MATTHE 15:22 - Cho Bible Common Language 2016

²² A cu ah om ciah Kanan Hnuminu tumat cu law netah, “David ah Htapa, kei cu nam gein ä, kei ah hta hnumi cu khoshe naw kai sei, geinvai ne ng’yän ci nei,” cine ng’pa ne yoi ci.

MATTHE 15:22 Referans Kwoze

MATTHE 9:27

Bawipa Jesuh cu cun ungka hteit ba khätah, amik m’dauh ciah chang pakhnih naw läk law ni netah, “David ah Htapa nam htei goi ä,” cine m’lau ci goi.

MATTHE 17:15

“Bawipa, ka hta cu nam gein pe ä, ani cu mangtak ne, a shäng shäng tui ung phi lut ci, mei ung phi lut ci ci nei.

SAM 4:1

Ka taigü cu na m’shang ä, O Khanpughi, ka ng’shung nak! Khüikha nak ung ka gawk sangung na na m’htei ci. Tuhbäi kei cu na m’gein ne, ka taigü cu na ngaih pe ä.

LUKA 18:13

Cun ung phi akhawnlook ciah chang läi cu, ani awn ang shawng ah ng’düi net, khan kä dang dat ah kawp netah, “Aw, Khanpughi aw, kat nak ka bik ciah kei chang kaa cu nam gein ä” cine ang kyang k’beeih ne taigü ci.

LUKA 17:13

“Bawipa Jesuh aw, keimi nam gein gui ä” cine m’lau ci gui.

MATTHE 4:24

Bawipa Jesuh ah mawng cu Siria kho avan ung thang law khätah, chang gui naw khoshe ah kai gui, mangtak ci gui, a kut kho shum ci gui la agü a hlü ah gawpai ciah chang gui cu a om nak ah law püi ci gui. Bawipa Jesuh naw cun gui ami van gai sak gui ci.

MATTHE 1:1

Shin cu Abraham ah hta ng’shon, David ah pakhui, Jesuh Krit ah ng’shon law ang tän ah kyak ci.

EZEKIEL 3:6

Kei naw nang cu dämduk ciah pakhui, ami ng’thu khak sei nang naw kä nah mat ah ka ning tüih vai sü ung, ngami naw läi ning ngai khai gui süte,

SAM 45:12

Tire chang gui naw pektak vai law püi khai gui, ng’bühmang ci gui naw na yei nak gui vai ah tha law nak khai gui.

SAM 6:2

Bawipa ka tha maih ci nei, na m’gein ä! Ka k’tha avan maih ci nei; thagui na pe ä!

MATTHE 15:23

Cun ung phi Bawipa Jesuh naw a i ah phi käm shang ci. Ang düihpüi gui cu a pei ah law u netah, “Shin ah hnumi cu mi hnu ah na läk law gui ne, pamcai ci nei, yüi ne gawt ba ä,” cine pyein ci gui.

LUKA 6:18

Ngami cu Bawipa Jesuh ah ng’thu ngaih tu vai la gai nak gah tu vai ah lawk ci gui ah kyak ci. Khawshe ah kai gui phi law u ne, gai ne hteit ba ci gui.