MATTHE 15:32 - Cho Bible Common Language 2016

³² Bawi Jesuh naw ang düihpüi gui cu khü gui netah, “Shin ah chang gui kei awn a täng ah ami om tu cu hnüüp thum lüng lawk ci nei, Ngami ung ei vai kä om ci, kam gein gui ci nei. A i kä tumbei gui ung ami hteh ba ung lamah ami thagui maih khai nei,” cine kyak na gui ci.

MATTHE 15:32 Referans Kwoze

MATTHE 9:36

Chang gui cu htoshäm kä om ciah htome gui ah mäih ah, ami ngaih u vai kä om sei, ami ng’ä ai cu hmuh gui netah, chang gui cu m’gein gui ci.

LAMKTU 27:33

Kho thai law hlü khätah Paul naw, ei ami ei auk vai ah m’cäi gui ne, “A i ah kyak vai ni mä cine ngai ne nami om nak hnüüp gha-lei-phli law lawk ci, cun yah pum ung nangmi a i kä nami ei auk ci”,

HEBRU 4:15

Mikmi ah Taigü Tung cu mikmi ah shetkat nak kä nam gein gui hlawt ciah kä kyak ci. Mikmi ah Taigü Tung cu, mikmi ah mäih ah tüihtok nak aut ci, cun ung phi cheishoh nak ung kä gawk ci.

LUKA 7:13

Bawipa Jesuh naw cun ah hmeinu cu hmuh ne m’gein aih netah, “Kä kyap ä” cine pyen nak ci.

MAKUH 9:22

Khoshe naw ak hmaw asih vai ah, mei ung phi, tui ung phi akda vei luh sak ci nei. Nang Bawipa naw nam khüt hning vai a kyak ung nam gein gui ne nam htei tu pe gui ä” cine pyein ci.

MATTHE 27:63

“Bawi aw, cän ah hleei ciah chang a ghin yah ung ‘Kei ak hnüüp thum hnüüp sih nak ungka ka tho ba khai,’ a cicu kami shüm ba ci nei.

MATTHE 20:34

Bawipa Jesuh naw, ngani cu m’gein goi netah, ani mik cu a kut awn tawk goi ci. Ngani cu acun vai-am ani mik m’dei law sei, Bawipa Jesuh ah hnu ah läk tuk ci goi.

MATTHE 12:40

Jonah cu nganu ah puk khui ah hnüüp thum la mü thum a om ah mäih ah, chang ah Htapacun phi m’dek khui ah hnüüp thum la mü thum om khai nei.

2 GHANGPUGHANG GUI 4:42

A hei akhin ung Baal Shalishah ah ka chang tumat cu Elisha ah law ne, acu kum ami khäm htük ah htang awn pyan ah m’htut pum m’ku cu avui ami ah thai cu law püi ci. Elisha naw a cun ah m’htut gui cu prophet ng’bum gui am bei gui vai ah pyen ci,

MATTHE 14:13

Cun ah a mawng gui cu Bawipa Jesuh naw ng’ya hetah, amät bäng hleiko awn ading gei nak ah hteit ci. A pigaw päng ung chang gui naw, Bawipa Jesuh ah a hteh cu ng’ya u netah, kawnglam ung hteit ne läk ci gui.

MATTHE 15:33

Ang düihpüi gui naw, “Shin ah bung hmu k’pyama ah, chang shi chü ah ei vai, a hawi shui ne gah vai ang?” cik ci gui.