MATTHE 14:3 - Cho Bible Common Language 2016

³ Herod naw Johan cu anau Philip ah chu, Herodias ah mawng awn pha ne thawng ung a chum te ah kyak ci.

MATTHE 14:3 Referans Kwoze

MAKUH 6:17

Herod naw anau Philip ah chu Herodias cu gut ne akchu nak ah mawng ung Johan cu pha ne thawng ung a chum ah kyak ci.

MATTHE 4:12

Bawipa Jesuh cu Johan pha ne ami chum ng’ya netah, kalile kho ah hteit ci.

MAKUH 6:22

Cun ah mü-ei ami ei nak ung, Herodias ah hta hnumi cu law ne akni akiom ah ng’lam ci. Cun ah kyasei Herod la akhin gui cu ang htei ah yeikyai u netah, ghangpughang naw cun ah hnumihta-am, “Nam hni a i phi nang yoih vai, kei naw ka ning pek khai nei,

MAKUH 6:19

Cun ah kyasei Herodias naw, Johan cu ang htei ah ngawn hlük ci, cun ung phi kä ngawn hlawt ci.

MATTHE 11:2

Bawipa Jesuh ah bilawh gui cu Tuinim Johan naw thawng kyong ah a om nak ah ng’ya netah, ang khahpüi gui amshah cu tüi law ne,

LUKA 13:1

Cun yah ung chang amshah gui cu Bawipa Jesuh ah law u ne, Khanpughi ah ami taigü yah ung Pilat naw a ngawn gui ah Kalile chang gui ah a mawng pyein lawk ci gui.

MATTHE 14:6

Herod ah ang tüi nak hnüüp ung Herodias ah hta hnumi hta cu mang khin gui ah ma ah ak ni ah lam khätah, Herod cu ang htei ah yei ci.

MAKUH 6:14

Bawipa Jesuh ah a mawng cu kho nüng ung thang law sei, Herod ghangpughang naw phi ng’ya tuk ci. Chang am shah naw Bawipa Jesuh-am, “Tuihnim Johan sih nak ungka tho ba ci nei, cun ah kia ne cäi aih vai gui phi m’dang ci nei” cine kyak ci gui.

MAKUH 8:15

Bawipa Jesuh naw, “Nang mi naw Pharisee gui ah k’caw la Herod ah k’caw cu geing nah ne nami hlawi vai nei” cine ang düihpüi gui cu m’cäi gui ci.

LUKA 3:1

Ghangpughang Tiberius ah uknak khokum gha-lei-hma alaw sangung Pontius Pilat naw Judea uk ci. Herod naw Kalile uk ci, a nau Philip naw Iturea la Trachonitis uk ci, Lisanias cu Abilene uktu ah kyak ci,

LUKA 8:3

Herod ah mangkyong ung bawi ah kyak ciah Chuya ah chu Joanna; Susanna la Bawipa Jesuh la ang düihpüi gui-am tu m’bei gui vai ah ami mät ah ei awk phui ne law tuk ci gui ah a hei hnumi akda gui ah kyak ci.

LUKA 13:31

Cun yah ung Pharisee gui law u ne, “A hei lam ah hteit ne om mei ä, Herod mang naw ning ngawn khai pawng ci nei” cik ci gui.

LUKA 23:7

Herod mang ah uknak Kalile ah kaa ah hmat netah, Bawipa Jesuh cu Herod ah hteh püi sak gui ci. Cu yah ung Herod cu Jerusalem ah om yah ci.

LUKA 23:11

Herod la agakap gui naw phi, Bawipa Jesuh cu, päipih ne shedam nak ci gui. Cun kawn ah aktung ah m’sui m’sak netah Pilat bawi ah tüi ba ci.

LAMKTU 4:27

A cun ah mäih ah Herod lah Pontius Pilate cu, chang pa hei gui lah Israel chang gui awn a täng ah Messiah ah nam düih, na chang shäm ah Bawipa Jesuh cu hnu ng’tuk püi vai ah ng’bum man ci gui nei.

LAMKTU 12:1

Cun ah khin ung ghangpughang Herod cu Khritha gui k’dudeiu nak gui vai ah tha nak ci.