MATTHE 16:16 - Cho Bible Common Language 2016

¹⁶ Simon Peter naw, “Nang cu angtäi ghing ciah Khanpughi ah Htapa, Messiah ah na kyak ci,” cine pyein ci.

MATTHE 16:16 Referans Kwoze

MATTHE 14:33

Hleiko khan ah om ciah ang düihpüi gui cu Bawipa Jesuh ah kawp ne ngüm yawp u netah, “Nang cu akcang ah Khanpughi ah Htapa ah na kyak ci nei,” cik ci gui.

JOHAN 11:27

Mahta naw, “Ka yum ci nei Bawipa, nang cu khomdek khan ung kyum lawk ciah Khanpughi ah Htapa, Messiah ah na kyak cu, ka yum ci nei” cine pyein ci.

1 JOHAN 4:15

Bawi Jesuh cu Khanpughi ah Htapa nei, cine ng’kiaa ciah chang cu, Khanpughi ung om ciah kyak ci, Khanpughi phi ani ung om ci.

MATTHE 27:54

Bawipa Jesuh ngäng ci gui ah gabawi la gakap gui naw, shihpi a thüng la a hmün cäicat vai gui cu hmu law u ne, ang htei ah kyikyawk u netah, “Shin ah chang cu akcang ah Khanpughi ah Htapa ah kyak ci nei” cik ci gui.

1 TIMOTHI 4:10

Mikmi naw tha na ne mi bilawh ah mawng cu, chang nüng ah Hunbawi, ak tung pi ah yum ci gui ah Hunbawi ah kya ne ghing ciah Khanpughi cu mi ngaih u ah hmawk ah kyak ci.

LAMKTU 9:20

Ani cu pum im ah hteit neh Bawipa Jesuh cu, Khanpughi i ah htapa ah akiak ah mawng ng’thu pyein ci.

1 THESSALONIAN 1:9

Keimi kami law ah mawng la a i cha nami na dou gui ah mawng, düng ne ghing ciah Khanpughi ah a khuut bi vai la khankho ah ka kyum law ba khai ah A Htapa ngäng vai ah hmawk ah a gup gui nawng shüt ne Khanpughi ah nami ng’hlah law ba ah mawng gui cu, cun ah chang gui naw pyein sak ci gui nei.

MATTHE 26:63

Cun ung phi Bawipa Jesuh cu kä chiu phung ne om ci. Taigü tung naw nang cu Khanpughi ah Htapa, Messiah ah na kyak ci ma, kei-am nam thein-ä. Ghing ne om ciah Khanpughi ung thukhäm ne ka ning shik ci nei,” cine pyein ci.

1 JOHAN 5:5

Khomdek khan cu a u naw m’khüt näng khai ang? Bawi Jesuh cu Khanpughi ah Htapa ah yum ciah chang bäng naw m’dekkhan cu m’khüt näng ci.

HEBRU 10:31

Ghin ciah Khanpughi ah kut khui ung kyumkiak cu kyihkyawk aih vai ah kyak ci nei.

ROMAN 1:4

Ak khanchang theing nak ah, Khanpughi ah Htapa ah a kyak cu ang dang vai ah Khanpughi naw abämang hlüngtai nak awn sih nak ung kaa thawh ba sak ci.

SAM 2:7

Ghangpughang naw, “Bawipa ah thu m’shäk cu kei naw ka ng’shäu khai. Ani naw kei am, “Nang cu ka ning htapa nei, Tuhngawi kei cu nang ah Pa ah ka kyak ci nei.

MAKUH 14:61

Cun ung phi Bawipa Jesuh cu m’kha ät ah phi ng’thu kä pyein ne a düm hta ah om ci. Taigütung naw, “Nang cu yeikyai nak ah Khanpughi ah Htapa Messiah ah na kyak ci ma?” cine ng’shi ba mä ci.

DANIEL 6:26

Ka uknak ah khaw avan ung thukhän ka bik ci nei, Daniela ah Khanpughi cu chang nü naw a kyih vai nei, a chang m’sui vai nei. “Ani cu ghing ciah Khanpughi, Ani naw khonglän ung uk khai nei. Ani ah uknak khaw cu a i naw kä m’di hlawt khai nei, ani ah huham cu kä ng’pyi hlawt khai nei.

THULÄÄN NAK 5:26

Ghing ciah Khanpughi, mei ungka naw thu pyen sei ng’ya pyi ciah chang cu ghing ba lä man ne ang?

JOHAN 20:31

Cun ung phi Bawipa Jesuh cu Messiah, Khanpughi ah Htapa ah kyak ci, cine nami yum vai la, nami yum nak awn nangmi ung ghin nak nami gah vai ah, shin ah ca uk cu guk ah kyak ci nei.

JOHAN 1:49

Nahtanelah naw, “Rabbi, nang cu Khanpughi ah Htapa ah na kyak ci, Israel ah Khanpughi ah na kyak ci” cik ci.

HEBRU 12:22

Cun nak vaisü ung nangmi cu Zion m’htung la angtäi ghing ciah Khanpughi ah mang gaw, Khankho Jerusalem, kä khei tai vai ah khanchang gui ah om nak ah nami gawk ci nei.

1 TIMOTHI 3:15

Cun ung phi kei cu ka shokshü ei ah a kyak ung, Khanpughi ah kyongkhui ung om ci gui naw, a i ah om ih vai cu nami hmat vai ah, shin ah ca ka guk law ah kyak ci nei. Cun ah kyongkhui cu ghing ciah Khanpughi ah krithabum ah kyak ci, cun ah Krithabum cu thu düng ah a tung ah kyak ci.

