MATTHE 14:19 - Cho Bible Common Language 2016

¹⁹ Bawipa Jesuh naw chang gui cu, taa ng’phan khan ah ngoh sak gui netah, m’htut, pum hma la nga pahnih cu la ne, khankho dan ne Khanpughi m’hlüngtai ci. Cun kawn ah m’htut cu bou ne ang düihpüi gui-am pe gui ci, ngami naw chang gui-am tei gui ci gui.

MATTHE 14:19 Referans Kwoze

LUKA 24:30

Ngani awn a täng ah va kai ne ngo tu netah, m’htut cu la ne taigü ci. Cun kawn ah m’htut cu k’bou ne pe tu goi ci.

LAMKTU 27:35

Cun kawn ah Paul naw m’htut cu la ne, ami van ah ma ah Khanpughi m’hlüngtai ne taigü netah, m’htut cu k’bo ne ei ci.

MAKUH 6:41

Cun kawn ah Bawipa Jesuh naw m’htut pum hma la nga pahnih cu la netah khankho dang ne Khanpughi ah bämang nak cu m’hlüng tai ci. Cun kawn ah m’htut cu k’bou ne chang gui-am ami tei gui vai ah ang düihpüi gui-am pe gui ci. Acun ah nga pahnih cun phi ang düihpüi gui-am pe gui ci.

1 KORIN 11:24

Khanpughi m’hlüngtai netah, m’htut cu k’bou ne, “Shin cu nangmi ah hmawk ah kak bou ah ka pumsa ah kyak ci, kei nami na shüm ba nak ah, shikchaa ah nami bi vai nei” cine pyein ci.

ROMAN 14:6

Kho hnüüp k’ni ngaih-tüh ciah chang cu Bawipa am tamkhah nak ah a ngaih-tüh ah kyak ci; a i ei phi ei thei ciah chang cu Bawipa am tamkhah nak ah a ei ah kyak ci, a i ah kya sei ci ung ani naw cun ah ei ah hmawk ah Khanpughi cu m’hlüngtai ci. Ei am shah hlawi ciah chang cun phi Bawipa am tamkhah nak ah a hlawi ah kyak ci, ani naw phi cun ah a hlawi ah hmawk ah Khanpughi cu m’hlüngtai ci.

KOLOSE 3:17

Nami bi nüng nami ng’thu nüng cu Bawipa Jesuh ah ming awn nami bi vai, Cun cu ani ah ming awn Pa Khanpughi nami m’hlüngtai ah kia ci.

1 KORIN 10:16

Mikmi naw Bawipa ah mü ei mi ei ung, Khanpughi cu m’hlüngtai ne khap cu la ne mi awk ung, Bawi Khrih ah si mi ng’pai tu ah kyak ci. M’htut cu k’bo ne la ne mi ei cun phi, Bawi Khrih ah sa mi ng’pai tu ah kyak ci.

LUKA 9:14

(Cun ung chang avan phia-hma-kip lawk ci gui.) Bawipa Jesuh naw ang düihpüi gui-am, “Chang hma-kip ciah ng’bum khai ah ngoh sak gui vä” ci ci.

MAKUH 7:34

Cun kawn ah khan mawpi dan ne, “Ephphatha” cine pyein ci, cun cu “Ng’lang sä” a ciah kyak ci.

1 KORIN 10:31

Nangmi cu nami ei ung phi, nami awk ung phi, a i nami bilawh ung phi, Khanpughi ah bämang nak ah hmawk ah nami bi vai.

JOHAN 6:23

Cun ung phi Tiperia ah kaa lawk ciah hleiko gui cu Bawipa Jesuh naw taigü ne chang akda-am ei am bei nak gui te ah pei ah gawk lawk ci gui.

MAKUH 6:39

Bawipa Jesuh naw ang düihpüi gui-am, chang gui cu kho adou nak ung ang bum phäh phäh ah ami ngoh sak gui vai ah m’cäi gui ci.

JOHAN 11:41

Cun ah kyasei chang gui naw, lung cu m’hnawn ci gui. Cun kawn ah Bawipa Jesuh naw, khankho dang netah “Kapa, ka taigü na ngaih pek ci sei, ka yeikyai ci nei;

LUKA 22:19

Cun kawn ah Bawipa Jesuh naw, m’htut cu la ne Khanpughi m’hlüngtai netah, m’htut cu k’bou ne, ang düihpüi gui-am tei gui netah, ‘Shin ah m’htut cu nangmi ah hmawk ah ka k’bou ah ka pumsa ah kiak ci,

LUKA 9:16

Bawipa Jesuh naw m’htut pum hma la nga hnih cu la netah, M’htut la nga cu k’bou ne chang gui-am ami tei gui vai ah ang düihpüi gui-am pe gui ci.

MATTHE 14:18

Bawipa Jesuh naw, “Cun ah m’htut la nga cu kei ah law püi vä,” cik ci.

LUKA 22:17

Cun kawn ah Bawipa Jesuh naw, sapyit tui khap cu la ne, Khanpughi m’hlungtai netah, “Shin ah khap cu la ne ng’tei ne aw vä,