MATTHE 11:23 - Cho Bible Common Language 2016

²³ Aw Kapernaum gawnu, nang cu khankho ah khüt khai ah, m’hlüngtai nak na gah khai ah na ngai ci ma? Nang cu m’hteikho ah khüt sei yuk buh nak na gah khai nei. Nang ung kamdang ah cäi aih gui vai cä, Sodom gawnu ung kamdang vai sü ung, cun ah gawnu cu tuhgüt om khai süte.

MATTHE 11:23 Referans Kwoze

MATTHE 4:13

Ani cu Nazaret kho ung kä om ne, Zebulun la Nahtali kho ah ng’lak Kalile tuili pei, Kapernaum gawnu ah hteit ne om ci.

ATÜNNAK 13:13

Sodom gawnu ung chang gui cu, chang shekha gui, Bawipa hnu na ne cheishoh ci gui ah kyak ci.

THU PHLAAN 11:8

Ami gook cu ami Bawipa kutlamtung ung ami ngawn nak ah mang gaw, lam k’cawih ung ng’yän shüt khai. Cun ah mang gaw ah ming m’hlün cu Sodom, kä cun ung Egypt ah kyak khai.

JUDE 1:7

Sodom la Komorrah la ani pei ung ah gawnu gui cu ngaih-tüh ba shüm vä, cun ah gawnu gui ung om ciah chang gui cu, acun ah khan chang gui ah mäih ah ng’yawng’pawm hüithaw düt ne mupyei ci gui. Chang avan a khäntam nak ah ngami cu angtäi ah däi ciah mei awn m’shetkat nak gah ci gui.

LAMKTU 2:27

A i ah kiah sei ci ung nang Bawipa naw kei cu, sih nak ah khaw ung kä nah na nawng düt khai; Nang ung ng’düng ciah na chang cun phi, Ng’cim hmun ung kä na thu kat sak düt khai ah kyak ci.

LUKA 14:11

Amät naw amät m’hlüngtai ci cu, neim sak nak gah khai, amät naw amät neim sak ci cu, m’hlüngtai nak gah khai” cine m’cäi gui ci.

MATTHE 16:18

Cun ah kyasei nang cu, “Kheng lung,” ah ming ciah “Peter” ah na kyak khai, acun ah kheng lung ah khan ah ka pum im ka k’süm khai, cun cu sihnak naw phi kä näng hlawt khai.

MATTHE 8:5

Bawipa Jesuh cu Kapernaum gawnu ah a gawk law yah ung, Roman gabawi cu a pei ah law netah,

OBADIAH 1:4

Na im cu hmu kiung ah ng’bu ah mäih ah hlüng khai ah na cawh ung phi, cun naw aisi gui a han pha ung phi, kei naw ka ning buh tawn khai nei.

NG’ÄI KYAH 2:1

Bawipa ah am lungshe nak naw mü hnüp awn Zion cu küm ci. Acun ung khan kho bämcam nak cu a ni naw dishum nak ah lat ci. Am lungshe nak ah hnüüp ung ani naw ak taigü im phi kei sak ci.

LUKA 16:23

Ani cu m’htei mei khui ah ang htei ah gein vai law aih ne khankho cu han dang netah, Abraham la a k’pat lam ah ngok ciah Layarus cu hmu goi ci. Cun ah hmu goi netah, Mangpa naw;

LUKA 4:23

Bawipa Jesuh naw, “Nangmi naw, ‘Nang seibawi, na mät ah nat nak, na mät naw na gai vai ah m’htei ä’ ciah khuishui ah mäih ah nami na ng’thu püi khai, Kapernaum ah na bi ah mäih ah, na mät ah pigaw ung phi na bi vai, cine nami kyak khai;

MATTHE 17:24

Bawipa Jesuh la ang düihpüi gui cu Kapernaum ah ami gawk law yah ung khawn look ci gui law u netah, Peter-am, “na saya naw pum im ah khawn m’cu ne ang?” cine ng’shik ci gui.

