MATTHE 13:36 - Cho Bible Common Language 2016

³⁶ Bawipa Jesuh cu chang gui ah ng’lung ah kaa, ng’dü law ne kyong ah lut ba ci. Cun yah ung ang düihpüi gui naw a pei ah law u netah, “Khumgho awn am tumtäng nak ah mawng cu m’dang ne nam thein gui ä,” cik ci gui.

MATTHE 13:36 Referans Kwoze

MAKUH 8:9

M’htut ei ciah chang gui cu phia phli-kip lawk ci gui. Bawipa Jesuh naw cun ah chang gui cun ungka tüi ba gui ci.

MAKUH 7:17

Cun kawn ah Bawipa Jesuh cu chang gui ah ng’lung ah kaa ng’düi law ba ne, kyong ah lut ba khätah, ang düihpüi gui naw am tumtäng nak ah mawng cu am thein gui vai ah ng’shik ci gui.

MAKUH 6:45

Cun kawn ah Bawipa Jesuh naw chang gui cu ami im ah tüi ba gui netah, acun vai-am ang düihpüi gui cu hleiko ung kai ba sak gui ne, tuili ah vang ga Bethsaida ah heik hma ba gui ci.

MATTHE 13:11

Bawipa Jesuh naw, “Nangmi naw Khanpughi ah kho ah mawng thuuk ne ng’kau cicu hmuhmat nak thei vai nami gah ci. Chang hei gui cu cun kä gah tuk ci gui.

MATTHE 13:1

A cu hnüüp Bawipa Jesuh cu im ungka lut law ne, am thei nak gui vai ah tuili kam pei ah hteit ne ngok ci.

MATTHE 9:28

Bawipa Jesuh cu im tumat ung a gawk law yah ung, cun ah chang goi cu gawk lawk ci goi. Bawipa Jesuh naw, “Kei naw nani mik ka ning m’dei sak goi hning ciah nani yum ci ang?” cine ng’shi goi khätah, “Kani yum ci nei,” cine pyein ci goi.

MATTHE 15:39

Cun kawn ah chang gui cu Bawipa Jesuh naw tüi ba gui netah, amät cu Makadon kho lam ah hteit ci.

MATTHE 14:22

Cun kawn ah Bawipa Jesuh naw chang gui cu ami im ah tüi ba gui netah, ang düihpüi gui cu hleiko ung kai sak gui ne, tuili vangtäng ga ah vang kah sak gui ci.

MAKUH 4:34

Kä m’tumtäng ah a i phi kä m’theithang gui ci. Cun ung phi ami mät ami om yah ung ang düih püi gui-am a päng avan cu m’dang ne m’thein gui ci.

MATTHE 13:18

“Cun ah kyasei m’shi phu ci awn m’tumtäng nak ah mawng cu ngai kheng shüm vä.

MATTHE 13:25

Khomü ät ung chang van ip yawp khätah, gaa tumat law ne m’ghaw m’shi cu phu shüt netah hteit ba ci.