MATTHE 13:22 - Cho Bible Common Language 2016

²² Hliing hmu ah kya lawk ciah m’shi ci cu, ng’thu ni cu ng’ya tulang ne phi, ami ng’ä ai nak gui la ami bämang nak hlü gui naw, shung shet gui sei ng’thu ni cu kä vui pai hlawt ciah kyak ci.

MATTHE 13:22 Referans Kwoze

1 TIMOTHI 6:17

Khomdek khan ah bühmang ci gui cu kä ami khähghah längtang aih vai ah nam cäi gui vai nei. Ngami cu kä khäng lä khai ah khawhcham kä ngaih u ne, mi gah taang vai ah, ang nüng nüng cu, ang khaai nak awn nam shumphyuk gui ciah Khanpughi cu ami ngaih u vai nei.

LUKA 8:14

Ng’hling hmu ah kya lawk ciah m’shi ci cu, Khanpughi ah ng’thu ang yak kawn ah kyikyawk ng’ä ng’ai nak, bühmang nak la hlimtui nak gui naw m’khüt sei kä hnün tho hlawt ciah kyak ci.

LUKA 12:15

Cun kawn ah chang gui avan-am, “Ng’yak hlü nak a hlü hlü cu nami ngaih nak vai, chang ah ghin nak cu ngui ghui khawh cham ung kä om ci nei” cine pyen na gui ci.

2 TIMOTHI 4:10

Demas cu m’dek khan am hni nak awn, kei na nawng ne, Thessalonika ah hteit ci nei. Creseens cu Kalatia ah, Titus cu Dalmatia ah hteit ci gui nei.

MATTHE 13:7

M’shi amshah cu ng’hling hmu ah kya lawk ci, ng’lih pyo tupang ne phi, ng’hling gui naw k’düi u sei, si ba yawp ci.

LUKA 12:21

Cun kawn ah akhnu ah Bawipa Jesuh naw, “Ngui ghui khawhchaam akda am küm ung phi, Khanpughi ah maa ah ghawipyam ciah chang cu, ashin ah bühmang ciah chang awn täng ci nei” cine m’thein gui ci.

SAM 52:7

“Teng vä, Shin ah chang cu phyawn vai ah Khanpughi ng’kä yii hnei ci nei, amät ah khawh düt ngaih u ne, akshe lam awn a phyawn nak vai shui ci nei.”

LUKA 21:34

“Nangmi cu ei awk yeikyai nak düt la khomdek pumsa ah phäh düt ah kä mü thai u ne, geing na ne nami om vai nei.

JEREMIAH 4:3

Bawipa naw judah la Jerusalem chang gui cu pyen na gui ci, “kä thawn pha ah nami lai gui cu thawn vä; ng’hling gui ah ng’lung ah nami geit m’shi kä phu en vä.

NG'THU K'THUUK~ 11:28

Amät ah khawh ngaih u ciah chang cu, sing hnah chawng ah mäih ah kyak khai. Cun ung phi düng ciah chang cu khoicha khaw ah sing lim ah mäih ah bühmang khai.

SAM 62:10

Chang ngawn pha vai kä na k’tha nak vai; Ng’gut tep ne näng vai kä na ngaih-tüh vai; Na ng’bühmang law pi ung phi acun ah khan ah kä na ng’düih vai.

LAMKTU 8:18

Ang düihpüi gui naw ami kut ami taih nak ah chang gui, Mumcha Theing ami gah cu Simon naw hmu tu netah,

THUSHÄUTU 4:8

Shin ung amät bäng om ciah chang tumat om ci. Ani cu a hta kä om ci, a phäi nau phi kä om ci, cun ung phi ani cu ang’täi sei bi bik ci, amät ung om ciah khawh awn kä ng’büh ci. Ani naw hüithaw nak phi nawng-en ne, a u ah phäh ah shin ah k’tha na ne abi ang? Shin cu akholä ah kyak ci-cümbawng ne ghin nak ah kyak ci.

NG'THU K'THUUK~ 23:5

Na ngui cu kho lailäp ung maih hning ci. Cun cu ang phia om law ne langta ah mäih ah ahei ah yong khai.

MATTHE 12:32

Chang ah Htapa m’shetkat ne ng’thu cicu m’gein hning ung phi, Mumcha Theing m’shetkat ne ng’thu ci läi cu, ngawi yä güt m’gein nak kä om hlawt khai.

MATTHE 13:39

Khumghaw m’shi cu khoshe ah chang gui ah kyak ci. Geit khäm khin cu kho ah khüt nak vai ah khin ah kyak ci. Geit khäm ciah chang gui cu khankho chang gui ah kyak ci.

MATTHE 13:40

Khu m’ghaw gui cu aat ne k’bum ne mei ung m’khih ah mäih ah, kho a khüt hnüüp ung khoshe ah chang gui cu mei awn m’khih ne m’di nak gui om khai nei.

ROMAN 12:2

Khomdek khan ung yodäm nak ung kä nami ng’kü ng’neet tu vai, Khanpughi ung nami m’lung kyong avan ng’thawng sak u ne, m’lung ngaih ak thai awn nami om vai. Cun ung vah ni kyom nak, amät ung yeikyai nak la kümbe nak gui ah Khanpughi ah ang yak hlü cu nami hmat khai.

1 KORIN 1:20

Cun ah kyasei hmuhmat ciah chang a hawi-ang a om, Cacim hmat ciah chang ahawi ang a om, ng’thu m’gawng thei ciah chang a hawi-ang a om! Khomdek khan ah hmuhmat nak phung cu Khanpughi naw gu-aang sak pyi ci nei!

1 KORIN 2:6

Cun ung phi kei naw cüivai nak ah ng’thu cu mümcha ng’bühbei pyi ci gui ah maa ah ka pyein ci. Cun ah cüivai nak cu khodek khan awn kä ng’phaa ci, khodek khan bawi gui ah hlüngtai nak awn phi kä ng’phaa ci, khodek khan bawi gui ah hlüngtai nak cu ken law pipi ci nei.

1 KORIN 2:8

Khodek khan bawi gui naw cun ah cüivai nak ah mawng cu a u naw kä hmat ci. Ngahmi naw ami hmat vai sü ung bämang ciah Bawipa cu kutlam tung ung kä ngawn khai sü gui te.

1 KORIN 3:18

A u naw phi amät naw amät käm hleei en sä. Khomdek khan ah mawng ung kei ka hmuhmat ci, cik ciah chang cu, akcang ah hmuhmat ciah a kyak nak vai ah, chang k’she ah kya sä.

2 KORIN 4:4

Khodek khan ah khoshe naw ami m’lung cu shung sei, ngami naw kä yum hlawt ci gui. Satan naw shung gui sei, Khanpughi ah müi ak cang ah kyak ciah, Bawi Khrih ah bämang nak ah mawng, ngami ah khan ah ng’shü lawk ciah: Thu Ni ah akdei cu kä hmu hlawt ci gui.

KALATIAN 1:4

Mi Pa Khanpughi ah ang yak hlü ah Bawi Khrit cu shin ah shetkat nak ah khin ung na k’phiawn gui khai ah, mi katnak ah hmawk ah ng’ap pyi ci nei.

EPHESIAN 2:2

Khomdek khan ah cheishoh nak lam cu nami läk ci, kho k’häüung ka, mumchashe ah hlüngtai nak ah uknak cu nami läk ci, acun naw tuhbäi Khanpughi kä ngai ciah chang gui cu shum gui ci.