MATTHE 14:23 - Cho Bible Common Language 2016

²³ Cun ah chang gui a tüih ba gui kawn ah amät cu taigü khai ah khomhtung khan ah kai ci. Kho mü law güt sei a cu ah amät om ci.

MATTHE 14:23 Referans Kwoze

LUKA 6:12

Cun kawn ah Bawipa Jesuh cu m’htung ah kai ne, Khanpughi ah mü lüng ne k’taigü ci.

MAKUH 6:46

Bawipa Jesuh cu chang gui gidam gui shüt netah taigü khai ah khomhtung ah kai ci.

MATTHE 26:36

Cun kawn ah Bawipa Jesuh cu ang düihpüi gui awn Ketsemane ami ciah kho hmun ah htei ci gui. Bawipa Jesuh naw, “Nangmi shin ung ana ngo vä, kei a hei ah hteit ne ka taigü khai,” cine ang düihpüi gui cu m’cäi gui netah;

MATTHE 6:6

Cun ah kyasei nangmi cu na mi taigü ung, kyong ah lut ba ne shoh khai netah, mik awn kä hmuh ah nami pa ah nami taigü vai. Kä dang khai ah bi cu hmuh thei ciah nami pa naw m’cümhnah nak ning pe gui khai.

LAMKTU 6:4

Keimi läi cu taigü nak lah Khanpughi ah ng’thu pyein nak awn akhin be khai ah kami bik khai” cik ci gui.

LUKA 9:28

Cun ah ng’thu a pyein nak, ak hnüüp chih nak ung Bawipa Jesuh cu Peter, Johan, James, ni gui awn taigü vai ah khomhtung ah kai ci gui.

MAKUH 1:35

A ngawi ung khongawi kho thai ghi ghi sei, Bawipa Jesuh cu tho ne lut law ne, a ding gei nak ah hteit ne taigü ci.

LUKA 3:21

Chang gui akda tui ami ng’hnim kawn ah Bawipa Jesuh phi tui ng’hnim tuk ci. Ani ak taigü sang ung khankho m’kawt ng’hmawng sei,

LUKA 5:16

Cun kawn ah Bawipa Jesuh cu a ding gei nak ah amät hteit ne k’taigü ci.

LUKA 9:18

Kho hnüüp ät ung Bawipa Jesuh cu amät taigü ne a om yah ung ang düihpüi gui cu a pei ah law u khätah, Bawipa Jesuh naw, “Chang gui naw kei cu a u ah ang ami na ngaih” cine ng’shi gui ci.