MATTHE 13:11 - Cho Bible Common Language 2016

¹¹ Bawipa Jesuh naw, “Nangmi naw Khanpughi ah kho ah mawng thuuk ne ng’kau cicu hmuhmat nak thei vai nami gah ci. Chang hei gui cu cun kä gah tuk ci gui.

MATTHE 13:11 Referans Kwoze

1 KORIN 2:14

Mumcha kä gah ciah chang naw Khanpughi ah Mumcha ung ka lawk ciah m’gein nak cu kä gah hlawt khai. Mumcha ung phung pawng ci naw vah acun ah a phu cu m’khoicha hlawt ci kyasei, Mumcha kä gah ciah chang naw, Mumcha ah m’gein nak ah mawng cu akcang ah kä hmat ci, ani ah phäh ah cun gui cu akholä ah kyak ci.

MATTHE 19:11

Bawipa Jesuh naw, “Chang päng kä chu cei mah ah om hlawt ciah kä kyak ci, Khanpughi naw a om sak ah chang vah om hlawt ci.

JAMES 1:5

Nangmi ung chang tumat mat cu cüivai nak ang laklo ah a kyak ung Khanpughi ah taigü sä, Khanpughi naw cüivai nak pek khai nei: a i ah kyasei ci ung, Khanpughi naw ng’khai ne pek ci, chang van-am ng’khai ne pek ci.

1 JOHAN 2:27

Cun ung phi nangmi läi cu Bawi Khrit naw ang Mumcha ning m’kyum gui pyi ci nei. Nangmi ung Mumcha cu ghing ne om pyi ci kyasei, nangmi cu a u naw a ning m’theithang ba gui vai kä hlü ci nei. Cun ah Mumcha naw a päng avan ning m’thei gui ci, ani ah ning m’thei gui cu düng nakcang nak ah kyak ci, thuvi hleeihlak ah kä kyak ci. Cun ah kyasei Mumcha ah m’theithang cu nami läk vai, Bawi Khrit awn kawng ät ne nami om vai.

1 JOHAN 2:20

Cun ung phi Bawi Khrit naw nangmi ah khan ah Mumcha Theing cu ning m’kyum gui pyi ci kyasei, nangmi naw thu thuuk cu nami hmat pyi ci nei.

MATTHE 16:17

Bawipa Jesuh naw, “Johan ah hta Simon, nang ung yeikyai nak om ci, shin ah düng ciah a mawng cu chang naw kä hmat hning ci, Khankho ah om ciah Kapa naw a ning m’thein ah kyak ci.

EPHESIAN 1:9

Khanpughi naw acüivai nak la alulang nak awn, ang bü nak cu dang khai ah bi bik ci. Bawi Khrit ung akümbe sak ah thuuk ne ng’kau ciah a mawng gui cu mikmi am na hmat sak gui ci.

ISAIAH 35:8

A cun ung lam ng’kiung nu om khai, cun cu “Theingcim khaw ah Hteh nak lam” ah pyen ci gui. Kat nak bik ciah chang phung cun ah lam ung kä hteit tuk khai; A u akgutak naw phi cun ah lam ung hteit cicu lam hma khai ah kä m’shüm khai.

EPHESIAN 5:32

Shin cu ang htei ah thuuk ne ng’kau ciah thuciim ah kyasei, Bawi Khrit la krihtabum ah hmawk ah kyak ci, ciah ka pyein ci.

ROMAN 16:25

Khanpughi ah bämang nak cu mi m’hlüngtai khai nei! Ani naw nang mi ah yum nak cu ning khänhtek sak gui ci nei. Kei naw Bawi Jesuh Khrit ah mawng Thu Ni ka ng’shäu nak ung shin ah ka pyein ci, cau puipui tüi ne ng’thup ne om ciah ng’yih ciah ng’düng nak naw phi acun na m’dang ci.

LUKA 8:10

Bawipa Jesuh naw, “Nangmi läi cu Khanpughi ah thuuk ne ng’kau ciah khankho ah mawng cu nami hmat pyi ci. Cun ung phi chang akda cu teng lang ne kä hmuk ci gui, ng’ya lang ne kä hmat ci gui kia sei, m’tumtäng ne m’thein gui ah kyak ci nei” cine pyein ci.

1 KORIN 15:51

Ngai vä, thuuk ne ng’düng ciah mawng cu ka ning m’thein gui khai.

1 KORIN 2:7

Kei naw ka ng’shäu ah Khanpughi ah ng’cim ciah cüivai nak cu, hnicim chang ah maa ah ng’yih ciah cüivai nak ah kyak ci. Cun cu khodek kä a tüisho pha ung mikmi ah bämang nak vai ah a güi pyi ah kyak ci.

JOHAN 6:65

Cun ah kyasei Bawipa Jesuh naw, “Kei naw tuhbäi ka pyein hlü cu, Kapa Khanpughi naw kä am gein ung a u phi, kei ah kä law hning ci” cine pyen na gui ci.

1 TIMOTHI 3:9

Ngahmi cu yum nak ah thu düng ah mawng, ci theing sei ngaih gep ne kut shum ci gui ah kyak khai.

1 KORIN 13:2

Kei cu kümbe ciah thu ka pyein hning ung phi; thuuk ne ng’kau ci hmuhmat nak la langkha nak a om ung phi; khom’htung ng’nawn sak hning ciah yum nak a om ung phi-kei ung m’hni nak kä a om ung, kei cu a kholä ah kyak ci.

