MATTHE 18:25 - Cho Bible Common Language 2016

²⁵ Ani naw a pu cu kä thung hlawt khätah, amät la ak chu a hta ni, a khawh cham ni avan cu yoi ne a thung vai ah ghangpughang naw k’bäi ci.

MATTHE 18:25 Referans Kwoze

NEHEMIAH 5:5

Keimi cu kami Jew chang paw gui ah mäih ah pakhui ät ah kami kyak ci. Keimi ah hta nau gui cu ngami ah htanau gui ah mäih ah kä bä tuk ci gui ah kya ne ang? Cun ung phi keimi naw kami htanau gui cu changshäm ah kami kyak sak gui ci nei. Kami htahnumi gui amshah cu changshäm vai ah yoih gui pyi nei. Kami lo gui la sapyitdum gui cu chang gui naw ami lak pyi ah kyasei keimi cu amgeinkaa ah kami kyak ci nei,” cik ci gui.

2 GHANGPUGHANG GUI 4:1

Prophet gui ungka tumat ah hmeinu cu Elisha ah law neta, “Saya aw, kei ka cei cu sik ci nei! Na hmat ah mäih ah ani cu Khanpughi kyih aa ciah kyak ci, cun ung phi ani naw ngui apu nak ah chang naw law ne, apu ah phäh ah ka hta goi cu hteh püi ne shäm goi khai ah pyen ci nei” cik ci.

LUKA 7:42

Ani nik hnih naw kä thung law ba hlawt ni sei, ngui ng’pu ci naw nawng pe goi ci. Cun ung ngani ungka a u naw ngui ng’pu cicu yei na pi khai ang?” ci ng’shik ci.

TAIGÜTHUM 25:39

Na pei ah om ciah Israel na chang paw cu dukhaih law aih neta, changshäm vai ah amät naw amät a ning yoih nak ah a kyak ung, changshäm ah mäih ah kä na om püi vai.

NEHEMIAH 5:8

Ka pyen nak gui cu, “Keimi naw kami m’khüt hning hlawk ah, ami mät naw ami mät a khohei chang gui ah ami yoih gui ah Jew phäi nau gui cu kami hleih ba gui ci gui nei. Tuhbäi nami mät ah phäi nau gui cu k’tut gui u ne, nami Jew chang gui mät ah ami mät ami ng’zoih vai!” Cun ung ami ng’vai gui cu a i kä pyen ba hning ne, kyip ah om ci gui.

ISAIAH 50:1

Bawipa naw pyen ci, “Pami tumat naw akchu ang chaa püi ah mäih ah, kei naw ka chang gui a hei ah ka tüi gui ciah nami ngai ne ma? Cun ung ng’chaa nak ah ca a hawi ang? Chang tumat naw a hta gui khlei htei ah a yoih gui ah mäih ah, nangmi cu chang pha ah ka ning yoi gui ciah nami ngai ne ma? Nangmi nami katnak ah phäh ah pha ne ami ning hteh püi gui ah kyak ci; Nami cawi m’sa ah phäh ah ami ning k’täm gui ah kyak ci.

PHYAWN NAK 21:2

Hebru changshäm nami hleih ah a kyak ung, ani naw kum chuk ung nami bii a bi vai. A kum chih ung ani cu a i kä pek sak ne nami hlawt vai.

MATTHE 18:24

Ani naw tün ne k’tä gui netah ngui tämkäp phiaa khak a pu om ciah chang cu khü sak gui ci.