MATTHE 15:24 - Cho Bible Common Language 2016

²⁴ Bawipa Jesuh naw, “Kei cu maih ciah htome bum ah kyak ciah Israel chang gui ah hmawk bäng ah ka lawk ci nei,” cine m’shang gui ci.

MATTHE 15:24 Referans Kwoze

ROMAN 15:8

Kei naw ka ning m’thein gui cu, Bawi Khrit naw a ghin yah ung khuut abi nak cu, Jew chang gui ah hmawk ah kyak ci. Cun cu khanpughi bä ne ang khän ah mawng am dang nak la pu pa gui am khanpughi naw shaitaak nak a peit gui cu ng’düng ne bä khai ah abi nak ah kyak ci.

LAMKTU 13:46

Paul la Barnabas naw ayan kaa ah tah thamah nak pi awn,” Ak htük bäih ah keimi naw Khanpughi ah thu ni cu kami ning m’thein tu gui ci, Cun ung phi nang mi naw cun ah thu cu hnu nah ne, ang täi ghin nak awn kä nami khin thäk tuk ciah nami k’bäi pyi ci nei. Cun ah kyasei keimi cu, nangmi ungka ng’düi law ba ne chang pakhui hei gui ah om nak ah kami hteit khai nei.

EZEKIEL 34:23

Kei naw ka changshäm David ah mäih ah htome shäm tumat ah kyak ciah ghangpughang cu ka pe gui khai, ani naw tengkhen gui khai.

ISAIAH 53:6

Mikmi mi van cu chük ciah htome ah mäih ah mi kyak ci, mi mät ah hteh nak hlü phäh phäh ung mi hteit ci. Cun ung phi Bawipa naw m’kyuk nak cu ani ah khan ah ng’kiak sak ci, cun cu mikmi mi van naw mi gah vaisü ah m’kyuk nak ah kyak ci.

MATTHE 9:36

Chang gui cu htoshäm kä om ciah htome gui ah mäih ah, ami ngaih u vai kä om sei, ami ng’ä ai cu hmuh gui netah, chang gui cu m’gein gui ci.

EZEKIEL 34:16

Kei naw maih ci ka shui ba gui khai, ng’väivam ci gui ka pawpüi ba gui khai, leim ci gui ka hlawp gui khai, gaw ci gui ka gai sak gui khai, cun ung phi plan ne gaigawng ci gui cu kei naw ka m’di gui khai, a i ah kyasei ci ung, kei cu dü ci bik ciah htome shäm ah ka kyak ci.

MATTHE 15:23

Cun ung phi Bawipa Jesuh naw a i ah phi käm shang ci. Ang düihpüi gui cu a pei ah law u netah, “Shin ah hnumi cu mi hnu ah na läk law gui ne, pamcai ci nei, yüi ne gawt ba ä,” cine pyein ci gui.

MATTHE 18:11

(Chang ah Htapa cu maih ciah chang gui hun khai ah lawk ci.)