MATTHE 13:8 - Cho Bible Common Language 2016

⁸ M’shi amshah cu, m’dek ah ni nak ung kya law ne, akni ah ng’lih pyo ghing gong sei, a phiaa, akchuk-kip. Athum-kip ah ng’sep khawi ci.

MATTHE 13:8 Referans Kwoze

LUKA 8:15

Ng’lei k’ni ung kya lawk ciah m’shi ci cu, Khanpughi ah ng’thu ang yak kwn ah nik ci la ng’düng ciah, m’lung khäng htek khai ah yum ne, vuipai m’theih tak ciah kyak ci.

MATTHE 13:23

M’dek ni ung kya lawk ciah m’shi ci cu, ng’thu ni cu ngai ng’ya tu ne hmuhmat ci gui ah kyak ci. Ngami cu amshah aphiaa, amshah ak chuk-kip, amshah athum-kip ah vuipai ci gui,” cine m’thein gui ci.

JOHAN 15:8

Akda ah nami m’theih tak nak awn Kapa ah bämang nak cu nami dang sak ci; nangmi cun phi kei ah ng’düihpüi ah nami kya lawk ci.

ATÜNNAK 26:12

Isaak naw cun ah khaw ung m’shi phu ci. Bawipa naw hriham pe sei a cun ah kum ung a phia ah däm khai ah khäm ba ci.

PHILIPPIAN 1:11

Khanpughi ah bämang nak la m’hlüngtai nak vai ah hmawk ah Bawi Jesuh Khrit ung lawk ciah düng ciah ni kyom naknaw, nami ghin nak cu ning kümbe sak gui khai nei.

ROMAN 7:18

Hnicim chang ah ka kyak ciah kei ung akni kä om ciah kei naw ka hmat ci. A i ah kya sei ci ung kei naw akni ka bi hlü ung phi, akni cu kä ka bi hlawt ci.

MATTHE 13:7

M’shi amshah cu ng’hling hmu ah kya lawk ci, ng’lih pyo tupang ne phi, ng’hling gui naw k’düi u sei, si ba yawp ci.

MAKUH 4:8

M’shi amshah cu am dek ah ni nak ung kya law ne, akni ah ng’lih pyo ne ghing gong ne, a thumkip, ak chuk-kip, a phia ah vuipai ne m’theih tak ci” cine m’thein gui ci.

MAKUH 4:20

Chang amshah gui cu m’dek ni ung kya lawk ciah geit m’shi awn täng ci gui, ngami cu Khanpughi ah ng’thu ngai ng’ya u ne dou ci gui ah kyak ci. Ngami cu a thum-kip, ak chuk-kip, a phia ah vuipai m’theih tak ci gui” cine m’thein gui ci.

LUKA 8:8

M’shi am shah cu ng’lei k’ni ung kya law ci, cun cu akni ah ng’lih pyou ne, ghing gong ne, phia ciah vuipai m’theih tak ci” ci ne m’thein gui ci. Cun kawn ah “Ak hnga om ci naw ng’ya sä” ci ne m’lau ci.