MATTHE 15:23 - Cho Bible Common Language 2016

²³ Cun ung phi Bawipa Jesuh naw a i ah phi käm shang ci. Ang düihpüi gui cu a pei ah law u netah, “Shin ah hnumi cu mi hnu ah na läk law gui ne, pamcai ci nei, yüi ne gawt ba ä,” cine pyein ci gui.

MATTHE 15:23 Referans Kwoze

MATTHE 14:15

Kho mühun law khätah ang düihpüi gui cu Bawipa Jesuh ah pei ah law u netah, “Shin yah cu chang ah kä om nak ah kya ci, kho phi mü lawk khai kyak ci, shin ah chang gui pigaw gui ah hteit ne, ami mü-ei vai ami hleih vai ah tüi gui ä,” cine pyein ci gui.

NG’ÄI KYAH 3:8

Kei cu ana m’htei vai ah kyap ne akdäm ah ka m’lau ci. Cun ung phi Khanpughi naw ang ngaih vai ah mak ci.

SAM 28:1

O Bawipa, ka ng’shung nak, ka ning khü ci nei. Ka kyah aw cu na ngaih pe ä! Nang naw kä na na m’shan ah a kyak ung, kei cu, sih nak kho ah hteit ci gui ah ng’lung ah ka gawk tuk khai kyak ci nei.

THULÄÄN NAK 8:2

Ng’pyi ciah khokum phlikip ung bungpuk kaan ne shin ah lam ung akshou nami law nak ung, Bawipa nami Khanpughi naw a ning chuiso nak gui la khükha nak gui tüi law ne a ning m’nüm nak gui cu nami shüm ba vai. Cun ung nangmi naw a i bi vai ah nami ng’bü cu ani naw hmat khai. Ani ah thumkhän nami läk la kä nami läk phi hmat khai.

ATÜNNAK 42:7

Joseph naw a phäi gui cu hmu gui ne hmat gui ci. Cun ung phi kä hmat gui hlawk ciah ng’shei neta, “Nangmi a hawi ka gui ang?” cine akgai ah ng’shi gui ci. Ngami naw, “Keimi cu Kaanan khaw ah ka ei hleih vai ah kami lawk ci nei” cik ci gui.

MATTHE 15:22

A cu ah om ciah Kanan Hnuminu tumat cu law netah, “David ah Htapa, kei cu nam gein ä, kei ah hta hnumi cu khoshe naw kai sei, geinvai ne ng’yän ci nei,” cine ng’pa ne yoi ci.

MATTHE 15:24

Bawipa Jesuh naw, “Kei cu maih ciah htome bum ah kyak ciah Israel chang gui ah hmawk bäng ah ka lawk ci nei,” cine m’shang gui ci.