MAKUH 4:11

Bawipa Jesuh naw, “Nangmi naw thuuk ne kau ciah Khanpughi ah uknak kho ah mawng cu nami hmat pyi ci. Cun ah kä hmat tu hning ci gui cu m’tumtäng ne m’thein gui ah kyak ci.

KOLOSE 2:2

Kei naw shin ka bi cu, ngami ami k’tha abe nak vai la m’hni nak ung ami m’lung ngaih a ät nak vai ah kyak ci. Cun ah kyasei ngami cu akcang ah lunglang nak law püi ciah bümbe ciah ngaih gep nak cu gah ci gui. Ashin ah lam awn ngami naw Khanpughi naw am yih ah Bawi Khrit amät cu hmat ci gui.

EPHESIAN 6:19

Kei thu ka pyein yah ung Khanpughi naw thu m’gawng thei nak ana peit vai ah nami na taigü peit vai nei. Cun ung kei naw Thu Ni ah a thuuk nak ah mawng cu dang ne ng’hmat khai ah ka pyein thei khai nei.

1 KORIN 4:7

A u naw nangmi cu chang hei ah nami hang tai pi khai ah ning piang gui khai ang? Nangmi ung om ci phung avan cu Khanpughi ah ning peit tui ah kä kya na ang! Nami gah taang gui avan Khanpughi ah kä ning peit gui ah ngaih vai ah nami khähghah nak cu, a i hawkchaa ah ang?

1 KORIN 4:1

Nangmi naw keimi cu Khanpughi ah ng’düngciim nak lüüng ne m’htei ci gui ah, Bawi Khrih ah changshäm ah kami kyak ciah nami hmat vai nei.

JOHAN 7:17

Khanpughi ah ang yak hlü ah om hlük ciah chang phung naw, kei ah ng’thu pyein gui cu ang ngaih ung, Khanpughi ah ng’thu la kei ka mät ah ng’thu ah a kyak ah, ng’thumcha ne hmat khai nei.

SAM 25:14

Bawipa cu ang thu läk ciah chang gui ah teihpüi ah kyak ci, ani naw ang shai pek cu ngami ung küm sak ci.

1 TIMOTHI 3:16

Mikmi ah yum nak ah küikyang nak cu a u naw kä hüüngtaa hlawt khai nei, cun ah mawng cu: Bawipa cu chang ah müi ah ng’tüi ne kyum lawk ci nei, Ani ah theingciim nak cu Mumcha naw m’dang pyi ci nei, Khan chang gui naw phi hmu pyi ci gui nei, Ani ah mawng cu kho nüng ung shäu pyi ci gui nei, M’dek ah khan ung chang gui naw phi Ani cu yum pyi ci gui nei, Ani cu khankho ah hang kai ba pyi ci nei.

EPHESIAN 1:18

Kei naw ani ah ak dei cu nami m’lung awn nami hmuh vai ah ka ning k’thäh pe gui ci, cun ah kyasei, a i nami ngaih u vai ah a ning khü gui ah mawng, ak chang gui-am a peit ah shaitaak cu a i hlawk ah cäicat vai ah abä nak ah mawng,

ISAIAH 29:10

Bawipa naw nami ngam khai ah ning ci gui ci nei, nami ip hniim law ge khai nei. Prophet gui cu chang gui ah mik ah kya khin te ci gui, cun ung phi khanpughi naw ami mik m’shin sak gui ci nei.

LAMKTU 16:14

Cun ah chang gui ung Thiatira pigaw ung kaa, a phu küi suisak yoi ciah Lidia ming nak ciah hnumi tumat om ci. Ani cu Khanpughi yum ciah chang ah kya ci. Khanpughi naw Paul ah thu pyein a ngaih yaak nak tu kheng vai ah cun ah hnumi ah m’lung kyong pyan tham pek ci.

ISAIAH 29:11

Prophet ah muimang ah mawng cu nangmi am ning m’zih gui vai nei; cun cu m’hziütah ca k’chaw ah mäih ah kya khai nei. Nang naw cun cu la neta, caphat thei ciah chang am phet ne aning m’thein vai ah na pyen ah a kyak ung ani naw kä ka phat khai, cik khai nei, a i ah kyasei ci ung cun cu m’hnüt ah kyak ci.

MATTHE 13:10

Ang düihpüi gui cu Bawipa Jesuh ah pei ah law u netah, “A i ah kyasei chang gui-am m’tumtäng bä bä ne namthein gui ang?” cine ng’shik ci gui.

MATTHE 20:23

Bawipa Jesuh naw, “Nangni cu kei ah khap ung akcang ah nani awk khai, cun ung phi kei ah k’eng la k’pat ah nani ngoh vai cu, kei naw kä ka ning pe goi hning ci, cun ah ngoh nak gui vai cu Kapa naw a pyan gui ah chang gui ah hmawk ah kyak ci,” cine kyak nagoi ci.

MAKUH 10:40

Cun ung phi kei naw k’eng la k’pat ah ngoh nak vai kä ka ning pe goi hning khai. Cun cu Khanpughi naw a pyan tham peit gui ah chang ah hmawk ah vah kyak ci” cine pyen na gui ci.

ROMAN 11:25

Phäi nau gui aw, nami mät naw nami mät kami hmuhmat tei pyi ci, ciah kä nami ngaih en vai ah thuuk ne ng’kau ciah a mawng cu ka ning m’thein gui hlük ci. Cun cu, Jew chang gui cu angtäi sei ang laam khai gui ah kä kyak ci, Khanpughi ah lawk khai ah khui hei chang gui ami ng’küm ung khüt khai ah kyak ci.