MATTHE 14:25 - Cho Bible Common Language 2016

²⁵ Ngawilam ai khong htük ung Bawipa Jesuh cu ang düihpüi gui ah om nak ah lawk khai ah tui khan ah ana a vük ci.

MATTHE 14:25 Referans Kwoze

JOB 9:8

Khanpughi amät bäng naw khankho gui cu yuk khui lawk ci. Tuinu likim ah m’ghuk cu leh ci.

JOHAN 6:19

Ang düihpüi gui cu, maing thum phli vai ung hleiko awn ami hteh kawn ah Bawipa Jesuh cu tui khan ah ng’düi ne ana a vü sei hmu u netah, cäicat ne kyikyawk ci gui.

MAKUH 6:48

Hleiko khan ah kho naw ng’pheet ne khi gui sei, ami yaica cu hmu gui netah Bawipa Jesuh cu tui khan ah m’khan ne hteit ne ami om nak ah lawk ci. Cun ah akhin cu ai khon htük ah kyak ci. Bawipa Jesuh cu ami pei ah phlän gui ne hteit khai ah pawng ci.

MATTHE 24:43

Im ah naw m’guk ei a law vai a hmat ung, geing ah ne om sei, m’guk ei naw a im cu hmawng ne käm gu hlawt khai ah nami hmat ci.

LUKA 12:38

Ani cu khocawih ding ah phi bäi, ai khong k’htük ung phi bäi, a law ba ung ngäng ciah chang gui cu yeikyai ci gui.

SAM 104:3

Na im cu tui ah khan ah na co ci. Kho ng’mei cu ng’se ah mäih ah mang ne khokhi ah ng’phia ung na ng’cum ci.

THU PHLAAN 10:5

Cun kawn ah tuinu la khaw kawng ung ng’düi ciah khankho chang naw, ak pat lam a kut khankho ah han shäng ne,

THU PHLAAN 10:2

Ani cu k’phiaat pyi ah ca k’chaw hta a kut ung kawt ci. Akpat lam a khaw awn tuinu ung ng’leh ne, ak eng lam a khaw awn khaw kawng ung ng’leh ne ng’düi netah;

THU PHLAAN 10:8

Khankho ah ng’thu sei ka ng’yak ah k’aw naw kei-am, “Hteit ne tuinu la khomdek ung ng’leh ne ng’düi ciah, khankho chang ah kut ung k’phiaat ah ca k’chaw cu na lak vai nei” cine pyein ci.

MAKUH 13:35

Nangmi naw imah a i yah ung a gawk law ba vai cu kä nami hmat ci, mü lam ung phi gawk law hning ci, kho cawih ding ah phi gawk law hning ci, ai khong k’htük ung phi gawk law hning ci, kho thaih hta ung phi gawk law hning ci.