1 JOHAN 5:20

Khanpughi ah Htapa cu kyum law ne, Lulang nak cu na pe gui sei, Khanpughi akcang mi hmat tu cun phi, mikmi naw mi hmat ci. Mikmi cu A Htapa Bawi Jesuh Khrit awn mi kawng ät nak awn, Khanpughi akcang awn phi kawng ät ne mi ghing ci. Shin cu Khanpughi akcang ah kyak ci, ani ung mi gah cu angtäi ghin nak ah kyak ci.

2 KORIN 6:16

Khanpughi ah pum im cu a gup gui awn ng’thu kä khän hlawt khai gui. Mikmi cu Ghing ciah Khanpughi ah Pum im ah mi kyak ci! Khanpughi amät naw; “Ka chang gui awn ka im ka pyang khai, Ami ng’lung ah ka om khai! Kei cu ngami ah Khanpughi, Ngami cu kei ah chang gui ah kyak khai gui” ci ne pyein ci.

2 KORIN 3:3

Cun ah ca cu Bawi Khrih amät naw gu netah keimi am ana tei sak gui cu dang ci nei. Cun ah ca cu hmein nawn guk ah kä kyak ci, ghing ciah Khanpughi ah Mumcha awn guk ah kyak ci, cun ah ca cu lung ung guk ah kä kyak ci, chang ah m’lung ung guk ah kyak ci.

LAMKTU 14:15

“Paw chang gui aw, a i vai shicha na mi bi ang? Keimi phi nangmi ah mäih ah chang ah kami kyak ci nei, Nangmi naw a shin ah mäih ah bi lawh gui cu nawng shüt u neh, angtäi ghing ne, khan la kaa, tui la m’dek, ak ghing ak om avan tüi sho ciah Khanpughi cu nami yum tu vai ah, Thu Ni cu kami pyein khai ah kami lawk ci nei.

MATTHE 4:3

Cun kawn ah khoshe naw law shi netah, “Nang cu Khanpughi ah Htapa ah na kyak ung shin ah lung gui shi, m’htut ah kyak khai ah pyang ä,” cine pyen nak ci.

SAM 42:2

Ghing ciah Khanpughi, nang cu tui ah gha ne ka ning ging co ci nei. A i yah ung na ma ah hteit ne, ka ning khawihnah hlawt khai aw?

LAMKTU 8:36

Ngah ni cu hteit gäk gäk ni netah tui ah om nak ah gawk lawk ci gawi. Cun kawn ah cun nah bawi naw, “Shin yah ung tui om ci, tui kä kang hnim cang vai ah na shung shet ciah mawng a i om ne ang?” ci neh ng’shik ci.

JOHAN 6:69

Nang cu Khanpughi ungka kyum lawk ciah, khanchang theing ah na kiak cu, tuhbäi hmat ne kami ning yum ci nei” cine pyein ci.

MATTHE 1:16

Jakob ah hta cu Mari ah cei Josef ah kyak ci. Mari cu Messiah ah ming ciah Jesuh ah anu ah kyak ci.

MATTHE 16:15

Bawipa Jesuh naw, “Nangmi naw mä, kei cu a u ah nei nami na pyein,” cine ng’shi gui ci.

LUKA 2:11

Tuhngawi David ah gawnu ung Khrit Bawipa, nami Hunbawi cu ng’tüi pyi ci nei.

JOHAN 6:57

Ghing ciah Kapa naw ana tüih law ah kya ne, kei cun phi Kapa awn ka ghing ci. Acun ah mäih ah kei na ei ciah chang cu, kei awn ghing khai.

JOHAN 6:68

Simon Peter naw, “Bawipa, a u ah om nak ah keimi kami hteh vai ang? Nang Bawipa bäng naw vah angtäi ghin nak ah ng’thu cu na pyein ci.

2 KORIN 1:19

Silas ni, Timothi ni, kei ni naw ng’shäu ne kami pyein ah Khanpughi ah Htapa, Bawi Jesuh cu, “ä” ci shüm “Ka” ci shüm ciah Bawi ah kä kyak ci. Ani cu Khanpughi ah ng’yak hlü cu “ä ya” cik ciah Bawi ah kyak ci.

HEBRU 3:12

Zum ciah ka phäi nau gui, ghing ciah Khanpughi nawng nak vai amawng ah am lung kiong shekhak ciah chang, nangmi ung kä om en khai ah nami geing nak vai nei.

HEBRU 9:14

Bawi Khrit ah si naw a i hlawk ah theingcim sak pi khai aw! Bawi Khrit naw ng’täi ciah Mumcha awn amät cu, katnak kä om ciah küikyan nak ah kya ne Khanpughi ah ng’ap pyii ci nei. Ani ah sihlui naw, alä düüt ah kyak ciah mi m’lung ngaih cu na theingcim sak gui khai, cun ung mikmi naw angtäi ghing ciah Khanpughi cu mi khawihnah khai nei.

THU PHLAAN 7:2

Cun kawn ah ghing ciah Khanpughi ah mhnüt nak cu law püi ciah khankho chang cu hnilaw lam ah kaa law sei ka hmuk ci. Ani naw m’dek khan la tuinu ung lei ng’hlui thawh sak hning khai ah Khanpughi naw huham a peit ah khankho chang paphli-am,

LAMKTU 8:37

(Philip naw, “Nang cu nam lung kyawng avan awn Bawipa Jesuh na yum ah a kyak ung tui nang hnim vai” ci neh pyen nak ci. Cun ah bawi naw, “Bawipa Jesuh Khrit cu Khanpughi ah Htapa ah kyak ciah, kei naw ka yum ci nei” cik ci.)