MATTHE 12:15 - Cho Bible Common Language 2016

¹⁵ Bawipa Jesuh cu cun ah ami ng’ge ah mawng ng’yah netah, a hei lam ah hteit ba sei chang akda naw a hnu ah läk ci gui.

MATTHE 12:15 Referans Kwoze

MATTHE 10:23

Pigaw tumat ung ami ning shedam nak gui ung, a hei pigaw ah nami dawng vai. Kei naw akcang ka pyein cu, Israel kho pigaw päng ung bilawh vai kä nami bi yawp pha ung, chang ah Htapa cu kyum lawk khai nei.

JOHAN 11:54

Cun ah kyasei Bawipa Jesuh cu Judea kho ung ang ngaih ah kä hteit hton ba ci. Cun ungka ng’düi ba ne, kho ng’gau kho ah pei Ephaim gawnu ah hteit ne, ang düihpüi gui awn a täng ah om ci gui.

JOHAN 7:1

Cun kawn ah Bawipa Jesuh cu Kalile kho ah pawng ne hteit ba ci. Jew chang gui naw ngawn vai ah ami ng’ge cu hmat netah, Judea kho ah kä hteit ba hlük ci.

MATTHE 19:2

Chang gui akda naw a hnu ah läk law u sei, gawpai ci gui cu gai sak gui ci.

MAKUH 6:56

Bawipa Jesuh a hteh nak vai ah gawnu gui, lo gui la lam gui nüng ung ak gaw gui cu m’shän gui ci gui. A suinu ah pyai mawng hta pang ami tawn tu hlawt vai ah ng’coipa ne ng’yoi ci gui. Va tawn tu hta hlawt ciah chang phung cu ang ghit ah gai ci gui.

1 PETER 2:21

Acun ah mäih ah nami bi vai ah Khanpughi naw a ning khü gui ah kyak ci. Bawi Khrit amät nangmi ah hmawk ah a geinvai nak awn, nami thei tu vai cu dang sak ci. Cun ah kyasei a kho neh cu nami läk vai kyak ci.

KALATIAN 6:9

Cun ah kyasei kä cümbawng ne ak ni ah mi om ih khai: mikmi naw kä mi hnu ng’hlah taak ah a kyak ung, akhin a gawk law hnüüp ung a vuipai cu mi khäm khai.

JOHAN 9:4

Kei na tüi lawk ciah ah bi cu kho adei yah ung mi bik khai. A u naw bi kä abi nak hlawt vai ah kho a münak gawk lawk khai.

LUKA 6:12

Cun kawn ah Bawipa Jesuh cu m’htung ah kai ne, Khanpughi ah mü lüng ne k’taigü ci.

LUKA 5:22

Bawipa Jesuh naw cun ah ami ngaih-tüh cu hmat gui netah, “A i ah kyasei cun ah nami ngaih-tüh ang?

LUKA 9:11

A cun ah mawng cu ng’ya u netah, chang akda naw a hnu ah läk lawk ci gui. Bawipa Jesuh naw chang gui cu dan gui ne Khanpughi ah uknak kho ah mawng cu m’thein gui ci. Gawpai ci gui phi gai ba sak gui ci.