MATTHE 13:19 - Cho Bible Common Language 2016

¹⁹ Lam ung kya lawk ciah m’shi ci cu, Khankho uknak ah mawng ng’thu k’ni cu ng’yak tu lang ne phi, kä hmat ci awn täng ci. Ami m’lung kyong ung phu ah ng’thu m’shi cu, khoshe naw la ne hteh püi yawp ci.

MATTHE 13:19 Referans Kwoze

MATTHE 13:38

Loma cu khomdek khan ah kyak ci. M’shi k’ni cu khankho uknak khäm ciah chang gui ah kyak ci.

HEBRU 2:1

Mikmi naw mi ng’yak pyi ah thu düng cu khäng khai ah mi shum khai, cun ung mikmi cu lam kä mi hma khai.

1 JOHAN 5:18

Khanpughi ah htacun naw cheishoh nak kä bi ba ciah mi hmat ci, ani cu Khanpughi ah Htapa naw ngaih gep vai ah a shungvawng pyi ah kyasei, khoshe naw api ah phi kä tawklaih hlawt ci.

MATTHE 4:23

Bawipa Jesuh cu Kalile kho avan ung hteit ne pum im gui ung m’theithang gui ci. Khankho ah mawng ng’thu phi pyein ci, a hlü hlü ah gawpai ci gui phi gai sak gui ci.

1 JOHAN 3:12

Mikmi cu Kain ah mäih ah kä mi kya en vai nei. Ani ung khoshe om sei, a nau Abel cu ngawn ci nei. Kain naw a i ah kyasei a ngawn ang? Ani ah bilawh gui cu cheishoh ne a nau ah bilawh gui cu ang düng ah hmawk ah kyak ci.

ROMAN 1:28

Cun ah chang gui cu Khanpughi kä shüm hmat u khätah, Khanpughi naw shekat nak ung nawng gui sei, kä a khin kä ak khaa ah kya lawk ci gui.

2 THESSALONIAN 2:12

Cun ah kyasei cacim kä yum ne cheishoh nak ung ng’len ciah chang phung cu m’shetkat nak gah khai nei.

ROMAN 14:17

Khanpughi ah uknak ah kho cu ei nak la auk nak awn kä ng’phaa ci, Mumcha Theing ah peit ah ng’düng nak, dimdeeih nak la yeikyai nak awn vah ng’phaa ci.

ROMAN 2:8

Amät ah bä nak vai bäng teng ne, ng’düng nak cu hnu na ne, shet nak lam ah läk ciah chang gui cu Khanpughi ah m’lung k’she nak hmuk khai gui.

LAMKTU 28:23

Cun ah kyasei ngami cu Paul awn hnüüp ng’nüt u netah, ami ng’nüt nak ah hnüüp ung chang akda Paul ah om nak ah gawk law ci gui. Paul naw kho ngawi ah tün ne, mühun nah khüt khai ah khanpughi ah uknak ah mawng Thu Ni cu m’thein gui ci. Bawipa Jesuh ah a mawng cun phi, Moses ah thukhän la prophet gui ah cacim gui awn küm khai ah, ngami naw ami yum tu vai ah k’tha nah ne m’thein tu gui ci.

LAMKTU 20:25

Kei naw hteit shüi shüi ne nami ng’lung ah, Khanpughi ah uk nak kho ah mawng cu ka pyein pyi ci. Cun ung phi nangmi ungka a u phi kei na hmu law ba khai kä om ciah ka hmat ci.

LAMKTU 18:15

Cun ung phi shin cu thu m’gawng pyeinsak ah mawng ah kyak ci kya sei, nami mät naw ng’thumcha vä, kei naw kä ka m’khoichak khai nei” cine tah

LAMKTU 17:32

Paul naw, sih nak ungka thawh ba nak ah mawng a pyein cu ng’ya u netah chang amshah naw päipih ci gui. Cun ung phi amshah gui naw, “Shin ah mawng na pyein cu kami ng’ya ba hlü mä ci nei” cik ci gui.

JOHAN 18:38

Pilat naw, “Düngnak cu a i ang?” cine ng’shi ba ci. Cun kawn ah Pilat cu chang gui ah ma ah lut law netah, “Ani ung m’kat nak vai ah katnak kä ka hmuk ci.

JOHAN 8:43

Kei ah thu cu a i ah kyasei kä nami hmat ang ci ung, nangmi ung kei ah ng’thu nami hmat nak vai thagui kä ah om su ah kyak ci.

LUKA 10:9

Cun ah pigaw ung gawpai ci gui nami gai sak gui vai. Cun kawn ah ngami ung, “Khanpughi ah Uknak kho gawk law pyi ci” cine nami m’thein gui vai.

LUKA 9:2

Cun kawn ah Khanpughi ah uknak kho ah mawng ami pyein vai la gawpai ci gui ami gai sak vai ah mawng m’cäi ne tüi gui ci.

MAKUH 4:15

Chang amshah gui cu lam ung kya lawk ciah geit m’shi awn täng ci gui, Khanpughi ah thu ng’ya te ci gui, cun ung phi acun vai-am khoshe naw lak pe gui yawp ci.

MATTHE 5:37

Akcang la kä akcang cu düngnak awn nami pyein vai, cun ah kawn ah nami ng’thu cu khoshe ah ning thu sak gui ah kyak ci.

NG'THU K'THUUK~ 17:16

Chang gu ang naw ca ng’thei nak vai ah phah ah ngui a mang cu ka nik ci, a i ah kyasei ci ung ani ung ng’yak hlü nak ka om ci.

NG'THU K'THUUK~ 1:7

Bawipa kyih aa nak cu hmuhmat nak ah a phung ah kyak ci, gu-ang ciah chang naw cüivai nak cu a i ah kä ngai ne, kä m’thei thang hlük ci.

1 JOHAN 5:20

Khanpughi ah Htapa cu kyum law ne, Lulang nak cu na pe gui sei, Khanpughi akcang mi hmat tu cun phi, mikmi naw mi hmat ci. Mikmi cu A Htapa Bawi Jesuh Khrit awn mi kawng ät nak awn, Khanpughi akcang awn phi kawng ät ne mi ghing ci. Shin cu Khanpughi akcang ah kyak ci, ani ung mi gah cu angtäi ghin nak ah kyak ci.

EPHESIAN 3:8

Kei cu Khanpughi ah chang gui ung ak chui pi bäih ah ka kyak ci. Cun ung phi Khanpughi naw, Bawi Khrit ah kä khei tai vai ah bühmang nak ah mawng Thu Ni cu chang khuihei gui am m’thein gui vai ah,

EZEKIEL 31:18

“Sing ghing cu Egypt ghangpughang la a chang gui avan ah kyak ci. Eden ung sing ghing gui pang hngaw cun hlawk ah kä ng’ng’shäi ci gui, kä bä ci gui. Cun ung phi tuhbäi, ani cu Eden ung sing ghing gui ah mäih ah sih nak ah khaw ah zu kya ne, Khanpughi ka ah kyak ci gui la ng’tuk nak ung ami ngawn gui awn ng’dawn tuk khai gui. Kei ah thu pyen nei” cine uktu Bawipa naw pyen ci.

MATTHE 12:26

Cun ah kyasei, satan ah uknak kho ung om ci gui cu ami mät gui ng’tu ng’aat u ne, ami kyak ung ani ah kho cu ng’phyeekpai pyii ci kya ne, dimaih khai ah kyak ci.

MATTHE 13:20

Lung ung kya lawk ciah m’shi ci cu, ng’thu k’ni cu ami ng’yak tu vai-am yeikyai ne dou tuk ci gui ah kyak ci.