MATTHE 13:43 - Cho Bible Common Language 2016

⁴³ Cun yah ung Khanpughi ah chang gui cu ami pa ah uknak kho ung, khohni ah mäih ah khang ne om khai gui. Ng’yak nak vai ah hnga om ci phung naw ng’ya sä,” cine m’thein gui ci.

MATTHE 13:43 Referans Kwoze

DANIEL 12:3

Cüivai ciah ang vaihta gui cu khankho mik ah akhang avan ah mäih ah ng’shü khai gui. Düng nak bi vai ah chang akda m’theithang ci gui cu, aisi ah mäih ah angtäi sei ng’shü khai gui.

LUKA 12:32

“Htome ng’bum hta, kä kyi vä, nami Pa naw a uknak a ning peit gui vai ah, ang yak hlü om ci.

MATTHE 11:15

Cun gui cu ak hnga om ci phung naw ngai ne ng’ya u sä.

MATTHE 25:34

Cun kawn ah ghangpughang naw akpat lam ah om ciah chang gui-am, ‘Law vä, Kapa ah phyutheh nak nami gah ciah chang gui, khomdek a tüi pyan ung tün ne nangmi ah hmawk ah a pyan ah uknak kho ung om vä.

JAMES 2:5

Ngai vä phäi nau gui aw! Khanpughi naw ani m’hni ci gui ah khan ah a shaitaak ah mäih ah, yum nak ung bühmang vai la Khanpughi ah uknak kho khäm vai ah, pyamtham ci gui cu, ghü gui ci nei.

1 KORIN 15:58

Cun ah kyasei phäinau gui aw, khüi ne ng’düi ne ghaat ne ng’bi vä. Khanpughi ah khuut bi cu a i yah ung phi a kholä ah kä kyak ci, cicu hmuhmat u ne, angtäi sei khüighaat vä.

LUKA 22:29

Kapa Khanpughi naw uknak vai ana peit ah mäih ah nangmi-am ka ning pe gui ci.

MATTHE 26:29

Kei naw akcang ka pyein cu tuhbäi ung tün ne, kapa ah uknak kho ah nangmi awn a täng ah sapyit tui ak thai kä awk pha ah chuih, kei naw cun kawn ah sapyit tui kä ka aw tuba khai nei,” cine pyein ci.

MATTHE 25:36

Kei ka sui vai kä ah om yah ung sui nami nam sui ci. Ka gawpai ung nami htei ci, thawng ung ka kium yah ung nami na teng m’kein lawk ci’ cine pyein ci.

MAKUH 4:23

Ng’yak nak vai ah hnga om ci phung naw ng’ya sä” ci ne kiak na gui ci.

PHYAWN NAK 34:35

Ngami naw ani cu a hmai pyü sei hmuk ci gui. Ani naw Bawipa awn ng’thu khai goi ah kä a valuh ba pha ah chuih a hmai cu sam awn shung ci.