MATTHE 13:57 - Cho Bible Common Language 2016

⁵⁷ Cun gui ah thu pyein ne ngami naw hnungtuk püi ci gui. Bawipa Jesuh naw, ngahmi-am, “Profet cu amät ah pigaw la amät ah kyongkhui ah tha ah a u naw phi kä hnu ng’tuk püi ci,” cine kyak na gui ci.

MATTHE 13:57 Referans Kwoze

JOHAN 4:44

“Profet cu a mät ah kho ah chang naw akchang m’sui nak kä om ci” cine amät naw pyein ci.

MATTHE 11:6

Kei ah khan ah ngaih gep ciah chang gui cu yeikyai nak om ci nei” cine m’cäi gui ci.

LUKA 4:24

Bawipa Jesuh naw khen gui netah “Kei naw akcang ka pyein cu, a u profet phi amät ah pigaw ung a u naw m’tamkhah ne kä dou man ci nei” ci ne pyen na gui ci.

JOHAN 6:61

Cun ah ami ngaih khit cu a u naw kä am thein ah, Bawipa Jesuh naw hmat netah, “Shin ah ng’thu ah hmawk ah nami m’lungk’si ne ma?

ISAIAH 53:3

Mik mi naw mi päipih ne mi hnu nak ci; Ani cu yaica ne m’neh m’awh ci. Ani teng khai tumat phi kä om ci — Ani cu akholä ah mäih ah mikmi naw mi nawng ci.

JOHAN 6:42

“Shin ah chang cu Josef ah hta, Jesuh ah kä kya ne ang? Ani ah anu la apa phi mi hmat yawp ci maw, a i ah kyasei tuhbäi, ‘Kei cu khankho ah kaa ka kyum lawk ci’ a ci ang?” cik ci gui.

LUKA 7:23

Kei ah khan ah ang ngaih gep cicu yeikyai nak akda om ci nei” cine m’thein goi ci.

ISAIAH 49:7

Israel ah theingcim ciah Khanpughi la hunbawi naw, chang gui naw ak nui ah ami päipih, chang pakhui gui naw ami thüi gen, uktu gui ah changshäm am a pyen nak cu; “Ghangpughang gui naw ning laut sak u ne, tho ne ami ning chang m’sui nak cu m’dang khai gui; Manghta gui naw phi cun cu hmu u neta, kawp ne ning chang m’sui khai gui.” Shin cu kya lawk khai, a i ah kyasei ci ung Bawipa naw a changshäm cu ghü pyi ci; Israel ah Theingcim ciah khanpughi naw a shaitak cu k’pank khek ci.

ISAIAH 8:14

Kyihcat vai ah ka theingciim nak ah hmawk ah kei cu chang gui naw ng’vawn ne ami ng’täät nak ah lung awn ka tang ci; kei cu cun ah ka kyak ci, acun naw Judah la Israel uknak khaw ung chang gui la Jerusalem ung chang gui cu pha gui khai.

MAKUH 6:14

Bawipa Jesuh ah a mawng cu kho nüng ung thang law sei, Herod ghangpughang naw phi ng’ya tuk ci. Chang am shah naw Bawipa Jesuh-am, “Tuihnim Johan sih nak ungka tho ba ci nei, cun ah kia ne cäi aih vai gui phi m’dang ci nei” cine kyak ci gui.

MAKUH 6:3

Shin ah chang cu Mari ah hta, im co ciah chang, James, Josef Judas la Simon ni ah ami phäi ah kä kya ne ang? Ani be gui phi mi pigaw chang gui ah maw?” cine ami mät ng’htau ci gui. Cun ah kyasei ngami naw Bawipa Jesuh cu maa nak ci gui.

MATTHE 13:58

Cun ah Nazaret chang gui cu ami yum nak kä om khätah, Bawi Jesuh naw cäi aih vai ai phi käm dang ling ci.

MAKUH 6:1

Bawipa Jesuh cu ang düihpüi gui awn a täng ah acun ung kaa ng’düi law ba u ne; amät ah pigaw ah gawk lawk ci gui.

MAKUH 6:4

Bawipa Jesuh naw, cun ah chang gui-am, “Profet cu amät ah pigaw, amät ah mätyah, amät ah kyongkhui ah kawn ah, a hawi phi chang m’sui nak om ci nei” cine pyen na gui ci.