MATTHE 17:2 - Cho Bible Common Language 2016

² Ngami naw ami hmuh ge ah Bawipa Jesuh ah amüi cu ng’khukhlat lawk ci, a hmai cu khohni ah mäih ah pyü ne, a suisak gui cu bawk-en phäng phäng ne khang ci.

MATTHE 17:2 Referans Kwoze

SAM 104:2

Na mät naw na mät cu akdei awn na uk ci. Nang naw khankho cu phung ah mäih ah na ng’shawng sak ci,

MATTHE 28:3

Ani ah müi cu kho alai läp ah mäih ah kya ne, ani ah sui cu khlüi toi ah mäih ah bawk ci.

LUKA 9:29

Ak taigü yah ung a müi hmai cu ng’khuk hlat ne, asuisak phi a bawk ah pyü ne khang lawk ci.

THU PHLAAN 10:1

Cun kawn ah khankho ah kaa m’gääi ciah khankho chang tumat kyum law sei ka hmuk ci. Ani cu khongmei sui ne ng’hlawp ci, alu cu yapi naw koi ci, a hmai cu khohni ah mäih lawk ci, a khaw gui cu mei ah däi ciah k’tung gui ah mäih lawk ci.

THU PHLAAN 20:11

Cun kawn ah mangkiaang a bawknu la acun ung ngok ciah Bawimang cu ka hmuk ci. Acun ah Bawimang ah maa ung khankho la khomdek cu ng’kawn ne maih lawk ci.

JOHAN 1:14

Thu cu chang ah yung tüi law pyi ci. Abäkhäk nak la thutak awn be ne mikmi ung om pyi ci. Abämang nak phi mi hmu pyi ci. Cun ah bämang nak cu Khanpughi ah Htapa ah a kyak nak awn agah ah kyak ci.

MAKUH 9:3

A suisak cu pyü ne ng’shü ne bawk ne khang lawk ci, acun ah mäih ah bawk khai ah khomdek khanchang naw a u naw kä m’sumsäi hlawt khai.

ROMAN 12:2

Khomdek khan ung yodäm nak ung kä nami ng’kü ng’neet tu vai, Khanpughi ung nami m’lung kyong avan ng’thawng sak u ne, m’lung ngaih ak thai awn nami om vai. Cun ung vah ni kyom nak, amät ung yeikyai nak la kümbe nak gui ah Khanpughi ah ang yak hlü cu nami hmat khai.

JOHAN 17:24

O Kapa! Khomdek kä ah ng’tüi pha ung nang naw na na peit ah bämang nak cu, kei-am nang naw na na ap ah chang gui naw, ami hmuh tu vai ah ngami cu kei awn na om sak gui ä.

SOLOMON NG’Ä~ 6:10

Kho thaih ah mäih ah dei ciah chang cu a u ang? ani cu kyom ne khang ci, hni la cha ah mäih ah vai ci nei.

MATTHE 17:1

Ak hnüüp chuk nak ung Bawipa Jesuh naw, Peter ni, James la anau Johan ni cu khah püi gui ne khomhtung ah kai püi gui ci.

MATTHE 17:3

Cun kawn ah ang düihpüi gui naw, Moses la Elijah dang law ni sei, Bawipa Jesuh awn düi ne thu ng’htau u sei hmuk ci gui.