MATTHE 17:17 - Cho Bible Common Language 2016

¹⁷ Bawipa Jesuh naw, “Nangmi cu nami yum nak kä om sei nami ng’lihlak yawp ci nei. Kei naw nangmi a i güt ka ning om püi gui vai ang, a i güt ka ning ngaih peit gui vai ang, ak hmaw cu ka pei ah law püi vä,” cine pyen na gui ci.

MATTHE 17:17 Referans Kwoze

KHEI NAK 14:11

Bawipa naw Moses cu pyen nak ci, shin ah chang gui naw a i güt na hnungtuk püi khai gui ang? Cäi-aih vai gui akchün akda m’dang pang ä sei phi, ngami naw a i güt kei ung ami ng’ap vai cu mak khai gui ang?

MATTHE 6:30

Zum nak ken ciah chang gui, tuhngawi ching ne ngawi ung chawng sei mei ah uih vai ah, khu m’ghaw gui pang hngaw Khanpughi naw cun ah a müisa sak gui ung, nangmi läi cu, cun ah dämda hlüngtai pi khai ah, ning müisa sak gui khai ah kä kya ne ang?

LAMKTU 13:18

k’pya lün nu ah khokum phli-kip pum ung hnimgei ne khah püi gui ci.

MAKUH 16:14

Cun kawn ah ang düihpüi chang sing gha-lei-ät naw ei vai ne ami ei yah ung, Bawipa Jesuh cu ami ma ah ng’dang lawk ci. Ngami cu ami yum nak kä a om ah hmawk la Bawipa Jesuh sih nak ungka a thawh ba kawn ah Bawipa Jesuh hmuk ciah chang gui ah ami pyein cu kä ami yum nak hning ah hmawk ah yüi gui ne m’cäi gui ci.

MAKUH 9:19

Bawipa Jesuh naw, “Nangmi cu a i hlawk ah a yum nak kä om ciah chang gui ang? Kei cu nangmi awn a täng ah a i güt ka om vai ang? A i güt nangmi ka ning ngaih peit gui vai ang? cun ah ak hmaw kei ah om nak ah law püi vä” cine kyak na gui sei,

MATTHE 13:58

Cun ah Nazaret chang gui cu ami yum nak kä om khätah, Bawi Jesuh naw cäi aih vai ai phi käm dang ling ci.

MATTHE 8:26

Bawipa Jesuh naw, “A i ah kyasei nami kyih aih ang? Nami yum nak ken aih ci nei,” cine kyak na gui netah, khokhi tui ng’hnawk cu k’de ne ng’düm sak sei, acun vai-am khokhi cu ng’düm yawp ci.

NG'THU K'THUUK~ 1:22

“Chang gu k’ang gui! A i güt nami gu ang khai ang? A i güt hmuhmat nak cu m’lepse ne nami yeikyai khai ang? kä nami ng’thei thang phung khai ma?

KHEI NAK 14:27

“A i güt shin ah chang shekha gui naw chiu m’da ne, kei cu na hnungtuk püi khai gui ang? Shin ah chiu m’da ci gui cu kei naw ka ng’ya yawp pyi ci nei.

PHYAWN NAK 10:3

Cun ah kyasei Moses la Aaron naw ghangpughang ah hteit ni neta ng’thu ani pyen cu, “Bawipa, Hebru gui ah Khanpughi ah ng’thu cu kei ah na ng’paa law nak vai cu a i güt na mak khai ang? Ka chang gui cu hteh sak gui ä, cun ung ngami naw na khawihnah khai gui nei.

JOHAN 20:27

Cun kawn ah, Thomas-am, “Na kut awn shin ung nam tham ä, ka kut phi na teng ä, na kut k’phiaat ne kam hnaak cu nam tham shüm ä, a i ni mä, ciah kä ngai ne yum ä” ci nak ci.

LUKA 24:25

Cun kawn ah Bawipa Jesuh naw, “Profet gui ah pyein man gui yum vai ah, shokshü aih ciah chang k’ang gui aw,

LUKA 9:41

Bawipa Jesuh naw, “Zum nak kä om ciah hmu ah ng’hlat ba thei ciah chang gui, kei naw nangmi a i güt ka ning ngäng gui khai ang? ci netah acun ah chang-am, “Na hta cu law püi yä” ci nak ci.

MATTHE 16:8

Cun ah ami ng’cecäk cu Bawipa Jesuh naw ng’ya gui netah, “A i ah kyasei ei kä nami sho ah mawng pyein ne nami ng’htau ang?

JEREMIAH 4:14

Jerusalem na m’lung kyong ungka akshekha gui cu m’si ä, cun ung nang cu hun nak na gah khai. Nang naw shetkat nak gui laih laih ngaih-tüh ne a i güt na hteit khai aw!

PHYAWN NAK 16:28

Cun kawn ah Bawipa naw Moses am, “Nangmi chang gui naw a i güt ka ng’thu nami maa nak khai ang?

NG'THU K'THUUK~ 6:9

Chang dam, a i güt ih phak ung na ng’yän khai ang? a i khä ta na thou lawk khai ang?

SAM 95:10

Kho kum phli kip ung cun ah chang gui naw na m’shemshai ci gui nei. Kei naw, ‘Ngami cu kä bekhüt aih ci gui nei! Ngami naw kei ah thumkhän cu kä läk hlük ci gui nei.’

THULÄÄN NAK 32:5

Cun ung phi nang cu kä na bekhüt ci, ani ah chang ah kä na khin kha ci. Katnak la thuvi nak awn be ciah pakhui ah na kyak ci.

ISAIAH 19:14

Ng’ganggam ciah m’shümthein nak ami pek vai ah Bawipa naw ci gui ci nei. Akhnu ah Egypt naw ang nü cu chei maih khai ah bikci nei cun cu awktat ne kin shüi shüi ne amshah ung ng’hlawk ciah müih ah kyak ci nei.

MATTHE 17:16

Ani cu nang düihpüi gui ah hteh püi ung phi kä gai sak hlawt ci gui nei,” cine pyein ci.

MATTHE 17:18

Bawipa Jesuh naw ak hmaw ungka khoshe cu täm khätah khoshe cu dawng sei, acun vai-am ak hmaw cu gai ci.

LAMKTU 2:40

Peter naw cun bäng ah kä kyak ciah, ng’thu akda pyein neh am cäi gui cu, “nang mi cu, changshe gui naw ami gah vai ah kak ci m’kat nak ung, nami mät naw nami mät cu phiawn sak vä” cik ci.

2 KORIN 11:1

Kei ah api ah ka shetkat nak cu nami hnimgei vai nei, Nami Bä ni!