MATTHE 11:6 - Cho Bible Common Language 2016

⁶ Kei ah khan ah ngaih gep ciah chang gui cu yeikyai nak om ci nei” cine m’cäi gui ci.

MATTHE 11:6 Referans Kwoze

1 KORIN 2:14

Mumcha kä gah ciah chang naw Khanpughi ah Mumcha ung ka lawk ciah m’gein nak cu kä gah hlawt khai. Mumcha ung phung pawng ci naw vah acun ah a phu cu m’khoicha hlawt ci kyasei, Mumcha kä gah ciah chang naw, Mumcha ah m’gein nak ah mawng cu akcang ah kä hmat ci, ani ah phäh ah cun gui cu akholä ah kyak ci.

MATTHE 26:31

Cun kawn ah Bawipa Jesuh naw, “Khanpughi naw htoshäm cu ngawn khätah, hto gui cu püipiang yawp khai gui ciah, cacim ung a om ah mäih ah, tuhmü nangmi cu kei na nawng ne nami dawng yawp khai nei.

JOHAN 6:66

Cun ung tün ne Bawipa Jesuh ah angkhah püi gui akda cu kängläk tu ba ne ng’hlat ba shüt ci gui.

MATTHE 24:10

Cun ah khin ung chang gui cu ami yum nak nawng u ne, tumat la tumat ng’cha tuk khai gui, ng’gen tuk khai gui nei.

1 PETER 2:8

A hei cacim ung, “Cun ah lung cu chang gui ah m’thuihshawng nak vai la, Chang gui ah ng’vawn ng’täät nak vai ah kyak ci”, ciah om ci. Ngami cu thucim kä yum ci gui ah kya ne, ‘Thuihshawng ci gui, cun cu ngami ah hmawk ah Khanpughi naw am’hnüt ah kyak ci.

MATTHE 18:7

Chang gui ah yum nak dimaih sak ciah a mawng ama gui om sei, chang gui ung thüi sei nak om ci. Zum nak dimaih sak cicu akcang ah om khai, cun ung phi yum nak dimaih sak ciah chang cu ang htei ah thüi sei nak om khai.

KALATIAN 5:11

Phäi nau gui aw, kei naw vun ah nak cu, bi lä vai nei cine, ng’thu ka pyein ciah a kyak ung, a i ah kyasei k’dudeiu nak ka aut vai ang? Cun gui cu akcang ah akyak ung, Bawi Khrit ah kutlam tung ah mawng ka pyein cu, thüigen nak vai kä om khai nei.

SAM 119:1

Yeikyai nak om ci gui cu a ghing nak ung cheishoh nak kä om sei, Bawipa ah thukhän ung ghing ci gui ah kyak ci.

LUKA 2:34

Simeon naw hrilham pe gui netah, Nu Mari-am a pyein nak cu; Israel chang da gui ami didap vai la hun nak ami gah vai ah hmawk ah shin ah ak hmawhta cu Khanpughi naw a ghü pyi nei. Ani cu Khanpughi m’hnüt nak ah kya ne, chang gui naw hnu ng’tuk püi ne ami ng’thu nak awn, ami mät ah m’lung kyong cu dang sak khai gui nei.

MATTHE 5:29

Nakpat lam ah na mik naw a ning hmühma sak ung, acun ah mik cu kawih ne na ghawh vai, na pumsa avan m’hteimei ung a luh ah k’dam ah na mik vangtäng am dauh cu bä tu ba khai.

MATTHE 13:21

Cun ung phi ng’thu ni cu ngami ah m’lung kyong ung kä khäng htek ci, ashäng hta bäng gawk ne om ci. Ami dou ah ng’thu ni ah hmawk ah yaica nak la shedam nak ami aut law ung, acun vai-am ng’hlat ba ci gui.

MAKUH 6:3

Shin ah chang cu Mari ah hta, im co ciah chang, James, Josef Judas la Simon ni ah ami phäi ah kä kya ne ang? Ani be gui phi mi pigaw chang gui ah maw?” cine ami mät ng’htau ci gui. Cun ah kyasei ngami naw Bawipa Jesuh cu maa nak ci gui.

LUKA 7:23

Kei ah khan ah ang ngaih gep cicu yeikyai nak akda om ci nei” cine m’thein goi ci.

JOHAN 16:1

Nami yum nak kä nami nawng-en vai ah shin ah ka ning m’thein gui ci nei.