MATTHE 13:12 - Cho Bible Common Language 2016

¹² Khawh tak ciah chang cu k’be ba mä sei da law pi khai, khawh kä tak ciah chang cu ak om hta phi lak pe yawp khai.

MATTHE 13:12 Referans Kwoze

MATTHE 25:29

Bühmang cicu peit ba mä ung bühmang law pi täi khai, cun ung phi ghawi-pyam ciah kaa cu, ak om hta phi lak peit yawp vai.

LUKA 8:18

Cun ah kyasei nami ngaih ng’yak cu geing na vä, om ciah kaa län ne k’be ba khai, kä om ciah kaa, a taak hta phung avan lak pek khai” cine pyein ci.

THU PHLAAN 2:5

A i hlawk ah na yu kyak vü cu ngaih-tüh ba shüm ä, na kat nak ung kaa ng’yu ba ne, ak htük ung na bi ah mäih ah na bi ba vai nei. Na katnak ungka kä na ng’yu ba ah a kyak ung na om nak ah kei cu law netah, na mei ng’düi cu a hei ah ka ning hen pek khai nei.

LUKA 16:25

Cun ung phi Abraham naw, “Ka hta aw, khomdek khan ah nang bühmang gui man la Layarus ah ghawipyam yaica man gui cu, ngai ba ne shüm ba ä. Tuhbäi ani cu bämang nak ung gawk sei, nang cu geinvai nak ung na gawk pyi ci.

MATTHE 21:43

“Cun ah kyasei kei naw akcang ka pyein cu, Khanpughi ah uknak kho cu nangmi ungka la ba ne, düng nak awn vuipai khai ah chang gui-am pe gui khai.

LUKA 16:2

Mang naw ani cu khü netah, ‘Nang ah mawng akda ah kang yak ci, na bilawh nak gui cu apüh akheh ah pyang ne law püi ä, nang cu kei ah changvai ah kä na kya ba khai” cine pyen nak ci.

LUKA 10:42

Mari naw aknipi ghü pyi ci, cun cu a u naw kä gut hlawt khai” cik ci.

LUKA 9:26

Kei la kei ah ng’thu ah hmawk ah lü ng’aa ciah chang cu, chang ah Htapa amät ah bämang nak la Apa ah bämang nak, khankho chang theing gui ah bämang nak awn, a kyum law ba hnüüp ung, ani ah hmawk ah lü ng’aa nak om khai.

MAKUH 12:9

Cun ah a kyak ung kho mah naw a i cha ah bi bik khai ang? Ani cu law ne lo ng’vat ci gui ngawn gui yawp netah, cun ah lo cu a hei gui-am bi sak gui khai nei.

LUKA 12:48

Cun ung phi a bawi ah ng’yak hlü kä hmat netah katnak bik ciah chang läi cu geinvai nak api gah khai. Chimgein nak akdäm gah ciah chang cu abi vai akda om khai. Zum ne ngaih gep nak pi gah ciah chang cu abi vai akda pi om khai.

JAMES 4:6

Cun ung phi Khanpughi ah na peit gui ah chimgein nak cu khüighaat ba pi ci nei. Cacim theing naw, “Khanpughi naw chang ah ng’shei ci gui cu hnu nah gui ne, m’lung neim sak ci gui cu, chimgein nak pe gui ci nei,” ciah a pyein ah bä nak ah kyak ci.