MATTHE 18:10 - Cho Bible Common Language 2016

¹⁰ “Nangmi naw a u ak hmaw hta phi kä nami yoshe nak vai. Kei naw ka ning m’thein gui cu, ngami ah khankho chang gui cu, khankho kapa Khanpughi ah ma ah angtäi sei om ci gui.

MATTHE 18:10 Referans Kwoze

SAM 91:11

Khanpughi naw nang ning ngäng khai, na hteh nak päng ah ning m’htei khai ah a khanchang cu yuk chah lawk khai.

HEBRU 1:14

Cun ung khanchang gui cu, a i gui ang? Ngami cu hun nak gah ciah chang gui m’hteihtang gui khai ah Khanpughi naw a tüih gui ah, Khanpughi ah khuut bik ciah mümcha gui ah kyak ci.

SAM 34:7

Bawipa m’tam khah ciah chang gui cu, ak khan kho chang gui naw ngäng ci gui, kyihkyawk nak nüng ung gung ci gui.

LUKA 16:22

Cun kawn ah ghawipyam cicu si sei, khankho chang gui naw la law u ne, Abraham ah k’coi ung m’shän ci gui, Mangpacun phi si sei, m’cim ci gui.

MATTHE 24:31

Cun kawn ah chang ah Htapa naw chünla ciah phyungheng tum sak gui netah, ak khankho chang gui cu hnilaw hnikiaak, a htum asiip ah tüi gui ne, khomdek vang kem ah kaa naw vang kem ah khüt khai ah a ghü ah chang gui cu m’cut sak gui khai nei.

LUKA 1:19

Khankho chang naw, “Kei cu Khanpughi ah ma ah ng’düi ciah Kabriel nei; shin ah ng’Thu Ni nang-am ka ning m’thein khai ah Khanpughi naw ana tüih law nei.

MATTHE 18:14

Acun ah mäih ah khankho ah nami Pa naw phi ak hmaw hta tumat lam hma ne a dimaih vai cu käng ya hlük ci.

MATTHE 18:6

“Kei na yum ciah ak hmaw tumat a yum nak maih khai ah bik ciah chang cu, a gawn ung gawtlung khit ne m’awi netah, tuili thuuk ung shum ung ani ah phäh ah bä tuh ba khai.

MATTHE 2:19

Herod asih kawn ah Khanpughi ah khankho chang naw, Ejip kho ah Josef ah ih mang ung,

MATTHE 2:13

Hmuhmat chang gui ami hteh ba kawn ah Khanpughi ah khankho chang cu Josef ah ih mang ung dang law netah, “Herod naw ak hmaw cu ngawn vai ah shui lawk khai nei, tho law ne ak hmaw la anu cu Ejip kho ah dawng püi goi ä, Kei naw ‘Law ba vä,’ kä ka ci pha ah chuih a cu ah na om püi goi vai nei,” cine pyein ci.

MATTHE 1:20

Cun ah a ngaih-tüh sang ung Khanpughi ah khankho chang naw, a ih mang ung, “David ah hta ng’shon Josef aw, Mari nakchu nak vai ah mawng cu kä na ng’ä ng’ai vai nei, ani cu Mumcha Theing naw vang na sei, käü mah ciah kyak ci.

1 THESSALONIAN 4:8

Shin ah m’theithang nak hnu ng’tuk püi ciah chang cu, chang hnu ng’tuk püi ciah kä kyak ci, Mumcha Theing na pe gui ciah Khanpughi cu hnu ng’tuk püi ciah kyak ci.

1 KORIN 11:22

Nangmi ung nami ei awk nak vai nami mät ah pyu im kä om ne maa? Kä cun ung nangmi naw Khanpughi ah Khrithabum päipih u ne, ghawipyam ciah chang gui cu nami lü ng’aa sak gui ci maa? Nangmi ah mawng a i ah ka pyein vai nami ng’a hlük ci ang? Ka ning m’hlüngtai gui vai maa? api ah phi kä ka ning m’hlüngtai gui khai nei.

1 KORIN 16:11

Ani cu a u naw phi kä ak shedam men nak vai nei. Kei cu khritha phäinau gui awn a täng ah ani kami ging ci kya sei, keimi ah om nak ah akni ah a gawk law vai ah nami m’htei htang vai nei.

ROMAN 14:10

Cun ah kya sei, thui am bäng ei hning ciah chang gui, a i ah kya sei nami phäi nau nami m’khoichaa ang! A i ei phi ei thei ciah chang gui, a i ah kya sei nami phäi nau na mi yokshe nak ang! Mikmi mi van cu a nam khoichaa gui vai ah Khanpughi ah maa ah mi ng’düi yawp khai nei.

LAMKTU 27:23

Kei ah ka Bawi, kei naw ka taigü ah Khanpughi ah khankho chang cu, yanmü kei ah law netah,

LAMKTU 12:23

Acun vai am Herod cu Khanpughi kä akchang m’sui ah phäh ah Khanpughi ah khankho chang naw m’di sei, ak seng naw ei sei sik ci.

LAMKTU 12:15

Cun ah chang gui naw, “nang na gu ci ma?” cine kyak nak ci gui. Cun ung phi cun ah ami shäm ah hnumi hta naw ak cang a pyein nah ling ba khä tah cun ah chang gui naw,” Cun ung Peter ah khanchang ah kyak khai” cik ci gui.

