MATTHE 15:26 - Cho Bible Common Language 2016

²⁶ Bawipa Jesuh naw, “Hta hmaw gui ah ei vai cu la ne, ui gui-am kä vuh vai nei,” cine pyein ba ci.

MATTHE 15:26 Referans Kwoze

MATTHE 7:6

‘Ak theingcim cu ui gui-am kä nami peit vai, cuh ah nami peit ung ng’hlat law ba ne ning htui gui khai. Ghui k’cünglung cu vawk gui ah ma ah kä nami m’shän vai, nami m’shän ung ami kho awn leh ne kai na khai gui.

PHILIPPIAN 3:2

Chang shekha gui, ui ah mäih gui, pumsa-ah vai cik ci gui cu nami geing nak gui vai nei.

EPHESIAN 2:12

Cun yah ung nang mi cu Bawi Khrit awn nami ng’shawng ci. Nangmi cu a kho hei chang gui ah kya u ne, Khanpughi ah ghü ah chang ah kä nami kya tuk ci. Khanpughi naw ak chang gui ah hmawk ah shai a taak ah ng’thukhän ung phi, nangmi cu kä nami ng’khämtuk ci, khomdek khan ung Khanpughi kä hmu ne, ngaih u vai kä om ciah chang ah nami kya man te ci.

KALATIAN 2:15

Keimi cu Jew chang ah kami ng’tüi lawk ci, katnak bik ciah khui hei chang gui ah kä kami kyak ci.

THU PHLAAN 22:15

Cun ung phi chang shekha gui, ng’plukheih ci gui, pletbeng ci gui, chang ngawn ci gui, a gup khawihnah ci gui, hleeihlak cheishoh ci gui cu ami van Manggaw ah ak’pung ah om khai gui.

ROMAN 9:4

Ngahmi cu Khanpughi ah chang ah kyak ci gui; Khanpughi naw ngahmi cu a hta ah pyang gui ne abämang nak cu hmuh sak gui ci: Bawipa naw ngami awn thukhän bik ci, ngah mi am thukhän pe gui ci; Ngah mi naw akcang ah khawihnah ci gui; Ngami naw Khanpughi ah shaitaak gah ci gui;

MATTHE 15:25

Cun ci khätah cun ah hnuminu naw akho pei ah khuukdong netah, “Bawipa, kei cu nam gein ä,” cine ng’yoi ba ci.

MATTHE 15:27

Cun ah hnuminu naw, “Hman ci nei Bawipa aw, cun ung phi ui gui cun naw, ami mah ah ei nak ung ng’theh ciah ei-book cu ei tu man ci gui nei,” cine pyein ba mä ci.