MATTHE 17:12 - Cho Bible Common Language 2016

¹² Kei naw akcang ah ka pyein cu Elijah cu gawk law pyi ci nei. Cun ung phi chang gui naw ani cu kä hmat u ne, ani ah khan ah ami bi hlü hlü ah bik ci gui nei. Acun ah mäih ah chang ah Htapacun phi chang gui ah kut ung shedam nak gah khai nei.

MATTHE 17:12 Referans Kwoze

MATTHE 16:21

Cun ah akhin ung tün ne Bawipa Jesuh naw ang düihpüi gui am akdei angdang ah am thein gui cu, “Kei cu Jerusalem ah hteit ne, pum im ung ang vai gui, taigüpa gui la thukhän saya gui ah kut ung dukdeiu nak ka gah khai, cun kawn ah sih nak ung na gawksak khai gui, cun ung phi ak hnüüp thum hnüüp sih nak ung kaa ka tho ba khai,” ciah kyak ci.

LAMKTU 4:10

nang mi naw kut lam tung ung tai ne ngawn uk ci seih Khanpughi naw a thawh ba sak ah Nazaret Bawipa Jesuh Khrit ah hlüng tai ciah ang ming awn theek ne gai ne, nami ma ah ang düih cu, nang mi lah Israel chang van naw nami hmat khai nei.

LAMKTU 7:52

nami pupa gui naw kä ami shedam nak ah profet a u om ne ang? Ngah mi cu Khanpughi ah ng’düng ciah changshäm akyum law vai ah mawng pyein ciah ng’shä gui cu ngawn ci gui nei.

LAMKTU 2:23

Khanpughi naw pyein neh ak bäi pyi ah mäih ah Bawipa Jesuh cu, nami kut ung ning ap gui pyi ci; nang mi naw ani cu chang k’she gui am kutlam’tung ung na mi ngawn sak gui pyi ci.

JOHAN 1:11

Cun ung phi khomdek naw ani kä yum hmat ci. Ani cu amät ah kho ng’lei ung law sei phi ak chang gui naw kä dou ci gui.

LUKA 7:33

A i ah kyasei ci ung Tuihnim Johan law ne, ei kä ei ne, sapyit tui kä aw ne om sei, ‘Ani ung khoshe om ci nei’ nami cik ci.

MATTHE 21:32

Zohan naw nangmi ah law ne lam düng cu ning m’shüm gui sei phi, nangmi naw kä nami yum ci. Cun ung phi khawn look ci gui la chang hlawhlang gui naw yum ci gui nei. Shin ah a mawng ama gui nami hmuhmat kawn ah phi, nangmi cu nami m’lung thawng ne Zohan cu kä nami yum hlawt ci.

MATTHE 11:2

Bawipa Jesuh ah bilawh gui cu Tuinim Johan naw thawng kyong ah a om nak ah ng’ya netah, ang khahpüi gui amshah cu tüi law ne,

MATTHE 8:20

Bawipa Jesuh naw, “Sa-ui cu a khui om ne, kha cu ang bu om ci, cun ung phi chang ah Htapa cu ang düm nak vai a i kä om ci,” ci ne pyen nak ci.

MATTHE 17:9

Cun kawn ah Bawipa Jesuh la ang düihpüi gui cu, khomhtung ah kaa kyum law ba ci gui. Ami kyum law ba yah ung Bawipa Jesuh naw, “Tuhbäi nami hmuh gui cu, chang ah Htapa sih nak ungka a thawh law ba ung khüt sei, a u-am kä nami m’thein vai,” cine ang düihpüi gui-am m’yih sak gui ci.

MATTHE 17:11

Bawipa Jesuh naw, “Elijah cu law ba ma ne a mawng ama avan anam khüp ma khai,’ cicu akcang ah kyak ci nei.

MATTHE 17:13

Acun kawn ah ang düihpüi gui naw tuihnim Johan ah mawng a pyein ah hmat lawk ci gui.

MATTHE 17:22

Bawipa Jesuh la ang düihpüi gui cu Kalile kho ah ami hteh hton yah ung Bawipa Jesuh naw, “Chang ah Htapa cu chang gui ah kut ung ap khai gui.