EZEKIEL 26:20

Cau pui akhin ge ung ana om ciah chang gui ung nami ng’dawn tuk khai ah kei naw nangmi cu sih nak ah khaw ah ka ning tüi gui khai. Kei naw nang cu khomdek ka, angtäi di nak ah khaw ah aksi gui awn ng’pang ne nami om khai ah ka ning om sak khai. Ak hnu ah nang cu kä na om tu ba khai, ghin nak ah khaw ung hmun kä na gah tu ba khai.

EZEKIEL 31:14

Cun ah kyasei tuhbäi ung tün ne, a i sing ghing a i hlawk ah tui gah ci phi cun ah sing ghing güt ah kä ng’ng’shäi ba khai, acun ah hlüng ne khongmei pha ne ng’ng’shäi ne tho cicu kä om ba khai. Cun gui avan cu hnicim chang ah mäih ah ng’ziin ne sik khai gui, sih nak ah khaw ah hteik ci gui ung ng’ziin ne ng’dawn tuk khai gui.

EZEKIEL 32:18

Ani naw pyen ci, “Hnicim chang, “Egypt chang gui avan ah phäh ah thüisei ä. Ngami cu a hei huham ah ciah pakhui gui awn atäng ah sih nak khaw ah tüi gui ä.

EZEKIEL 32:24

“Elam cu a gakap gui ah ami ng’phuh hmun gui naw avan ung koi u sei acu ah om ci. Ngami ami van ng’tuk nak ung ngawn gui ci gui, ngami cu vun-ah nak kä bi ah sih nak ah kho ah hteit ci gui. Ami ghing sang ung ngami naw kyihkyawk nak cu k’püi ci gui, cun ung phi tuhbäi ngami cu sih ne ng’zän ne thui hmai ci gui.

MATTHE 10:15

Kei naw akcang ka pyein cu, m’khoichaa nak ah hnüüp ung cun ah pigaw gui cu, Sodom la Komorrah ah tah nui pi ciah m’shet nak cu hmuk khai nei.

LUKA 10:15

Aw Kapernaum gawnu! Nang cu khankho ah gawk khai ah m’hlüngtai vai na ng’ya hlük ci ang? nang cu m’htei kho ah ning yuk buh hlit vai nei” cik ci.

LAMKTU 2:31

David naw ngawi ah Khanpughi naw a i bi lawk khai cicu hmuh hmat ne tah, Messiah a thawh ba vai ah mawng cu ng’daut ne apyein nak ung; “Ani naw Bawipa cu sih nak ah khaw ung kä nawng düt khai, apum sa phi ng’cim hmun ung kä thu kah düt khai” cine pyein ci.

THU PHLAAN 1:18

Kei cu ghing ne om ciah ka kyak ci, kei cu ka si te ci, cun ung phi tuhbäi hta ng’shon ung ghing ne ka om ci. Sih nak la sihnak ah khaw ah khan ah kei ah huham cu om ci.

THU PHLAAN 6:8

Kei naw teng netah, ng’se amvaw tumat cu ka hmuk ci. Cun ung ng’cum ciah ang ming cu sihnak ah kyak ci. Ani ah hnu ah m’htei khaw naw läk lawk ci. Ngami naw khomdek ah khan, k’bum phli ung kaa k’bum ät ung om ci gui cu, ng’tuk nak, khaw ah yaw nak, lei ah sou nak, ng’plouh ah kiun nak, gui awn sihnak vai ah huham cu gah ci gui.

THU PHLAAN 20:13

Tuinu naw ani ung om ciah aksi gui cu ap lawk ci. Sik nak la sihnak ah khaw naw phi ngami ung om ciah aksi gui cu ap lawk ci gui. Aksi gui ami van cu ami mät ah bilawh a ciah m’khoichaa nak gah ci gui.