MATTHE 13:44 - Cho Bible Common Language 2016

⁴⁴ “Khanpughi ah uknak kho cu shin ah mäih ah kyak ci, Chang tumat naw, lai ah phuh ne gimah khawh ng’peeih cu hmu netah, lin ne phuh ba shüt ci. Cun kawn ah yeikyai ne hteit ba ne, akhawh avan yoi yawp netah, cun ah lai cu khleih ba ci,” cine m’thein gui ci.

MATTHE 13:44 Referans Kwoze

KOLOSE 2:3

Ani cu thup ne m’küm ah Khanpughi ah cüivai nak la lunglang nak avan k’hmawn nak ah kyak ci.

LUKA 14:33

Acun ah mäih ah nangmi ungka a u phi amät ung om ci nüng kä nawng shüt yawp hlawt ci cu, kei ah ng’düihpüi ah kä kia hlawt khai” cine m’cäi gui ci.

MATTHE 6:21

A i ah kyasei ci ung nami khawh chaam ah om nak ah, nami m’lung cu gawk thei ci.

MATTHE 19:29

Cun kawn ah phi kei ah hmawk ah a im, am dek, anu apa, a phäi a nau, akchu a hta, tumat mat nawng shüt ciah chang cu, a nawng shüt ah khan ah a phiaa ah däm pi sei gah ba khai, ang täi ghin nak phi gah khai.

NG'THU K'THUUK~ 16:16

Cuivai nak la lunglang nak cu ghui la ngui ah ta ba pi ci — ba pikbähih ci.

NG'THU K'THUUK~ 23:23

Düng nak, cai nak, theithang nak la m’lung ngaih ni — shin gui cu a phu käi ah hleih vai. Cun ung phi nang ah phäh ah yoih vai cu küi aih ci nei.

THU PHLAAN 3:18

Cun ah kyasei na bühmang nak vai ah kei ah ghui akcang cu na k’hleih law vai ah ka ning m’cäi ci nei. Na k’plui ci kya ne nang aa nak na shung nak vai ah sui k’theing la namik am dei nak vai ah mik m’tui nak cu kei ah na khleih law vai nei.

MATTHE 19:27

Cun kawn ah Peter naw, “Keimi naw a päng avan nawng shüt ne na hnu ah kami ning läk ci, keimi a i kami gah khai ang?” ci ne ng’shik ci.

MATTHE 19:21

Bawipa Jesuh naw, “Nang cu kümbe ciah chang ah na kyak hlü ung, hteit ba ne na khawhcham avan cu yoi netah, dukhaih ci gui-am na ngui avan cu na peit gui vai. Cun ah na bi ung nang cu khankho ah bühmang nak na hmuk khai, cun kawn ah ka hnu ah na na läk vai,” cine pyen nak ci.

ISAIAH 55:1

Bawipa naw pyen ci, “Tui gha ciah chang nü law vä — shin ung tui om ci nei! Ngui kä tak ciah chang gui law vä — htam’guh khleih ne ei law vä! Law vä! Wine la suktui khleih vä — nang ung a i phi kä ng’pyi khai nei!

ROMAN 15:4

Cacim ung ami guk phung cu mikmi ami nam theithang nak gui ah kyak ci. Cun ah ami guk ah mawng cu, mikmi naw cacim ah na peit gui ah hnimgei nak la k’thamah nak awn m’lung üp ngaih gep nak a om vai ah hmawk ah kyak ci.

MATTHE 13:24

Bawipa Jesuh naw a hei tumat awn m’tumtäng ne am thein ba gui cu, “Khankho uknak cu shin ah mäih ah kyak ci. Chang tumat naw aloma ah m’shi k’ni cu geit ci.

HEBRU 10:34

Nangmi naw thawng ung cun ci gui cu nami chimgein ci, nami khawhcham avan ami ning khäm peit gui ung phi yei ne nami om düt ci, a i ah kyasei ci ung nangmi ung cun ah khawh chaam gui ah tah küikyang pi ne, käng pyii hlawt ciah khawh a om cu nami hmat ah hmawk ah kyak ci.

JOHAN 6:35

Bawipa Jesuh naw, “Kei cu ghin nak m’htut ah ka kyak ci, kei ah lawk cicu a i sangung phi ei kä cawi ba khai; kei na yum cicu a i yah ung phi tui kä gha ba khai.

NG'THU K'THUUK~ 17:16

Chang gu ang naw ca ng’thei nak vai ah phah ah ngui a mang cu ka nik ci, a i ah kyasei ci ung ani ung ng’yak hlü nak ka om ci.

KOLOSE 3:16

Apäng ah bämang pi k’bäih ciah Bawi Khrit ah ng’thu cu nami m’lung kyong ung khäng ne om sä. Cüivai lunglang nak avan nawn tumat naw tumat cu m’theithang m’cäi ä sei om vä. Nik ciah ng’äi gui, hlim ciah ng’äi gui, theing ciah ng’äi gui m’cu ne, nami m’lung kyong kui ne, Khanpughi cu m’hlüngtai vä.

NG'THU K'THUUK~ 18:1

Chang awn ka om ih thei ciah chang gui cu, ami mat bang ng’yum ci gui. Ngami naw chang van naw hman ciah akbäi cu ka yum tuk ci gui.

JOB 28:13

Cüivai nak cu chang ah ng’lung ah kä hmuh vai nei. A cun ah a phu akcang cu a u naw kä hmat ci nei.

MATTHE 13:46

Ang htei ah a phu küi ciah ghui cünglung cu hmuk ci. Cun kawn ah hteit ba ne akhawh avan yoi yawp netah ghui cünglung gui cu khleih ci.

MATTHE 13:47

“Cun kawn ah phi Khanpughi ah uknak kho cu shin ah mäih ah kyak ci. Nga shui ci gui cu tuili ung ng’vai ami vawih ung nga a hlü hlü uk ne phak ci gui.