MATTHE 16:4 - Cho Bible Common Language 2016

⁴ Tuhchü chang gui cu ang htei ah shetkat u ne, düng nak kä om aih ci gui nei. Nangmi naw cäi aih vai nami thäh ci, cun ung phi Jonah ah m’dang ah cäi aih vai ah kawn ah a i nami hmuh vai kä om ci nei,” cine pyen na gui ci. Cun kawn ah Bawipa Jesuh cu pawng ne a hei lam ah hteit ba ci.

MATTHE 16:4 Referans Kwoze

JONAH 1:17

Bawipa naw atäkphan ah nganu naw Jonah cu m’yawih sei, ani cu mü thum la hnüüp thum ung nga ah puk kyong ah om ci.

MAKUH 8:38

Khanpughi kä shüm ne shetkat nak ah tuhchü akhin ung, kei ah hmawk la kei ah m’theithang ah hmawk ah lü ng’a ciah chang cu, Apa Khanpughi ah bämang nak awn, chang ah Htapa, khanchang theing gui naw’ kiuung u sei a kyum law ba hnüüp ung ani ah hmawk ah lü ng’a nak om khai nei” cine kyak na gui ci.

MAKUH 8:12

Bawipa Jesuh naw ngai shäng netah, “Tuhchü chang gui naw a i ah kyasei cäi aih vai ami thäh ang? Kei naw akcang ka pyein cu, shin ah chang gui-am, cun ah cäi aih vai gui cu, kä m’dang gui vai nei” cine kyak na gui ci.

MATTHE 15:14

Cun ah kyasei ngami ah hmawk ah kä nami ng’ä vai, ngami cu amik käm dei ci lam shüm tuk ciah amik m’dauh gui ah kyak ci gui. Amik m’dauh naw amik m’dauh cu lam am shüm ah a kyak ung, ani nik hnih cu m’ghawng ah lut khai goi nei,” cine m’cäi gui ci.

ATÜNNAK 6:3

Cun ah kya khäta Bawipa naw, “Chang gui am angtäi ghin nak kä ka pe ba gui khai; chang cu pumsa ah kyak ci. Tuhbäi ung tün ne chang gui cu khawkum phia la m’ku ah däm sei kä ghing khai gui” cine pyen ci.

LAMKTU 18:6

Ani cu Judah chang gui naw hnu ng’tuk püi ne k’shedam nah u khätah, Paul naw ami ma ah a sui k’khawng ne, “Nangmi nami dimaih ung phi nami mät ah chaw ah kyak khai nei, kei naw kä ka pyein tu ba khai, tuk bäi ung tün ne changpakhui hei gui ah hteit ne ka pyein khai nei” cine pyen na gui ci.

HOSEA 9:12

Ami hta nau om sei ami däm ng’vai sak ung phi, kei na ka lak pe gui khai. Tumat phi ghing ne kä om khai gui. Kei naw shin ah chang gui ka nawng gui ah akiak ung ngami ah khan ah kyihkyawk vai gui gawk lawk khai.”

HOSEA 4:17

Israel chang gui cu agup mang nak ah kaa ung om pyi ci gui. Ami hteh nak hlü ah lam ung hteit tei u sä.

LAMKTU 2:40

Peter naw cun bäng ah kä kyak ciah, ng’thu akda pyein neh am cäi gui cu, “nang mi cu, changshe gui naw ami gah vai ah kak ci m’kat nak ung, nami mät naw nami mät cu phiawn sak vä” cik ci.

ISAIAH 57:3

Nangmi kakciah chang gui, ng’thumcha vai shin ung law vä! Nangmi cu, cuun u ni, chang ah chuhta kat püi ci ni, pletbeng ci ni ah ta kä nami bä tuba ci nei.

JONAH 1:1

Hnüüp ät ung Bawipa naw Amittai ah hta Jonah cu pyen nak ci.

MATTHE 16:5

Ang düihpüi gui cu tuili ah vang ga ah ami vah kai ba yah ung, m’htut ami sho vai sü cu m’hnih shüt ci gui.