MATTHE 17:21 - Cho Bible Common Language 2016

²¹ (Khoshe cu, taigü nak la ei hlawi nak ah kawn ah a i awn kä nami m’khüt khai nei),” cine pyen na gui ci.

MATTHE 17:21 Referans Kwoze

MAKUH 9:29

Bawipa Jesuh naw, “Taigü nak bäng awn nei, shin ah mäih khoshe cu k’täm hlawt vai, cun kawn ah k’täm nak vai a hei kä om ci” cine kyak na gui ci.

MATTHE 17:22

Bawipa Jesuh la ang düihpüi gui cu Kalile kho ah ami hteh hton yah ung Bawipa Jesuh naw, “Chang ah Htapa cu chang gui ah kut ung ap khai gui.

1 GHANGPUGHANG GUI 17:20

Cun kawn ah ani cu m’lau ne taigü ci, “O Bawipa ka Khanpughi, a i ah kyasei shin ah mäih ah kyihkyawk vai cu shin ah hmeinu ah khan ah na bi ang? Ani naw kei cu akni ah na m’hteihtang ci, cun ung phi tuhbäi nang naw a hta na ngawn ci!”

DANIEL 9:3

Kei cu düng nak awn Bawipa Khanpughi ah ka taigü ci, ani ung ka ng’coi pak ci, ei ka hlawi ci, sui she sui ne m’vut ung ka ngok ci.

MATTHE 12:45

Cun kawn ah amät ah mä shekha pi ciah khoshe pachih cu va khü tu ba gui sei, acun ung a täng ah om ci gui. Cun ah kyasei khoshe ah kai ah chang, ak hnu ah a shetkat nak cu, ak htük ungka ah mä, shekha law pi ci. Shin cu tuhbäi shekhak ciah chang gui ung gawk lawk khai ah a mawng ah kyak ci nei” cine pyen na gui ci.

LAMKTU 13:2

Cun ah chang gui cu Khanpughi ah taigü ne, ei hlawi ne ami om yah ung Mumcha Theing naw ngami am, “Kei ah ka bi bik khai goi ah Soul la Barnabas cu khän ne ghü goi vä” cine kyak na gui ci.

LAMKTU 14:23

Ngahni naw khritha bum päng ung a gham gui hei m’düih vü ne, ei hlawi ne taigü nak awn, ami yum ah Khanpughi ah ap gui ci ci goi.

1 KORIN 7:5

Nangmi naw k’taigü nak vai ah ng’dawt ne nami k’bäi ah akhin nami peit ah kawn ah, ng’chula goi ah ng’yak hlü cu kä nami ng’chei en sak vai nei. K’Taigü nak ang pyi kawn ah nami om man ah nami om ba vai nei. Cun ung vah nami m’lung cu htingling sak hlawt u ne Satan ah tüihtok nak cu nami m’khüt näng khai.

2 KORIN 11:27

Kei cu yaica bawngbai ne khuut ka bik ci; ih ah phi kä ka ip hlawt ci, tui ah ka gha ci, ei ah ka cawi ci; phü ne ei vai kä om ci, yii vai kä om ci, sui vai kä om ci

EPHESIAN 6:18

Khanpughi ah m’hteihtang nak gah vai ah ng’yoi thäh ne, taigü nak awn shin gui cu nami bi vai nei. Mumcha ah lam shüm ah mäih ah a mawng ama avan ung nami taigü vai nei. Cun ah kyasei nami cimgang cüivai vai, kä nami pyai phung vai, Khanpughi ah chang gui ah hmawk ah angtäi sei nami taigü vai nei.