MATTHE 14:33 - Cho Bible Common Language 2016

³³ Hleiko khan ah om ciah ang düihpüi gui cu Bawipa Jesuh ah kawp ne ngüm yawp u netah, “Nang cu akcang ah Khanpughi ah Htapa ah na kyak ci nei,” cik ci gui.

MATTHE 14:33 Referans Kwoze

SAM 2:7

Ghangpughang naw, “Bawipa ah thu m’shäk cu kei naw ka ng’shäu khai. Ani naw kei am, “Nang cu ka ning htapa nei, Tuhngawi kei cu nang ah Pa ah ka kyak ci nei.

JOHAN 11:27

Mahta naw, “Ka yum ci nei Bawipa, nang cu khomdek khan ung kyum lawk ciah Khanpughi ah Htapa, Messiah ah na kyak cu, ka yum ci nei” cine pyein ci.

JOHAN 1:49

Nahtanelah naw, “Rabbi, nang cu Khanpughi ah Htapa ah na kyak ci, Israel ah Khanpughi ah na kyak ci” cik ci.

ROMAN 1:4

Ak khanchang theing nak ah, Khanpughi ah Htapa ah a kyak cu ang dang vai ah Khanpughi naw abämang hlüngtai nak awn sih nak ung kaa thawh ba sak ci.

MAKUH 1:1

Shin cu Khanpughi ah Htapa, Bawipa Jesuh Khrit ah a mawng Thu Ni ah kyak ci.

JOHAN 6:69

Nang cu Khanpughi ungka kyum lawk ciah, khanchang theing ah na kiak cu, tuhbäi hmat ne kami ning yum ci nei” cine pyein ci.

MATTHE 16:16

Simon Peter naw, “Nang cu angtäi ghing ciah Khanpughi ah Htapa, Messiah ah na kyak ci,” cine pyein ci.

JOHAN 17:1

Cun ah thu a pyein kawn ah, Bawipa Jesuh cu Khankho dan netah, “Kapa, a khin gawk law pyi ci nei, Na htapa ung na bämang nak ang dang vai ah, Na Htapa am bämang nak cu yuk pe lawä.

LUKA 4:41

Khoshe gui cu chang gui ungka lut law yawp u netah, “nang cu Khanpughi ah Htapa ah na kyak ci nei” cine ng’shäu u ne dawng yawp ci gui. Bawipa Jesuh Messiah ah a kyak cu khoshe gui naw hmat ci gui ah kiasei, acun ah mawng kä ami pyein vai ah m’cäi gui ci.

MAKUH 15:39

Bawipa Jesuh ah sih nak ah ma ah ng’düi ciah gakap bawi naw, Bawipa Jesuh asih law cu hmu netah, “shin ah chang cu akcang ah Khanpughi ah Htapa ah kyak ci nei” cine pyein ci.

MATTHE 28:17

Ngami naw Bawipa Jesuh cu hmu u netah, kawp ne khawihnah ci gui. Cun ung phi amshah gui naw, kä ngaih gep ci gui.

MATTHE 28:9

Acun yah ung Bawipa Jesuh cu a mi ma ah dang law ne “Nangmi ah khan ah ding gei nak om sä,” cine kyak ci. Cun ah hnumi gui naw a pei ah k’et u ne, a kho ung k’pang u netah, khawihnah ci gui.

MATTHE 26:63

Cun ung phi Bawipa Jesuh cu kä chiu phung ne om ci. Taigü tung naw nang cu Khanpughi ah Htapa, Messiah ah na kyak ci ma, kei-am nam thein-ä. Ghing ne om ciah Khanpughi ung thukhäm ne ka ning shik ci nei,” cine pyein ci.

JOHAN 19:7

Chang gui naw, “Ani cu amät naw a mät Khanpughi ah Hta ah a pyein ah hmawk ah sih nak peit vai ah keimi ah ng’thukhän ung om ci nei” cik ci gui.

LUKA 24:52

Ang düihpüi gui cu ang htei ah yeikyai ne Bawipa Jesuh ah taigü u netah, Jerusalem ah hteit ba u ne;

MATTHE 27:54

Bawipa Jesuh ngäng ci gui ah gabawi la gakap gui naw, shihpi a thüng la a hmün cäicat vai gui cu hmu law u ne, ang htei ah kyikyawk u netah, “Shin ah chang cu akcang ah Khanpughi ah Htapa ah kyak ci nei” cik ci gui.

MATTHE 15:25

Cun ci khätah cun ah hnuminu naw akho pei ah khuukdong netah, “Bawipa, kei cu nam gein ä,” cine ng’yoi ba ci.

MATTHE 4:3

Cun kawn ah khoshe naw law shi netah, “Nang cu Khanpughi ah Htapa ah na kyak ung shin ah lung gui shi, m’htut ah kyak khai ah pyang ä,” cine pyen nak ci.

DANIEL 3:25

“Cun ung a i ah kyasei mei ung chang phli hteit shüi shüi u sei ka hmuh ang?” ci neta ng’shi ba gui mä ne, “Ngami cu gui awn khih gui ah kä kyak ci, ngami cu mei naw a uih ah mäih ah kä kyak ci gui — ak phli nak tumat cu khanchang ah mäih lawk ci.”

LAMKTU 8:36

Ngah ni cu hteit gäk gäk ni netah tui ah om nak ah gawk lawk ci gawi. Cun kawn ah cun nah bawi naw, “Shin yah ung tui om ci, tui kä kang hnim cang vai ah na shung shet ciah mawng a i om ne ang?” ci neh ng’shik ci.

LUKA 8:28

Ani naw Bawipa Jesuh cu hmu netah, kyap ne m’lau ne m’khuukdong ne, “Hlüngtai pi säih ciah Khanpughi ah Htapa, Jesuh Bawi! Kei cu a i hawkcha ah ang na na kyak sak hlü? Kei kä na sheit kat-en sak kä bäi” cine ng’paa nak ci.

MAKUH 14:61

Cun ung phi Bawipa Jesuh cu m’kha ät ah phi ng’thu kä pyein ne a düm hta ah om ci. Taigütung naw, “Nang cu yeikyai nak ah Khanpughi ah Htapa Messiah ah na kyak ci ma?” cine ng’shi ba mä ci.

MATTHE 27:43

Ani cu Khanpughi yum ciah Khanpughi ah Htapa ah pyein ci maw! Cun ah kyasei Khanpughi naw am hni ah a kyak ung a tuhbäi k’phiawn sä,” cine shedam nak ci gui.

MATTHE 17:5

Cun ah Peter naw thu a pyein yah ung a bawk phäng phäng ah khang ciah khomei naw küm law gui ci. Cun ah khomei ung kaa ng’shan lawk ciah k’aw cu, “Shin cu kei ah Htapa nei, ani awn ka yei kiai ci nei, ang thu cu ngai vä,” ciah kyak ci.

MATTHE 2:11

Ngahmi cu im kyong ah va lut u netah, ak hmawhta cu anu Mari awn atäng ah hmuk ci gui. Cun kawn ah ngami cu m’khuukdoong ne kaup u netah, ami law püi ah ghui ni, Frankinsen tui ng’ui ni, mura tui ng’ui ni gui awn khawihnah ci gui.

MATTHE 14:32

Bawipa Jesuh la Peter hleiko khan ah ani gawk ba ung kho phi kä khi ba ci.