MATTHE 14:31 - Cho Bible Common Language 2016

³¹ Cun vai-am Bawipa Jesuh gawk law ne, a kut awn Peter cu pang netah, “Na yum nak ken aih ci nei, a i vai kä na ngaih gep ang,” cine pyen nak ci.

MATTHE 14:31 Referans Kwoze

SAM 138:7

Kei cu khüikhai nak naw ana ng’vong yah ung, nang naw na na k’phyawn ci. M’lungshe ciah ka ga gui cu nang naw hnu ng’tuk püi gui ne na huham awn na na hun ci.

MATTHE 8:26

Bawipa Jesuh naw, “A i ah kyasei nami kyih aih ang? Nami yum nak ken aih ci nei,” cine kyak na gui netah, khokhi tui ng’hnawk cu k’de ne ng’düm sak sei, acun vai-am khokhi cu ng’düm yawp ci.

ATÜNNAK 22:14

Cun ah hmun cu Abraham naw, “Jehova Jereh” ah sui ci. Cun cu tuh ngawi güt ung “Bawipa naw a pek nak ah m’htung” cine pyen ci gui.

MATTHE 17:20

Bawipa Jesuh naw, “Cun cu nami yum nak a ken su ah kyak ci nei, kei naw akcang ka pyein cu, nangmi ung, anhta ui teih pang yum nak a om ung, shin ah khomhtung cu ‘Ng’nawn ä,’ nami ci ung ng’nawn khai nei. Zum nak awn kä nami m’khüt cu a i kä om khai nei.

MAKUH 5:41

Bawipa Jesuh naw hnumi hta cu a kut ung k’pang netah, “Talitha, koum” cine kyak nak ci (Cun cu hnumi hta, na thawh law vai, kei naw ka pyein ci, a ciah kyak ci.)

MAKUH 1:31

Bawipa Jesuh naw a pei ah hteit netah, a kut ung pang ne m’tho ne gai sak sei, cun ah hnumi naw ngami cu khin chah na gui ci.

MATTHE 16:8

Cun ah ami ng’cecäk cu Bawipa Jesuh naw ng’ya gui netah, “A i ah kyasei ei kä nami sho ah mawng pyein ne nami ng’htau ang?

ISAIAH 63:12

am pek ciah Bawipa cu a hawi ang? A huham awn, Moses ung ka naw, dämduh ci gui bik ciah Bawipa cu a hawi ang? Ani naw tuinu ng’bou sak ne, thuk ciah tui ung matawn ne a chang gui kan sak gui ci, cemna kya ne, amät naw amät khonglän ung ming thang sak ci nei.” Bawipa ah lam shüm nak awn, ngami cu k’pyase ah ng’leh ah mäih ah htek sei ng’leh u ne kä ng’täng phung ci gui.

LAMKTU 4:30

Gawi ci naw a gai nak vai, na kut yu k’phiat lawä; Na shäm ah Bawipa Jesuh ah ming theing awn cäi aih vai gui lah ngaih khit vai gui gui cu, yuk m’dang lawä” ci neh Khanpughi ah taigü ci gui.

LUKA 24:34

Ng’bum ne ana om ciah chang gui naw, “Bawipa cu akcang ah tho ba pyi ci nei, Simon Peter ah ma ah ng’dang ba ci nei” cine kiak ci gui.

MAKUH 16:7

Nangmi cu Peter la a hei ang düihpüi gui ah hteit ne, “Bawipa cu hteit ma ne Kalile kho ah ana gawk khai nei, ayan a ning m’thein gui ah mäih ah Bawipa cu Kalile kho ah nami hmu ba khai nei” cine pyein ci.

MAKUH 11:23

Kei naw akcang ka pyein cu, kam lung kyong ah kä ngaih gep nak kä om ciah kang thu cu, akcang ah bä khai, ciah yum ciah chang naw, ‘Shin ah m’htung cu ng’nawn ne tuinu ung lut sä’ ci ne a pyein ung, a pyein ah mäih ah kyak khai nei.

MAKUH 1:41

Bawipa Jesuh naw m’gein netah, a kut awn nüm ne tawk ne, “Kei naw kang yak hlü om ci nei, theek ne gai ä” cik ci.

MATTHE 6:30

Zum nak ken ciah chang gui, tuhngawi ching ne ngawi ung chawng sei mei ah uih vai ah, khu m’ghaw gui pang hngaw Khanpughi naw cun ah a müisa sak gui ung, nangmi läi cu, cun ah dämda hlüngtai pi khai ah, ning müisa sak gui khai ah kä kya ne ang?

THULÄÄN NAK 32:36

Ami thagui ng’pyi sei a hmuh gui ung, Bawipa naw a chang gui cu gung gui khai. Am gein kaa ah kya u sei a hmuh gui ung, Abii bik ciah chang gui cu Bawipa naw chimgein gui khai.

1 TIMOTHI 2:8

Khritha gui ah bum nak phung ung, pami ng’vai gui ami taigü vai, ngahmi cu Khanpughi ah ng’ap pyi ci gui ah kya ne, m’lung she nak la cuhcan nak kä om men sei, ami kut chang ne ami taigü vai ah ka ng’ya hlük ci nei.

1 PETER 1:5

Nangmi nami yum cicu ak hnu bäih ah a khin ung dang law ge khai ah hun nak, nami gah khai ah Khanpughi naw, a hlüngtai nak awn ning m’htei gui ci nei.

MATTHE 14:30

Cun ung phi kho akhi law hmu netah, cäicat ne tui ung yu hnim vü netah, “Bawipa aw, na khui ei tu ba ä,” cine m’lau ci.

MATTHE 14:32

Bawipa Jesuh la Peter hleiko khan ah ani gawk ba ung kho phi kä khi ba ci.

MAKUH 4:40

Cun kawn ah Bawipa Jesuh naw ang düihpüi gui-am, “A i ah kia sei shin hlawk ah nami kyihkyawk ang? Tuhbäi güt ung nangmi naw, kei cu nami na yum nak kä om ne ma?” cine ng’shi gui ci.