LAMKTU 10:3

Kho k’awi ät nayi thum akhin ung Khanpughi ah khankho chang cu kyum law ne, “Konelius” cine khü sei hmu ng’yak ci.

LAMKTU 5:19

Cun ung phi khaw mü ah Khanpughi ah khankhaw chang naw, thawng m’kawt cu hmawng ne, ang düihpüi gui cu ak pung ah m’hlaut gui netah,

SAM 17:15

Cun ung phi kei naw ka ning hmu gui khai, kei cu chei khai ah a i kä ka bik ci; kei ka thawh law ung na na om püi nak naw kei cu na yeikyai sak khai nei.

SAM 15:4

Ani naw Khanpughi hnu ng’tuk püi cicu päipih ci, cun ung phi Bawipa läk cicu m’tam khah ci, ani cu a shaitak ah mäih ah angtäi sei bik ci, a mät ah chaw a häu ung a i ah kä ngai ci.

1 GHANGPUGHANG GUI 22:19

Makaiah naw hteit neta, “Tuhbäi Bawipa naw a i a pyen cu ngai ä! Bawipa cu khankho amang kiang ung ngo sei, a khanchang gui ami van a pei ah ng’düi u sei ka hmuk ci.

1 TIMOTHI 4:12

Nang cu na hmaw ci kyasei a u naw kä a ning kahta nak-en vai ah na om vai nei, nang’thu, na om, m’hni nak yum nak la ciimvai nak ung, yum ciah chang gui ami thei tu vai ah na om vai nei.

1 KORIN 9:22

Kei cu yum nak ken ci gui ah ng’lung ah ka gawk ung, ngami ka k’phiawn nak gui vai ah yum nak ken ciah mäih ah ka om tuk ci. Chang a kükü cu k’phiawn nak gui hlawt vai ah chang a heihei ah a hlü hlü ah ka om tuk ci.

ROMAN 15:1

Mi yum nak khäng htek ciah chang gui naw, ayum nak ken ciah chang gui cu m’hteihtang gui vai kyak ci. Mi mät ah yeikyai nak bäng vai ah mi bi khai ah kä kyak ci.

ROMAN 14:21

Nami phäi nau naw shetkat nak khai a kyak ung, asa phi bäi sapyit tui phi bäi, a hmün a i ei auk phi bäi, avan nami hlawi vai.

THU PHLAAN 8:2

Cun kawn ah Khanpughi ah maa ah ng’düi ci gui ah khankho chang pachih cu ka hmu gui ci. Ngami cu phyungheng pachih ami peit gui ah kyak ci.

KALATIAN 6:1

Ka Phäi nau gui aw, chang tumat cu a cheishoh ah a kyak ung, Mumcha k’thamah nak om ci gui naw, m’cäi ne nami ng’düng ba sak vai. Cun cu om ni nak awn nami bi vai. Nami mät phi tüihtok nak ung kä nami gawk vai ah nami geing nak vai.

2 KORIN 10:10

Chang amshah naw, “Gai ne lingtha ci, keimi awn a täng ah a om yah läi ung hnawhdeh ne ang thu phi kä ng’khän te ci” nami cik khai.

2 KORIN 10:1

Kei Paul Naw Ka ning m’cäi gui hlü cu, — Kei cu nangmi ah ma ah hnawhdeh ne, kä nami hmuh nak ung ka lingtha ciah nami ngai khai. Bawi Khrih ah m’Lung neim nak la ng’awi ng’gi nak awn ka ning hui na gui ci nei,

LUKA 10:16

Bawipa Jesuh naw, Ang düihpüi gui-am, “Nangmi ah ng’thu ngai cicu kei ah ng’thu ngai ci, nangmi ning nawng gui ci cu, kei na nawng ci, kei na nawng ci cu, kei na tüi lawk cicu nawng ciah kyak ci” cine m’thein gui ci.

MATTHE 12:20

Ani naw ak thagui kä om cicu k’dükdawm ne, a yi-hnei vai kä om cicu chimgein khai. Ani cu düng nak awn näng nak ung khüt khai ah bi bik khai.

ZEKHARIAH 13:7

Hlüngtai ciah Bawipa naw, “Tho law ä, khim ghaat aw, kei ah hmawk ah bii bik ciah htoshäm cu na tuk vai, Na ngawn vai, a htome gu cu püipyang khai gui. Kei naw ka chang gui cu ka tu gui khai.

ESTA 1:14

Ani naw ang shica gui pi ah angvai gui cu, Karshena, Shethar, Admatha, Tarshish, Meres, Marsena, la Memukan — ngami cu Persia la Media uknak khaw ung ak hlüng pikbäih bawi gui ah kyak ci gui.

2 SAMUEL 14:28

Absalom cu Jerusalem ung ghangpughang kä hmuh ah khaw kum goi ung om ci.

HEBRU 9:24

Bawi Khrit cu Hmun Theing akcang ah müi ah chang ah pyan ah Hmun Theing ung kä lut ci. Ani cu Khankho akcang ung lut ne, tuhbäi mikmi ah hmawk ah Khanpughi ah ma ah gawk ci nei.