MATTHE 16:21 - Cho Bible Common Language 2016

²¹ Cun ah akhin ung tün ne Bawipa Jesuh naw ang düihpüi gui am akdei angdang ah am thein gui cu, “Kei cu Jerusalem ah hteit ne, pum im ung ang vai gui, taigüpa gui la thukhän saya gui ah kut ung dukdeiu nak ka gah khai, cun kawn ah sih nak ung na gawksak khai gui, cun ung phi ak hnüüp thum hnüüp sih nak ung kaa ka tho ba khai,” ciah kyak ci.

MATTHE 16:21 Referans Kwoze

MATTHE 17:12

Kei naw akcang ah ka pyein cu Elijah cu gawk law pyi ci nei. Cun ung phi chang gui naw ani cu kä hmat u ne, ani ah khan ah ami bi hlü hlü ah bik ci gui nei. Acun ah mäih ah chang ah Htapacun phi chang gui ah kut ung shedam nak gah khai nei.

MATTHE 27:63

“Bawi aw, cän ah hleei ciah chang a ghin yah ung ‘Kei ak hnüüp thum hnüüp sih nak ungka ka tho ba khai,’ a cicu kami shüm ba ci nei.

MATTHE 20:28

Chang ah Htapa cu chang ah m’htei vai ah lawk ciah kä kyak ci, chang m’htei khai la, a hnun gui pe ne chang avan hun phiawn khai ah lawk ciah kyak ci, nangmi cu acun ah mäih ah nami kyak vai,” cine m’cäi gui ci.

LUKA 17:25

Cun ung phi chang ah Htapa cu nuipai ciah yaica nak la tuhchü chang gui ah huut-taap nak cu bui maa khai nei.

LUKA 24:46

Bawipa Jesuh naw, “Cacim ung, Messiah cu sihnak awt khai, cun kawn ah ak hnüüp thum hnüüp sihnak ungka tho ba khai.

MAKUH 8:31

Cun kawn ah Bawipa Jesuh naw ang düihpüi gui-am, “Chang ah Htapa cu yaica nak akda bui awt khai, chang ng’vaigui, taigüpa gui la thukhän saya gui naw hnu ng’tuk püi khai gui. Ani cu ngawn khai gui, cun ung phi ak hnüüp thum hnüüp ung tho ba ne ghing ba khai” cine m’thein thang gui ci.

LUKA 9:31

Ngani cu Khankho bämang nak awn kyum law ni ne, Khanpughi ah ng’yak hlü ah Jerusalem ung kä shou pha seih Bawipa Jesuh asih law vai ah mawng cu pyein ci goi.

MATTHE 26:47

Cun ah Bawipa Jesuh naw thu a pyein yah ung, ang düihpüi gha-lei-goi ung kaa, Judas cu, htung tawn ni, khim ni, kawt ci gui ah chang khli awn a täng ah gawk lawk ci gui. Cun ah chang gui cu taigüpa gui la ami ng’vai gui naw ami tüih law gui ah kyak ci.

MATTHE 26:2

“Ak hnüüp hnih nak ung phiawn nak pawi om khai ah nami hmat ci. Cun yah ung Chang ah Htapa cu kutlam tung ung tai ne ami ngawn vai ah ga ah kut ung ap khai gui nei,” cine pyein ci.

MATTHE 27:12

Bawipa Jesuh naw, “Na pyein ah kyak ci nei,” ci nak ci. Cun ung phi taigüpa gui la ami ng’vai gui naw m’kat ne ami ng’shi nak gui cu, a i ah phi kä m’hlan tuba gui phung ci.

MATTHE 16:28

Kei naw akcang ka pyein cu, shin ung om ciah chang avan kä a sih pha ung chang ah Htapa cu Ghangpughang ah kya ne law ba khai nei” cine m’cäi gui ci.

MATTHE 12:40

Jonah cu nganu ah puk khui ah hnüüp thum la mü thum a om ah mäih ah, chang ah Htapacun phi m’dek khui ah hnüüp thum la mü thum om khai nei.

MATTHE 16:22

Peter naw Bawipa Jesuh cu a pei ah khü netah, “Bawipa, na pyein gui cu akcang ah kä ah bä-en vai ah, Khanpughi naw shungshet sä. Nang Bawipa cu acun ah a mawng ama gui-awn, a i yah ung phi kä bui awt-en ä,” cine pyein ci.

MATTHE 17:9

Cun kawn ah Bawipa Jesuh la ang düihpüi gui cu, khomhtung ah kaa kyum law ba ci gui. Ami kyum law ba yah ung Bawipa Jesuh naw, “Tuhbäi nami hmuh gui cu, chang ah Htapa sih nak ungka a thawh law ba ung khüt sei, a u-am kä nami m’thein vai,” cine ang düihpüi gui-am m’yih sak gui ci.

MATTHE 28:6

Ani shin ung kä om ci, a cäu a pyein ah mäih ah tho ba pyi ci nei.

MAKUH 9:12

Bawipa Jesuh naw, “Apäng avan cu ana pyang m’tham ma khai ah Elijah cu akcang ah kyum law ma khai. Cun ung phi cacim naw, “Chang ah Htapa cu yaica nak la shedam nak khan khai” cine a i ah kyasei a pyein ang?