MATTHE 11:7 - Cho Bible Common Language 2016

⁷ Johan ah a tüih law gui ami hteh ba kawn ah Bawipa Jesuh naw Johan ah mawng cu chang gui-am m’thein gui ci. “Nangmi cu a i vai Johan ah om nak k’pya lün nu ah nami hteh ang? Kho khi sei hnün ciah khu m’sai gui nami teng khai ang?

MATTHE 11:7 Referans Kwoze

JAMES 1:6

Cun ung phi nami taigü ung yum nak awn ngaih kä pai ne nami taigü vai. Ang ngaih pai cicu kho naw khi sei ng’hnawk ciah tui hnawk ah mäih ah kyak ci.

JOHAN 5:35

Johan cu ng’läh ne däi ciah mei-im awn täng sei, ani ah akdei ung ashäng yei ne nami om hlük ci.

EPHESIAN 4:14

Mikmi cu ak hmawhta ah kä mi kya ba ci, cun ah kyasei, ami mät ah m’lung hnga tüidawng düt awn, chang gui lam hma khai ah lam shüm ne thuvi theileh ci gui ah, m’theithang nak khokhni naw kä ning yon shüi shüi en gui sä.

ATÜNNAK 49:4

Nang cu tuiklaw ah mäih ah na kyak ci. Cun ung phi nang cu aküikyang pi ah kä na kyak khai, A i ah kyasei ci ung kei ah ka chuba ih püi ne, na pa ah ihphak cu na shetkat sak ciah kyak ci.

LUKA 8:18

Cun ah kyasei nami ngaih ng’yak cu geing na vä, om ciah kaa län ne k’be ba khai, kä om ciah kaa, a taak hta phung avan lak pek khai” cine pyein ci.

MATTHE 21:25

Zohan naw tuihnim nak a peit cu, Khanpughi ah peit ah m’khüt näng nak awn ang a peit, chang ah peit ah m’khüt näng nak awn ang a peit?” cine ng’shi gui ci. Ngami naw, “Khanpughi ah peit ah m’khüt näng nak awn pek ci mi ciah a kyak ung, Zohan a i ah kyasei kä nami yum ang’ci ne nang shi ba gui khai,

MATTHE 3:5

Jerusalem gawnu ungka gui, Judea kho ungka gui la Jordan tuinu pei yung ah om ciah chang gui cu Johan ah gawk lawk ci gui,

JOHAN 1:38

Bawipa Jesuh naw ani läk law hmu goi netah, “A i na ni shui ci ang?” cine ng’shi goi ci. Ngani naw, “Rabbi, a hawi na om ci ang?” cine ng’shik ci goi.

MATTHE 11:8

Kä cun ung a i vai nami hteit ci ang? Ak kyom suisak ci gui nami teng khai ang? Ak kyom suisak ci gui cu mang im kyong ah nei ami om.

MATTHE 12:20

Ani naw ak thagui kä om cicu k’dükdawm ne, a yi-hnei vai kä om cicu chimgein khai. Ani cu düng nak awn näng nak ung khüt khai ah bi bik khai.