ung pha ne k’pang netah, ‘Ka ngui na pu tu cu a tuhbäi na thung law ba ä,’ ci ne k’ceet ci.

MATTHE 18:28 Referans Kwoze

MATTHE 20:2

Ghüh ah ng’cheng man ah hnüüp ät ung tangka aphe ci awn cheng gui vai ah ghüh gui ne lo ah tüi gui ci.

EZEKIEL 45:9

Uktu Bawipa naw pyen ci, “Nangmi Israel uktu gui, katnak nami bi cu shou law aih ci nei! Nami cawi m’sa nak la nami yawshe nak cu ng’düm vä. Hman ci la taga cicu bi vä. Nangmi naw kei ah ka chang gui cu ami khaw ungka kä nami k’täm ba gui ah hlawt khai. Kei, uktu Bawipa naw, shin ah ka ning m’thein nei.

THULÄÄN NAK 15:2

Shin cu a i cha ah nami bi vai ah mawng ah kyak ci. A Israel chang paw am ngui k’pu tuk ciah chang päng naw pu tuk ciah chang am a nawng pek vai. Ani naw ngui a gah ba vai ah kä ak tha nak vai. Bawipa amät naw chang am k’pu tu cu nawng pek vai ah ak bäi ah kyak ci.

ISAIAH 58:3

Chang gui naw ng’shih ci gui, “Bawipa naw a i ah kä ana sui gui ung, a i vai mikmi ei mi hlawi vai ang? Ani naw a i ah ka ana ngaih gui ung a i vai ei kä ei ne mi hteh vai ang? Bawipa naw ngami pyen na gui ci, “akcang cu, nangmi ei nami hlawi sang ung nami mät ah ng’yak hlü shui u ne, nami chang gui nami shedam na gui ci.

NEHEMIAH 10:31

Khawhei chang gui naw htang phi kä cung a i phi, law püi ne, kyin nak hnüüp kä cung a i hnüüp phi theingcim ciah hnüüp ung keimi naw ngami ah kä kami hleih khai. Kum chih abe päng ung keimi naw khaw lo phi kä kami bik khai, ng’pu hnih avan phi kami nawng pek khai.

NEHEMIAH 5:7

Ka hnüntho khai ah ka k’bäi ci. Kei naw chang gui ah ami ng’vai gui la bawi gui am ka pyen na gui ci, “Nangmi naw nami phäi nau gui nami shedam na gui ci nei!” Kei naw shin ah ng’cuhvah pyen khai ah chang khli khü neta

NG'THU K'THUUK~ 28:3

Dukhaih ci yawshe nak ciah huham ah cia huham ah ciah chang cu geit m’di ciah khaw k’aa ah mäih ah kyak ci.

MATTHE 18:27

Ghangpughang naw ani cu m’gein netah, a pu avan nawng pe ne amät phi phiawn ci.

MATTHE 18:29

Cun ah chang cu m’khuukdong netah, ‘Kei ah khan ah na ngaih peä,’ ka pu avan ka ning thung khai nei,” cine ng’hui paa nak ci.

MAKUH 6:37

Bawipa Jesuh naw, “Nangmi nami mät naw shin ah chang gui ei m’bei gui vä” ci nekiak na gui ci. Ang düihpüi gui naw, “Keimi naw tangka phia goi phu, ei vai khleih ne shin ah chang gui-am kami m’bei gui vai ma?” ci ne ng’shi ba ci gui.

MAKUH 14:5

Shin ah tui ng’ui cu ngui pit thum ah yoi ne, ghawi pyam ci gui-am peit gui vai ah kha te ci nei” cine ami mät gui ng’htau u ne, cun ah hnumi cu m’kat ci gui.

LUKA 7:41

Bawipa Jesuh naw, “Ngui ng’pu ciah chang tumat ung ngui pu tuk ciah chang sing goi om ci. Tumat naw phia hma, tumat naw hma-kip ciah pu tuk ci goi.

LUKA 10:35

A ngawi ung hteit law ba vai netah, im mah-am ngui phe m’ku pe shüt ne, “shin ah a leim cu akni ah m’htei tu vä, ng’pyi ciah a phu avan ka law ba lam ah ka ning pe gui khai nei” cik ci.

JOHAN 6:7

Philip naw, “Ngui phia-goi phu khleih ung phi, chang shikchü naw api ciah phi käng küh khai gui nei” cine pyein ci.