MATTHE 12:42 - Cho Bible Common Language 2016

⁴² Sheba kho päng ciah ghangpughangnu cu, hmuhmat pi ciah Solomon ghangpughang ah ng’thu ngai tuk khai ah gawk law pyii ci nei. M’khoichaa nak ah hnüüp ung ani naw ng’düi law ne, nangmi cu ning k’taap gui khai nei. Kei naw akcang ka pyein cu, shin ung tuhbäi Solomon ghangpughang ah mä hlüngtai pi ci, gawk law pyii ci nei.

MATTHE 12:42 Referans Kwoze

JOHAN 1:14

Thu cu chang ah yung tüi law pyi ci. Abäkhäk nak la thutak awn be ne mikmi ung om pyi ci. Abämang nak phi mi hmu pyi ci. Cun ah bämang nak cu Khanpughi ah Htapa ah a kyak nak awn agah ah kyak ci.

MATTHE 17:5

Cun ah Peter naw thu a pyein yah ung a bawk phäng phäng ah khang ciah khomei naw küm law gui ci. Cun ah khomei ung kaa ng’shan lawk ciah k’aw cu, “Shin cu kei ah Htapa nei, ani awn ka yei kiai ci nei, ang thu cu ngai vä,” ciah kyak ci.

JOHAN 1:18

Khanpughi cu a u naw kä hmu man ci, cun ung phi Khanpughi awn täng ne ani ah coi ung om ciah A Htapa naw Khanpughi cu m’dang pyi ci.

MATTHE 3:17

Cun kawn ah, “Shin cu kei ah ka m’hni ah Ka Htapa nei, ani cu ang htei ah ka yei nak ci nei,” ciah khankho ah k’aw ng’shan lawk ci.

ISAIAH 7:14

Bä khai, Bawipa amät naw m’hnüt nak ning pek khai: hmumihta cu käu mah ne pamihta ah hta lawk khai, aming cu ‘Immanuel’ ah sui khai gui.

1 GHANGPUGHANG GUI 10:24

khaw ah ka ungka avan cu ani ah law hlük ci gui, Khanpughi naw ani am a pek ah cüivai nak cu ng’ngai law hlük ci gui.

1 GHANGPUGHANG GUI 5:12

Bawipa naw a shaitak cu k’pang ne Solomon am cüivai nak cu pek ci. Hiram la Solomon ah ng’lak ung dimdeeih nak om sei, ngani cu tumat la tumat sumlei ci goi.

1 GHANGPUGHANG GUI 4:34

M’dek ah khan ung om ciah ghangpughang avan naw ani ah cüivai nak cu ng’ya u neta, chang gui tüi law ne ani ah ng’thu ngai lawk ci gui.

1 GHANGPUGHANG GUI 4:29

Khanpughi naw Solomon am thuuk aih ciah cüivai nak la lulang nak, kä nütdawng hlawt vai ah dämduh ciah hmuhmat nak cu pek ci.

1 GHANGPUGHANG GUI 3:28

Israel chang gui naw Solomon ah ng’thumcha cu ng’ya u neta, ani cu anghtei ah chang m’sui ci gui, a i ah kyasei ci ung, Khanpughi naw ani am taga khai ah ng’thumcha nak ah cüivai nak a pek cu ami hmat ah phäh ah kyak ci.

1 GHANGPUGHANG GUI 3:12

nang naw na k’thäh cu kei naw ka bik khai. Ayanä ka man phung la ngawi ah ka vai phung ah ta bä pi ciah cüivai nak la hmuhmat nak cu nang am ka ning pek khai.

1 GHANGPUGHANG GUI 3:9

Cun ah kyasei cüivai nak cu na peä, kei naw na chang gui taga khai ah ka uk vai hlü ci nei, akni la akshe ah ng’lakmah nak ka hmat vai hlü ci nei. Kä cunung, shin ah dämduh ciah na chang gui cu a i hawk cha ah kei naw ka uk thei khai aw?”

MATTHE 12:41

Nineveh chang gui cu Jonah ah ng’thu ngai u ne, katnak ungka ng’yu ba ci gui ah kyasei, m’khoichaa nak ah hnüüp ung, ngami cu ng’düi law u ne, nangmi cu ning k’taap gui khai gui nei. Kei naw akcang ka pyein cu, shin ung tuhbäi Jonah ah hlüngtai pi ci gawk law pyii ci nei.

MATTHE 12:6

Kei naw ka ning m’thein gui cu, shin ung pum im ah tah hlüngtai pi ci om ci nei.

THULÄÄN NAK 30:13

Kä cun ung shin cu tuinu ah a hei ga täng ah kyak ci. Nangmi naw kä nami ng’shi vai cu, ‘A u naw tuinu kat ne hteit neta, shin cu keimi ah law püi ba khai aw? Cun ung keimi naw ng’ya u ne kami läk khai.’