MATTHE 18:19 - Cho Bible Common Language 2016

¹⁹ “Kei naw akcang ka pyein cu khomdek khan ung chang hnih hta naw phi yum ne, a täng ah nami taigü ung khankho ah om ciah Kapa naw nami ng’yoih phung cu ning pe gui khai.

MATTHE 18:19 Referans Kwoze

MATTHE 7:7

‘Ng’yoi vä nami gah khai, shui vä nami hmuk khai, kshoh cu khäk vä ning hmawn pe gui khai.

MAKUH 11:24

Cun ah kyasei kei naw ka ning m’thein gui cu,’ Taigü ne kami ng’yoih cu, kami gah ci, ciah nami yum vai, cun ung nami ng’yoih phung nami gah khai.

JOHAN 16:23

“Cun ah hnüüp ung nangmi naw kei cu a i phi kä nami na ng’shi ba khai. Kei naw akcang ka pyein cu, ‘Kei ah ming awn nami ng’yoih phung cu Kapa naw ning pe gui khai.

PHILIPPIAN 1:19

Nang mi ah taigü nak la Bawi Jesuh Khrit ah Mumcha ah nam hteihtang nak awn cun cu kei ah phyawn law nak vai ah kyak ci.

MATTHE 21:22

Nangmi naw yum nak awn nami yoih ung nami yoih phung cu nami gah khai nei” cine pyein ci.

JOHAN 15:7

Nangmi cu kei ung om uk ci sei, kei ah ng’thu cu nangmi ung a om ah a kyak ung, nangmi naw nami ng’yoih hlü phung ng’yoi ne nami gah khai.

1 JOHAN 3:22

Mikmi cu ang thukhän läk ne, ang yak hlü ah mi bilo ci kya ne, ani ah mi ng’yoih thäh phung cu mi gah ci.

LAMKTU 12:5

Cun ah kya sei Peter cu thawng ung chum ci gui. Cun ung phi khrithabum gui naw ami m’lung m’hlün ne Khanpughi ah taigü pek ci gui.

JOHAN 15:16

Nangmi naw kei kä nami na ghü ci, nangmi hteit ne akda ah m’theih ne ang tak ah nami vui vai ah kei naw ghü ne ka ning m’düih gui ci. Cun ah kyasei kei ah ming awn nami ng’yoih phung cu Kapa naw ning pe gui khai.

LAMKTU 1:14

Ngah mi cu Bawipa Jesuh ah anu Mary lah a hei hnu mi gui ni, a naü gui ni, ashäng shäng a täng ah ng’bum ne k’tai gü ci ci gui.

MATTHE 5:24

na peit vai ah khawh cu, mangkiang ah ak ka ah nawng shüt netah, ani ah hteit ne nang gei püi ba cang vai, cun kawn ah law ba ne na peit vai ah khawh cu Khanpughi-am na ap vai.

LAMKTU 6:4

Keimi läi cu taigü nak lah Khanpughi ah ng’thu pyein nak awn akhin be khai ah kami bik khai” cik ci gui.

LAMKTU 16:10

Cun ah Paul naw amik hmuh vai am keimi cu Macedonia kho ah hteh vai ah kami pawng m’htein ci, a i yah kyasei ci ung, cun ah kho ah om ciah chang gui ah ma ah Thu Ni kami pyein vai ah Khanpughi naw na khü gui ci ciah kami yum nak awn ah kya ci.