MATTHE 11:25 - Cho Bible Common Language 2016

²⁵ Cun kawn ah Bawipa Jesuh naw, “Khankho la khomdek van uk ciah kapa, hmuhmat nak om ci gui-am kä nam dang gui cu, hmuhmat nak kä om ci gui-am m’dang gui ci sei ka ning m’hlüngtai ci.

MATTHE 11:25 Referans Kwoze

MATTHE 21:16

Ngami naw Bawipa Jesuh-am “Akhmaw gui a i cine ami m’lau cu nang yak ci ang?” cine ng’shik ci gui. Bawipa Jesuh naw, “Akcang ah kang yak ci nei. Cacim ung, ‘Bawipa naw, htahmaw gui la nau hmaw gui cu ami m’hlüngtai thei vai ah Theithang gui ci nei,’ ciah om ci cu, Kä nami phat man ci ma?” cine kyak na gui ci.

SAM 8:2

Cun cu hmawhta la nausen naw a m’cu ah kyak ci. Nang cu ga avan ah kut ung ka ning hun ne, ning phyawn ci nei, Ning tuk püi ci phung nang bäng naw düm ah na om sak hning ci.

MATTHE 16:17

Bawipa Jesuh naw, “Johan ah hta Simon, nang ung yeikyai nak om ci, shin ah düng ciah a mawng cu chang naw kä hmat hning ci, Khankho ah om ciah Kapa naw a ning m’thein ah kyak ci.

2 KORIN 3:14

Israel chang gui ah m’lung cu ng’khai ci, tuhngawi güt ung thukhän phyim cu ami phat ba phung ung ami m’lung cu, cun ah tampu naw shung gui ci. Bawi Khrih ung ghing ciah chang bäng naw vah cun ah tampu cu liim hlawt ci.

LAMKTU 17:24

Khomdek la khomdek khan ah om ci nüng tüi pyang ciah Khanpughi cu, khomdek la khankho uk ciah Khanpughi ah kya ne, chang naw kut awn a pyan ah pum im ung kä om ci.

JOHAN 11:41

Cun ah kyasei chang gui naw, lung cu m’hnawn ci gui. Cun kawn ah Bawipa Jesuh naw, khankho dang netah “Kapa, ka taigü na ngaih pek ci sei, ka yeikyai ci nei;

DANIEL 2:23

Ka pupa gui ah Khanpughi aw, ning m’hlüngtai ne ka ning tamkhah ci nei, Nang naw cüivai nak la thagui na na pek ci; Nang naw ka taigü na m’shang ne ghangpughang am a i cha ah m’thein vai cu na na m’hmuh gui ci nei.”

ISAIAH 66:1

Bawipa naw pyen ci, “Khan kho cu ka mang kiang ah kya ne khomdek cu ka kho ne’leh nak ah kyak ci. Kei ah phäh ah a i ah mäih im nami co khai ang, a i ah mäih hmun ung kei ka om khai ang?

LUKA 22:42

Aw Kapa, nang yak hlü a om ung shin ah yaica nak ah khap cu kei ung nang shawng sak ä, cun ung phi kei ah ng’yak hlü ah kä kya ne, na mät ah ng’yak hlü ah kya sä” cine taigü ci.

DANIEL 4:35

Ani naw chang gui cu akholä ah mäih ah teng gui ci; Khankho ung khanchang gui la m’dek khan ung m’dek chang gui cu ani naw shum gui ci. Ani ah ng’yak hlü cu a u naw kä hnung tuk püi hlawt ci, Ani ah bi cu a u naw kä ng’shi k’thäh hlawt ci.

ISAIAH 5:21

Nami khaw mü ci nei! Nangmi naw nami mät cu cüivai ciah, lunglang aih ciah nami ngai ci.

1 SHONTÄP NAK 29:13

Tuhbäi, kami Khanpughi, nang ning yei na u ne, bämang ciah na ng’ming cu kami m’tam ci.

2 GHANGPUGHANG GUI 19:15

Taigü ci, “O Bawipa, Israel Khanpughi, na tüisho gui ah khan ah na mangkiang ung na ngok ci, nang bäng nei Khanpughi, khaw ah ka ung uknak khaw gui avan na uk ci, nang naw m’dek la khankhaw na tüishaw ci nei.

1 SAMUEL 2:18

Cun yah ung ak hmaw Samuel cu Bawipa ah bi bi gäk gäk ci. Ani naw theing ciah

ATÜNNAK 14:22

Abram naw, “Khankho la khomdek tüisho ciah A hlüngtai Pikbäih Khanpughi Bawipa ah ma ah akni ah ka ng’kiaa pyi ci nei,

ATÜNNAK 14:19

Ani naw Abram cu hriham pe neta, “Khankho la khomdek tüi pyang ciah A hlüngtai Pikbäih Khanpughi naw, Abram cu hriham pe sä!

JOB 37:24

Chang nü naw ani cu kyih aa ci gui nei, Amät cüivai ciah pyen ciah chang gui cu ani naw nawng gui ci nei.

LUKA 23:34

Bawipa Jesuh naw, “Ngami cu a i ami bi ah ami mät naw kä hmat ci gui nei, m’gein gui ä” cine pyein ci. Chang gui naw Bawipa Jesuh ah a suisak gui cu, m’shüih tawk ne ng’pai ci gui.

JOHAN 12:27

“Tuhbäi kei cu kamlung thüi ci nei, a i cine ka taigü khai aw? Kapa, tuhbäi kei ah khan ah gawk lawk khai ah akhin ungka na phiawn sak kä! ka cik khai ang?

JOHAN 12:28

Cun ung phi kei cu shin ah caiya nak ah a khin cu ka aut khai ah ka lawk ci nei. O Kapa, Na ming theing ung na bämang nak dang sak ä” cine kyak ci. Acun vai-am Khankho ah kaa thang lawk ciah k’aw naw, “Kei naw ka ming theing ah bämang nak cu kang dang sak pyi ci nei, cun kawn ah phi ka dang sak ba khai nei” cine pyein ci.

1 KORIN 2:10

Khanpughi naw mikmi am amät ah m’yih gui cu, Mumcha awn nam dang gui ci. Mumcha naw a päng avan bäng ah kä kyak ciah, Khanpughi ah thuuk ne ng’yih ciah ang bü nak gui cun phi shuilei ci.