MATTHE 13:3 - Cho Bible Common Language 2016

³ Bawipa Jesuh naw cun ah chang gui-am, m’tumtäng bäng bäng ne a mawng akda m’thein gui ci. Bawipa Jesuh naw, “Hnüüp ät ung chang tumat cu m’shi phu khai ah hteit ci.

MATTHE 13:3 Referans Kwoze

MAKUH 4:13

Bawipa Jesuh naw, “Nangmi cu shin ah m’tumtäng nak hngaw kä nami hmat ung, a i awn m’tumtäng nak nami hmat hlawt khai ang?

MAKUH 4:33

A shin ah mäih ah Bawipa Jesuh naw, chang gui naw ami hmat yäi vai awn m’tumtäng ne Khanpughi ah ng’thu cu m’theithang gui ci.

MATTHE 13:53

Bawi Jesuh cu cun ah tumtäng nak am thein gui kawn ah, acun ungka pawng ne,

SAM 78:2

Kei naw cüi vai nak ng’thu ka pyen lawk khai thuk ciah amawng phyim gui ka ning m’thein gui khai.

MAKUH 12:12

Bawipa Jesuh naw ngami a pyein nak gui ah am tumtäng cu Jew chang gui ah ami ng’vai gui naw hmat u netah, Bawipa Jesuh cu phak khai gui ah k’tha nak ci gui. Cun ung phi chang khli cu kyih u netah a hei lam ah hteit ba ci gui.

SAM 49:4

Kei cu thu thuuk lam ah ng’hlat ne, thuuk ciah amawng cu tingtäng tum ne ka m’dang khai.

JOHAN 16:25

“Shin ah mawng gui cu m’tumtäng ne ka ning m’thein gui ci, Kapa ah mawng kä tumtäng ling ne, ang dang ah pyein nak vai ah a khin gawk lawk khai.

LUKA 12:41

Peter naw, “Bawipa, shin ah m’tumtäng nak cu keimi ah hmawk ah ang? Kä cun ung chang avan ah hmawk ah ang?” cine ng’shik ci.

LUKA 8:10

Bawipa Jesuh naw, “Nangmi läi cu Khanpughi ah thuuk ne ng’kau ciah khankho ah mawng cu nami hmat pyi ci. Cun ung phi chang akda cu teng lang ne kä hmuk ci gui, ng’ya lang ne kä hmat ci gui kia sei, m’tumtäng ne m’thein gui ah kyak ci nei” cine pyein ci.

MAKUH 12:1

Cun kawn ah Bawipa Jesuh naw ngami-am m’tumtäng ne am thein gui cu, “Chang tumat naw sapyit lo cu bi ne, geit ne ng’vong ci. Sapyit m’theih m’seh nak vai ah khui phi shawk ne, tängkyäng phi co ci. Cun kawn ah ani cu a sapyit lo khah gui ne bi sak gui netah, a kho hei yung ah hteit ci.

MAKUH 3:23

Bawipa Jesuh naw ngami cu khü gui netah, m’tumtäng nak awn “A i hawkcha ah khoshe naw khoshe cu k’täm hning khai ang?

MATTHE 24:32

“Theighing ah mawng ung m’theithang nak tumat cu nami ngaih vai. Cun ah theighing ah ang ban gui cu m’khek law ne ak thai ah a lim law ung kho a chaa vai ng’et lawk ciah nami hmat ci.

HABAKKUK 2:6

Ami näng gui naw näng ci gui cu gaih tuk ci gui, shemshai ci gui, shemshai ci gui. Ngami naw, “Kä nami kaa nami lak ci, nangmi cu ng’yiin ciah chang ah nami kyak ci, Nangmi cu a i güt aphu nami gah vai ang’ceet ah shang ba ne, ng’bühmang ne nami om khai ang?”

MIKHAH 2:4

Cun ah khin a gawk law ung chang gui naw nangmi ah mawng cu di nak ah mang khai gui. Ngami naw nang ah bui awt ah mawng shin ah ng’äi m’cu khai gui; Keimi cu kami di yawp ci nei! Kami khaw phi Bawipa naw la ne tuh ne na näng gui ci gui am pe gui ci nei.”

EZEKIEL 20:49

Cun ung phi kei naw ka m’shang ba ci, “Uktu Bawipa, cun ah kä na bi sak en ä! Kei naw ak phlüt ah ng’thuzi awn ka ng’thu ciah chang päng naw pyen law pyi ci gui nei.”

EZEKIEL 17:2

ani naw pyen ci, “Hnicim Chang, m’tumtäng nak tumat Israel gui am m’thein gui ä.

MATTHE 22:1

Bawipa Jesuh naw a hei tumat awn m’tumtäng ne am cäi ba gui cu,

MATTHE 13:4

Loma ung a phu ah geit m’shi amshah cu, lam ung va kyasei kha gui naw law ne ei ci gui.