MATTHE 13:51 - Cho Bible Common Language 2016

⁵¹ “Bawi Jesuh naw, “Shin ah a mawng gui cu nami hmat ci ang?” cine ng’shi gui khätah, ang düihpüi gui naw,” kami hmat ci nei,” cik ci gui.

MATTHE 13:51 Referans Kwoze

MAKUH 4:34

Kä m’tumtäng ah a i phi kä m’theithang gui ci. Cun ung phi ami mät ami om yah ung ang düih püi gui-am a päng avan cu m’dang ne m’thein gui ci.

MATTHE 13:19

Lam ung kya lawk ciah m’shi ci cu, Khankho uknak ah mawng ng’thu k’ni cu ng’yak tu lang ne phi, kä hmat ci awn täng ci. Ami m’lung kyong ung phu ah ng’thu m’shi cu, khoshe naw la ne hteh püi yawp ci.

MATTHE 13:11

Bawipa Jesuh naw, “Nangmi naw Khanpughi ah kho ah mawng thuuk ne ng’kau cicu hmuhmat nak thei vai nami gah ci. Chang hei gui cu cun kä gah tuk ci gui.

1 JOHAN 5:20

Khanpughi ah Htapa cu kyum law ne, Lulang nak cu na pe gui sei, Khanpughi akcang mi hmat tu cun phi, mikmi naw mi hmat ci. Mikmi cu A Htapa Bawi Jesuh Khrit awn mi kawng ät nak awn, Khanpughi akcang awn phi kawng ät ne mi ghing ci. Shin cu Khanpughi akcang ah kyak ci, ani ung mi gah cu angtäi ghin nak ah kyak ci.

MAKUH 7:18

Bawipa Jesuh naw, “Nangmi shin hlawk hngaw kä nami hmat hlawt ci ma?

MATTHE 24:15

“Profet Daniel ah pyein ah kyihkyawk tükyai vai kyak cicu a theingcim nak ung ng’düi sei nami hmuk khai. (Ca phat ci naw, shin ah mawng cu ang ngaih thei vai.)

MATTHE 16:11

Ei ei vai ah mawng ka pyein ah kä kyak ci, cicu kä nami hmat ci ma? Pharisee gui la Sadducee gui ah k’caw cu geeik na ne nami hlawi vai nei,” cine pyen na gui ci.

MATTHE 15:17

M’gawnglei ung yulut vük ci phung avan cu, chikhawn ung yu gawk netah, cun kawn ah ak pung ah aluh law ba cu kä nami hmat ci ma?

MATTHE 13:50

Caang ne ng’ai ciah mei ung htawm khai gui. Cun gui cu kyap ne m’lau ne ami ha htui ne geinvai khai gui.

MATTHE 13:52

Cun ah kyasei Bawi Jesuh naw, “Khankho uknak kho ung düihpüi tumat ah kya lawk ciah chang phung cu, a im khei ung kaa, akhawh ak phyim akthai k’plawk ne law püi ciah, imah awn täng ci,” cine m’thein gui ci.