MATTHE 16:3 - Cho Bible Common Language 2016

³ Kho ngawi hta ung hni law lam ah meile a tawt ung kho aa khai ci ne phi bäi, nami pyein man ci. Nangmi cu khomik teng ne kho akhi aa vai cu hmat lang u ne, tuhbäi chü akhin ah a mawng cu m’khoicha ne kä nami hmat ci ma?

MATTHE 16:3 Referans Kwoze

LUKA 12:56

Thuvi ciah chang gui, nangmi cu khomdek la khankho teng ne kho khi kho k’aa nami hmat ci. A i ah kyasei tuhchü ah a khin m’khoi m’cha ne kä nami hmat hning ang?

LUKA 13:15

Bawipa Jesuh naw, “Chang thuvi gui, ‘Nangmi cu pum hnüüp ung nami sei gui, nami k’se gui gui k’phian ne saw ne tui nami tu man ciah kä kya ne ang?

MATTHE 11:5

Amik m’dauh gui, m’dei ba ci gui, shumkhem ci gui hteithon ba ci gui, kheilei ah ei gui theek ba ci gui, akpang ak ang gui ng’lang ba ci gui. Aksi gui ghing ba ci gui. Chang pyaam gui naw ng’thu k’ni ng’ya pyii ci gui.

LUKA 11:44

Nangmi ung shekat nak om ci. Nangmi cu a hnün kä om ciah ng’cim hmun awn nami täng ci. Cun ah ng’cim hmun cu chang gui naw akhan ah kai na u ne phi, ng’cim hmun bä ah kä hmat ci gui” ci ne kiak na gui ci.

MATTHE 23:13

“Thuvi ciah Pharisee gui la thukhän saya gui, nangmi ung thüinak aih om ci. Nangmi cu khankho ah chang gui naw ami kai nak vai ah m’kawt nami khai ci. Nami mät phi kä nami lut ci, lut hlü ne tha nak ciah chang phi kä nami luh sak ci.

MATTHE 22:18

Cun ung phi Bawipa Jesuh naw ngami ah shekat ciah ami ngaihtüh cu hmat netah, “Thuvi chang gui, a i ah kyasei nangmi naw thuvi ne nami nang shi ang?

MATTHE 15:7

Thuvi chang gui, nangmi ah mawng Isaiah naw a pyein cu, akcang ah bä ci nei, cun ah thu cu;

MATTHE 7:5

Nang thuvichang, na mät ah mik ungka mik eek cu, na ghu ma vai; cun ung vah na phäi nau ah mik ungka ng’voihta cu ang htei ah hmuh ne na ghu pe hlawt khai.

MATTHE 4:23

Bawipa Jesuh cu Kalile kho avan ung hteit ne pum im gui ung m’theithang gui ci. Khankho ah mawng ng’thu phi pyein ci, a hlü hlü ah gawpai ci gui phi gai sak gui ci.

HEBRU 5:14

Guh ciah buh ei cicu ang vai pyi ah kyak ci, khritha ak ni ak she bui aut ne m’khoi chaa thei pyi ciah kyak ci.