MATTHE 16:14 - Cho Bible Common Language 2016

¹⁴ Ang düihpüi gui naw, “Chang amshah naw ‘Tuihnim Johan’ cik ci, amshah naw, ‘Elijah’ cik ci, amshah naw Jeramaih kä cun ung profet ah kyak khai,’ cine pyein ci gui nei,” cik ci gui.

MATTHE 16:14 Referans Kwoze

MAKUH 6:15

Chang am shah naw ani cu, “Elijah nei” cik ci gui. Chang am shah naw, “Ani cu, cäu profet gui man ah mäih ah kyak ciah profet nei” cik ci gui.

MATTHE 14:2

“Ani cu sih nak ung ka tho ba ciah Tuihnim Johan akcang ah kiak khai. Cun ah kya ne ani ung cäi aih nak vai m’dang nak hning ah hlüngtai nak gui om ciah kyak ci,” cine ak chang vai gui-am kiak na gui ci.

MALAKHI 4:5

“Cun ung phi küikyang ci la kyihkyawk nak vai ah Bawipa ah law nak kä ak phaa law pha ung kei naw prophet Elijah cu ka ning tüih law pe gui khai.

JOHAN 9:17

Pharise gui naw, amik m’dauh te ciah chang-am, “Na mik ning m’dei ba sak cicu a u chang ang?” cine ng’shi ba ci gui. Cun ah chang naw, “Ani cu profet nei” cine m’thein ba gui ci.

JOHAN 7:12

Chang akda naw ani ah mawng cu adüm düm ah pyeinsak ci gui. Amshah naw, “shin ah chang cu changninei” cik ci. Amshah naw, “Chang ni ah kä kyak ci, chang m’hleehlak ciah chang nei” cik ci gui.

LUKA 9:8

Am shah naw, “Elijah law ba ci nei” cik ci, amshah naw, “Cau profet tumat ghing ba ne law ba ci nei” cik ciah ami pyein gui cu Herod mang naw ng’ya netah,

MAKUH 8:28

Ang düihpüi gui naw, “Chang amshah naw nang cu; Tuihnim Johan nei cik ci gui, chang amshah naw, ‘Elijah’ nei cik ci, chang amshah naw’ profet tumat nei’ cik ci” cine pyein ci gui.

MATTHE 17:10

Ang düihpüi gui naw, “A i ah kyasei a htük bäih ah ‘Elijah kyum law ba khai,’ cine thukhän saya gui naw ami pyein ang?” ci ne ng’shik ci gui.

JOHAN 1:21

Ngami naw, “Cun ung nang a u ang? Nang Eliah ma?” cine ng’shi ba ci gui. Johan naw, “Kei cu Eliah ah kä ka kya ci nei” ci ba ci. Cun ung nang profet ma cine ng’shi ba mä u sei phi, “Ka nei” ci ba ci.

JEREMIAH 1:1

Shin ah ca-uk cu Hilkiah ah hta Jeremiah ah thu pyen guk ah kyak ci, ani cu Benjamin khopäng, Anathoth gawnu ung taigü tumat ah kyak ci.

MATTHE 3:1

Cun yah ung Tuihnim Johan cu Judea kho bung puk ah dang law ne,

MATTHE 16:15

Bawipa Jesuh naw, “Nangmi naw mä, kei cu a u ah nei nami na pyein,” cine ng’shi gui ci.