MATTHE 13:48 - Cho Bible Common Language 2016

⁴⁸ Ng’vai ung nga be ne awk khätah ng’vai Cu kawng ah kai püi ba ci gui. Ng’vai ungka nga gui cu ghü u netah, Nga ak ni gui cu ami pem ung m’kang u ne, nga ak she gui cu set ne ghawt ci gui.

MATTHE 13:48 Referans Kwoze

MATTHE 13:30

Geit khäm khin ung khüt sei, geit la m’gho cu a täng ah phung ghing cang ni sä. Geit khäm khin a gawk law ung geit khäm ci gui-am; khu m’ghaw gui cu mawih sak gui ma netah, k’bum ne mei ung m’khih vä, cun kawn ah geit gui cu aat u ne, ka khei ung thun vä, cine kam cäi gui khai,’ cik ci,” cine m’thein gui ci.

MATTHE 3:12

Akut ung htang akchü nak vai ah chüdawn kawt ci. Amät ah geitkaw gui cu khäm yawp netah htang ang tak gui cu khei ung thun yawp khai. Ang shi gui läi cu m’sih ne käm khüt vai ah mei awn m’khih yawp khai,” cine m’thein gui ci.

MATTHE 4:18

Bawipa Jesuh cu Kalile tuili nu pei ah a hteh sang ung ngakpha ng’phäi nau goi cu hmu goi ci. Cun goi cu Simon (Peter ah phi ami khü) la anau Andru ah kyak ci. Ngani cu tuili ung ng’vai vawi ne om ci goi.

MATTHE 13:47

“Cun kawn ah phi Khanpughi ah uknak kho cu shin ah mäih ah kyak ci. Nga shui ci gui cu tuili ung ng’vai ami vawih ung nga a hlü hlü uk ne phak ci gui.

MATTHE 13:49

Kho ang pyii hnüüp ung acun ah mäih ah kya lawk khai. Khankho Chang gui kyum law u ne, changnigui ah lung ung kaa, chang she gui cu ghü u netah,