MATTHE 14:27 - Cho Bible Common Language 2016

²⁷ Acun vai-am Bawipa Jesuh naw, “Kä cäicat vä, kei nei, kä kyikyawk vä,” cine pyen na gui ci.

MATTHE 14:27 Referans Kwoze

JOHAN 16:33

Nangmi cu kei awn nami kawng ät nak awn, dimdeeih nak nami gah vai ah shin ah ng’thu ka pyein ah kyak ci. Nangmi cu m’dek khan naw ning yaica sak gui khai. Cun ung phi nami m’gäi vai nei, kei naw m’dek khan cu ka näng pyi ci” cine pyein ci.

LAMKTU 23:11

Acun mü Khanpughi cu Paul ah ma ah ng’düi netah, “Kä na kyih vai, nang cu Jerusalem ung kei ah mawng na saksi ah mäih ah Rom ung phi na saksi ba khai nei” cine pyen nak ci.

ISAIAH 41:10

Kä kyikawk vä kei naw ka ning om püi gui ci nei! Kei cu nami na khanpughi nei — a i naw kä ning m’kyih sak gui khai nei! Kei naw ka ning khüi ghat sak gui khai, ka ning m’htei gui khai; kei naw ka ning shungvong gui khai, ka ning hun gui khai.

ISAIAH 41:4

Shin ah kya lawk khai ah bik cicu a u ang? A u naw ang ng’shonlam manngma a kyak sak ve? Kei, Bawipa cu ang tün nak ung ka om ci, Kei, Bawipa cu akhüt nak ung phi ka om khai nei.

JOHAN 6:20

Bawipa Jesuh naw, “Kä kyikyawk vä, kei nei” cik ci.

MATTHE 17:7

Bawipa Jesuh naw law ba ne a kut awn hnün gui netah, “Tho law ba vä, kä kyikyawk vä,” cine pyen na gui ci.

MATTHE 9:2

Cun yah ung chang gui naw akshum tumat kawt ne law püi ci gui. Bawipa Jesuh naw cun ah chang gui ah yum nak cu hmu netah, shum ciah chang-am, “Kahta, kä na ng’ä vai, na katnak cu ning k’phiawn pyii nei,” cik ci.

ISAIAH 51:12

Bawipa naw pyen ci, “Thagui ning k’be gui ci cu kei ah ka kyak ci. Khumghaw hlawk düt ah ghing hning ne, si thei ciahchang cu, a i vai nami kyih ang?

LUKA 1:30

Khankho chang naw, “Mari awi, kä kyikyawk ä, Khanpughi naw ning m’hlüngtai pyi ci nei.

LUKA 1:13

Cun ung phi khankho chang naw, “Zechariah aw, kä na kyih vai nei, Khanpughi naw na k’taigü cu ng’yak ci, na k’chu Eliyabeth cu pamihta ah hta lawk khai, ang ming cu Johan ah na sui vai.

MATTHE 28:10

Bawipa Jesuh naw, “Kä kyikyawk vä, hteit ba ne ka phäi nau gui-am Kalile kho ah ami hteh vai ah m’thein gui vä, ngami naw a cu ah na hmuk khai gui nei,” cine m’cäi gui ci.

LUKA 2:10

Khankho chang naw, “Kä kyikyawk vä, chang avan naw ang htei ah a yeikyai nak vai ah ng’thu Ni cu nangmi ah hmawk ah ka law püi ci nei.

ISAIAH 41:14

Bawipa naw pyen ci, “Israel gui, nangmi nami zaw ken pang ung phi, kä nami kyihkyawk vai nei, kaning m’htei gui khai nei. Kei, Theingcim ciah Israel khanpughi cu nangmi ning hun gui ciah ka kyak ci nei.

MATTHE 14:28

Cun kawn ah Peter naw, “Bawipa, nang ah na kyak ung, kei cu tui ah khan ah hteit ne nang ah ka law hning vai ah k’bäi ne pyein nä cine pyein ci.

MATTHE 28:5

Khankho chang naw hnumi gui-am, “Kä kyikyawk vä, kutlamtung ung tai ne, ami ngawn ah Jesuh cu nami shui ciah ka ning hmat gui ci nei.

MAKUH 6:50

m’cha ah ngai u ne, kyi ne m’lau ci gui. Acun vai-am Bawipa Jesuh naw, “Kä ng’ä vä, kä kyikyawk vä, kei nei” cine pyen na gui ci.

LUKA 5:10

Simon ah apaw goi Zebedee ah hta goi James la Johan phi cäi tuk ci goi. Bawipa Jesuh naw, Simon-am, “Kä kyikyawk vä, tuhbäi ung tün ne nangmi cu chang phak ciah nga k’pha ah nami kyak khai nei” ci ne pyen na gui ci.

LUKA 12:32

“Htome ng’bum hta, kä kyi vä, nami Pa naw a uknak a ning peit gui vai ah, ang yak hlü om ci.