MATTHE 17:27 - Cho Bible Common Language 2016

²⁷ Cun ung phi ngami kä a mi m’lung she vai ah, tuili ah hteit ne nga vam htuih ä. Ngah na pha ung na pha ma ah m’gawng cu m’aan ne na teng vai. Acun ung tangka tumat na hmuk khai, cun cu kei la nang ah hmawk ah büh khai kyasei, la ne pum im khawn ah nam cu vai,” cine m’cäi ci.

MATTHE 17:27 Referans Kwoze

2 KORIN 6:3

Keimi ah khuut bi nak ah mawng ung chang naw kä ah nam kat en gui vai ah, chang ah kä ng’yak hlü a i phi kä kami bi vai ah kami k’tha nak ci.

2 KORIN 8:9

Nangmi naw mi Bawipa Jesuh Khrih ah m’gein nak cu nami hmat ci; Ani cu bühmang ciah Bawipa ah a kyak ung phi, nangmi ah hmawk ah pyam ci. A pyaamthaam nak awn ning bühmang sak gui ci.

1 KORIN 8:9

Cun ung phi nangmi naw ng’päiye ne nami ei awk nak tu awn, ayum nak ken ci gui ah cheishoh nak vai ah kä kya-en khai ah nami geing nak vai.

1 KORIN 8:13

Cun ah kya sei sa ka ei naw ka phäinau a cheishoh sak ah a kyak läi ung, ka phäinau ah kä cheishoh nak vai ah, a i sa phi kä ei ne ka om khai nei.

JONAH 1:17

Bawipa naw atäkphan ah nganu naw Jonah cu m’yawih sei, ani cu mü thum la hnüüp thum ung nga ah puk kyong ah om ci.

SAM 8:8

kah gui la nga gui tui ung om ciah ming avan:

1 GHANGPUGHANG GUI 17:4

Tui cu cun ah tui lawng ungka na awk khai, ei cu kaap gui naw ami ning thak law vai ah ka k’bäi pyi ci.”

ROMAN 14:21

Nami phäi nau naw shetkat nak khai a kyak ung, asa phi bäi sapyit tui phi bäi, a hmün a i ei auk phi bäi, avan nami hlawi vai.

JONAH 2:10

Cun kawn ah Bawipa naw nganu cu täkphan sei nganu naw Jonah cu tuikem ah m’sha ba ci.

JAMES 2:5

Ngai vä phäi nau gui aw! Khanpughi naw ani m’hni ci gui ah khan ah a shaitaak ah mäih ah, yum nak ung bühmang vai la Khanpughi ah uknak kho khäm vai ah, pyamtham ci gui cu, ghü gui ci nei.

ATÜNNAK 1:28

Cun kawn ah Khanpughi naw phyuhtheh goi neta, “Hta nau ne ng’shonbang ne, khomdek cu be sak ne, nami näng vai nei. Nga gui avan, kha gui avan, la khomdek khan ah hang om ci phung avan nami uk vai nei.

1 THESSALONIAN 5:22

akshe phung cu nami nawng vai nei.

JOHAN 6:61

Cun ah ami ngaih khit cu a u naw kä am thein ah, Bawipa Jesuh naw hmat netah, “Shin ah ng’thu ah hmawk ah nami m’lungk’si ne ma?

MATTHE 5:29

Nakpat lam ah na mik naw a ning hmühma sak ung, acun ah mik cu kawih ne na ghawh vai, na pumsa avan m’hteimei ung a luh ah k’dam ah na mik vangtäng am dauh cu bä tu ba khai.

MATTHE 5:30

Nak pat lam na kut naw a ning hmühma sak ung, cun ah kut cu tupit ne na ghawh vai. Na pumsa avan m’hteimei ung a luh ah k’dam ah na kut vangtäng a pit cu bä tu ba khai.

MATTHE 17:26

Peter naw, “A kho hei ah kaa om tuk ci gui-am a khawn m’cu sak ci gui nei,” cine pyein ci. Bawipa Jesuh naw, “Cun ah kiasei mät ah kho chang gui cu a khawn käm cu ci gui.

MATTHE 18:6

“Kei na yum ciah ak hmaw tumat a yum nak maih khai ah bik ciah chang cu, a gawn ung gawtlung khit ne m’awi netah, tuili thuuk ung shum ung ani ah phäh ah bä tuh ba khai.

MATTHE 18:8

“Na kut naw phi bäi, na kho naw phi bäi na yum nak a dimaih sak ung, acun ah kut kho cu m’chün ne na ghawh vai, kut kho küm sei m’htei mei ung luh ak dam, kutkho kä küm sei khankho ah kai cu nang ah hmawk ah bä pi ci.

MAKUH 9:42

“Kei a na yum nak di maih khai ah, shin ah mäih ak hmaw tumat lam hma sak ciah chang cu, ak hnü-gawn ung lungsum nu khit ne, m’awi netah, tuinu ung buhtawn ung ani ah phäih ah bä tuba khai.

MAKUH 9:43

Na kut naw na yum nak adi maih sak ung, cun ah kut cu na tukpit vai, na kut avan küm sei, angtäi ah däi ciah m’htei-mei ung, na luh akdam, na kut vangtäng pit sei angtäi ghin nak nagah cu bäpi khai.

LUKA 17:2

Ak hmaw tumat katnak ung gawk khai ah tüihtok nak bik ciah chang cu lungsum khit ne a gawn ung m’äh netah tuili ung shum ung bä tu ba khai.