MATTHE 13:30 - Cho Bible Common Language 2016

³⁰ Geit khäm khin ung khüt sei, geit la m’gho cu a täng ah phung ghing cang ni sä. Geit khäm khin a gawk law ung geit khäm ci gui-am; khu m’ghaw gui cu mawih sak gui ma netah, k’bum ne mei ung m’khih vä, cun kawn ah geit gui cu aat u ne, ka khei ung thun vä, cine kam cäi gui khai,’ cik ci,” cine m’thein gui ci.

MATTHE 13:30 Referans Kwoze

MATTHE 3:12

Akut ung htang akchü nak vai ah chüdawn kawt ci. Amät ah geitkaw gui cu khäm yawp netah htang ang tak gui cu khei ung thun yawp khai. Ang shi gui läi cu m’sih ne käm khüt vai ah mei awn m’khih yawp khai,” cine m’thein gui ci.

1 TIMOTHI 5:24

Chang amshah gui ah cheishoh nak cu dang ge sei, ngahmi m’khoichaa nak cun phi gawk law ge ci. Cun ung phi chang am shah gui ah cheishoh nak läi cu a ngawi ah vah dang lawk ci.

1 KORIN 4:5

Bawipa ah akhin kä a gawk law pha ah chuih, nangmi naw a u phi kä nami m’khoichaa en ba vai. Bawipa a gawk law ung khüt sei ak hnubäih ah m’khoichaa nak cu nami gin vai. Bawipa naw akdei law püi ne, hmüp khui ung ng’yihkuh ci gui la chang gui ah m’lung kyong ung thuhthaw gui avan cu dang sak yawp khai. Cun kawn ah chang nüng nüng naw amät awn khin ciah Khanpughi ah m’hlüngtai nak cu gah khai.

JOHAN 15:6

Kei ung kä om cicu k’set ne ghawh ah ang ban chawng ah mäih ah kiak ci. Chang gui naw cun ah ang ban chawng gui cu k’bum ne mei ung m’khih u seih, mei naw ui yawp ci.

MALAKHI 3:18

Cun kawn ah mä ng’düng ci gui la chang shekha gui ah khan ah, ka khuut bik ci la kä bik ciah khan ah, a i ah a kyak law cu ka chang gui naw hmuk khai gui nei” cik ci.

MATTHE 25:32

Cun yah ung kho nüng ah kaa changpakhui avan cu ama ah ng’cut lawk khai gui. Htoshäm naw hto la me khoichaa ah mäih ah chang ah Htapa naw phi chang gui cu k’pai ne m’khoichaa gui khai.

LUKA 3:17

Ani naw alo ma ah geit khäm ne chüdawn awn chü netah, ang tak cu khei ah thun ne, ang shi cu kä phät hlawt ciah mei awn m’khih khai.

MATTHE 25:41

“Cun kawn ah ghangpughang naw ak eng lam ah om ciah chang gui-am, ‘Thüi sei nak om ciah chang gui, shin ungka düi law ne, hteit vä, khoshe gui la ami khah püi gui ah hmawk ah pyan ah m’hteimei lam ung yu kya vä.

1 SAMUEL 25:29

Chang tumat mat naw, ning tu ne, a ning ngawn hlü ah a kyak ung, chang naw a khawh ni a ngäng ah mäih ah Bawipa na Khanpughi naw ning phyawn khai. Na ga gui läi cu, chang naw yaili ung lung a kah ah mäih ah Bawipa naw k’täm ne gawt gui khai.

2 SAMUEL 23:7

Nang naw m’si likhim baw, htei tumat baw na mang vai; ngami cu pyäm khai ah ui gui khai.

ISAIAH 17:5

Israel cu pümhta tu ne khäm nak pyi ah lo ah mäih ah kyak khai, geit khäm züm kawn ah shit ciah Rephaim khaw ng’nawi ung lo ah mäih ah kyak khai.

MATTHE 13:25

Khomü ät ung chang van ip yawp khätah, gaa tumat law ne m’ghaw m’shi cu phu shüt netah hteit ba ci.

MATTHE 13:29

Lo mah naw, ‘Kaa, kä mawi yawp hnga vä, khu m’ghaw avan nami mawih yawp ung, geit gui phi ng’mawi tuk khai gui nei.

JOB 39:12

Na geit khäm cu phui law ne, Na hlang ung ka htang gui cu law püi ne m’sep khai ah na ngaih u hning khai aw?