MATTHE 12:29 - Cho Bible Common Language 2016

²⁹ A u chang naw phi k’thagui mah ciah chang cu khit ne kä ak pawng cang ung, a im kyong ah lut ne a khawhcham kä lak pe hlawt khai, khit ne ak pawng kawn ah vah lak pe hlawt khai.

MATTHE 12:29 Referans Kwoze

ISAIAH 49:24

Gakap naw a guttep ah khawh, nang naw na lak pe hning khai ang? Mangmghämee ah kut ung ka thawngkium ci cu na gung hning khai ang?

MAKUH 3:27

M’gäi ciah chang cu khit ne pawng cang ci naw vah, a im ung lut ne a khawh cu gut hlawt khai, kä cun ung a u naw kä gut hlawt khai.

1 JOHAN 4:4

Cun ung phi ka hta nau gui aw, nangmi cu Khanpughi ung nami khäng ci kya ne, thuvi ciah profet gui cu nami näng ci nei, a i ah kyasei ci ung nangmi ung om ciah Mumcha cu khomdek chang gui ung om ciah mümcha ah mä hlüngtai ba pi ci.

1 JOHAN 3:8

Cheishoh nak bi lä ciah chang cu Khoshe ah paw ah kyak ci, a i ah kyasei ci ung Khoshe cu ak htük ge ung cheishoh ciah kyak ci. Khanpughi ah Htapa a kyum law nak ah a mawng cu, Khoshe ah bilawh phung m’di ne m’siu vai ah kyak ci.

ISAIAH 53:12

Cun ah kyasei ani am, m’tam khah nak ah hmun, dämduh ne huham mah ci gui ah ng’lung ah hmun akni ka pek khai. Ani naw a ghin nak cu kä ng’vang ne pe ne, Changshe gui ah ham cu chaw nak ci. Ani naw hmakak ciah chang hli ah a hmun cu la neta, Ngami m’geinsei gui vai ah taigü ci.’’

MATTHE 12:28

Kei naw Beelyebul ah na peit ah k’thamah nak awn kä kyak ciah, Khanpughi ah Mumcha ah na peit ah bämang thamah nak awn, khoshe gui cu ka k’täm ci. Cun ah kyasei Khanpughi ah uknak kho cu nami khan ah gawk law pyii ci nei.

MATTHE 12:30

‘Kei täng ah kä om ciah chang cu na hnu ng’tuk püi ciah kyak ci. Kei awn a täng ah kä ng’bum tuk cicu ng’yaih-yam düt ciah kyak ci.