MATTHE 17:20 - Cho Bible Common Language 2016

²⁰ Bawipa Jesuh naw, “Cun cu nami yum nak a ken su ah kyak ci nei, kei naw akcang ka pyein cu, nangmi ung, anhta ui teih pang yum nak a om ung, shin ah khomhtung cu ‘Ng’nawn ä,’ nami ci ung ng’nawn khai nei. Zum nak awn kä nami m’khüt cu a i kä om khai nei.

MATTHE 17:20 Referans Kwoze

LUKA 17:6

Bawipa Naw, “Nangmi ung yumnak anhta ui teih pang a om ah a kyak ung, nangmi naw shin ah anli ghing-am,” Na phung ah ng’son ne, tuinu ung ghing ne ng’düi ä” nami ci ung nami pyein ah mäih ah kyak khai nei.

MAKUH 11:23

Kei naw akcang ka pyein cu, kam lung kyong ah kä ngaih gep nak kä om ciah kang thu cu, akcang ah bä khai, ciah yum ciah chang naw, ‘Shin ah m’htung cu ng’nawn ne tuinu ung lut sä’ ci ne a pyein ung, a pyein ah mäih ah kyak khai nei.

LUKA 18:27

Bawipa Jesuh naw, “Chang naw kä am khüt cu Khanpughi naw m’khüt ci nei” cine pyen na gui ci.

LUKA 1:37

Khanpughi ah kä m’khüt a i kä om ci nei” cine pyein ci.

MATTHE 21:21

Bawipa Jesuh naw, “Kei naw akcang ka pyein cu, nangmi cu ngaih hnga nak kä om ciah yum nak a om ung baangghing ung kei ah bi ah mäih ah nami bi tu hning khai. Cun bäng ah kä kyak ciah shin ah m’htung cu ‘Shin ungka ng’nawn ne tui ung lut ä,’ nami ci ung nami pyein ah mäih ah kyak khai nei.

MAKUH 9:23

Bawipa Jesuh naw, “Nam khüt hning vai a kyak ung cine a i ah kyasei na pyein ang? A yum nak om ciah chang naw kä am khüt a i kä om ci” cine pyen nak ci.

1 KORIN 13:2

Kei cu kümbe ciah thu ka pyein hning ung phi; thuuk ne ng’kau ci hmuhmat nak la langkha nak a om ung phi; khom’htung ng’nawn sak hning ciah yum nak a om ung phi-kei ung m’hni nak kä a om ung, kei cu a kholä ah kyak ci.

MATTHE 13:31

Bawipa Jesuh naw a hei tumat awn m’tumtäng ne a pyein cu, “Khanpughi ah uknak ah kho cu shin ah mäih ah kyak ci. Chang tumat naw anhta ui cu la ne aloma ah geit ci.

JOHAN 11:40

Bawipa Jesuh naw, “Nang naw na yum ah a kyak ung Khanpughi ah bämang nak na hmuk khai nei, cine ka pyein ciah kä kya ne ma? cik ci.

MAKUH 4:31

Khanpughi ah uknak kho cu anhta ui awn täng ci. Anhta ui cu m’dek ung geit yah ung geit m’shi gui nüng ah yaw pi bäih ci.

HEBRU 3:19

Ngahmi cu cun ah kholei ung kä lut tu hlawt khai gui ah mi hmu gui pyi ci, a i ah kyasei ci ung ngami cu kä yum tuk ci gui ah kiak ci.

MATTHE 17:17

Bawipa Jesuh naw, “Nangmi cu nami yum nak kä om sei nami ng’lihlak yawp ci nei. Kei naw nangmi a i güt ka ning om püi gui vai ang, a i güt ka ning ngaih peit gui vai ang, ak hmaw cu ka pei ah law püi vä,” cine pyen na gui ci.

1 KORIN 12:9

Acun ah Mumchabawi tumat bä naw chang tumat am, yum nak ah hlüngtai nak cu pe ne, a hei chang tumat am, gawpai ci gai sak nak ah hlüngtai nak cu pek ci.

MATTHE 17:9

Cun kawn ah Bawipa Jesuh la ang düihpüi gui cu, khomhtung ah kaa kyum law ba ci gui. Ami kyum law ba yah ung Bawipa Jesuh naw, “Tuhbäi nami hmuh gui cu, chang ah Htapa sih nak ungka a thawh law ba ung khüt sei, a u-am kä nami m’thein vai,” cine ang düihpüi gui-am m’yih sak gui ci.

MATTHE 8:26

Bawipa Jesuh naw, “A i ah kyasei nami kyih aih ang? Nami yum nak ken aih ci nei,” cine kyak na gui netah, khokhi tui ng’hnawk cu k’de ne ng’düm sak sei, acun vai-am khokhi cu ng’düm yawp ci.

MATTHE 17:19

Cun kawn ah ang düihpüi gui cu Bawipa Jesuh amät a om yah ung a pei ah law u netah, “Keimi naw khoshe cu a i ah kyasei kä kami täm hlawt ang?” cine ng’shik ci gui.

MAKUH 11:22

Bawipa Jesuh naw, “Khanpughi cu yum vä,

MATTHE 14:29

Bawipa Jesuh naw, “Law ä,” ci khätah Peter cu hleiko ung kaa kyum law ne, Bawipa Jesuh ah hteit khai ah tui ung ana a pawng vük ci.