MATTHE 11:21 - Cho Bible Common Language 2016

²¹ “Aw Khorayin gawnu, nang cu thüisei nak om ci. Aw Bethsaidah gawnu, nang phi thüisei nak om ci. Nangmi ung kamdang ah cäi aih gui vai cu, Tire la Sidon ung kamdang vai sü ung, ngami cu cau pui, katnak ungka ng’yu nak ah sui sui ne, m’vut awn ng’hluk ne ami katnak ungka ng’yu ba khai sü gui te.

MATTHE 11:21 Referans Kwoze

LAMKTU 12:20

Herod cu Tire la Sidon ung om ci gui ah chang gui ah khan ah ang htei ah m’lung she khätah, ngami cu ng’cut u ne ani cu hmuk khai gui ah lawk ci gui. Ak htük bäih ah mang im uk ciah chang Blastus cu hmuh u netah, ani ah m’gein nak gui awn ghangpughang ah hteit u ne dim gei nak htu pyein ci gui. A i ah kya sei ci ung ngami cu Herod ah kho ungka ei auk vai ami gah tu ah hmawk ah kyak ci.

JOHAN 12:21

Ngami cu Philip (Kalile kho Bethsaida ah kaa) ah hteit u netah, “Saya, Keimi maw, Bawipa Jesuh kami hmu hlük ci” cine pyein ci gui.

LUKA 9:10

Ang düihpüi gui cu law ba u ne ami bilawh gui avan cu Bawipa Jesuh-am m’thein law ba ci gui. Bawipa Jesuh naw ngami cu Bethsaida gawnu ah khü ne hteh püi gui ci.

MAKUH 6:45

Cun kawn ah Bawipa Jesuh naw chang gui cu ami im ah tüi ba gui netah, acun vai-am ang düihpüi gui cu hleiko ung kai ba sak gui ne, tuili ah vang ga Bethsaida ah heik hma ba gui ci.

MATTHE 15:21

Bawipa Jesuh cu cun ungka hteit ba ne Tire la Sidon kho ah gawk ci.

JOB 42:6

Cun ah kyasei kei cu ka ng’thu ah phäh ah ng’a ne, ng’yu ba ne m’vut ung ka ngok ci nei.

JUDE 1:11

Ngahmi ah hmawk ah thüi sei aih vai kyak ci nei. Ngami cu Kain ah lam läk ci gui nei. Ngui ami ng’yak nak hlü awn Balaam ah shetkat ah mäih ah chishoh pyi ci gui nei. Korah ah mäih ah Khanpughi ng’tuk püi u ne, ani ah mäih ah dishum ci gui nei.

JOHAN 1:44

(Philip cu Andrew la Peter ah om nak Bethsaida kho ah kaa ah kyak ci.)

LUKA 6:17

Bawipa cu ang düihpüi gui awn khomhtung ah kaa kyum law ba u ne ak chang khli gui awn ng’düi gi cui. Cun kawn ah Judea khaw ah kaa, Jerusalem ah kaa, la Tire la Sidon pigaw gui ungka chang akchün om ci gui.

MAKUH 8:22

Bawipa Jesuh la ang düihpüi gui cu Bethsaida pigaw ah gawk lawk ci gui. Cun yah ung chang gui naw a mik m’dauh tumat cu law püi u netah, ani cu a kut awn tawk ne a gai sak vai ah ng’yoi ci gui.

MAKUH 7:31

Bawipa Jesuh cu Tire gawnu ungka pawng ba ne Sidon gawnu la Dekapoli kho gawnu gha cu sun ba pah ne Kalile tuilinu ah gawk ba ci.

MAKUH 3:8

Cun ah chang gui cu Kalile ah kaa gui ni, Judea ah kaa gui ni, Jerusalem ah kaa gui ni, Idumea ah kaa gui ni, Jordan tuinu ah van ga täng ah ka gui ni, Tire la Sidon ah a pei yung ah kaa gui ni ah kyak ci. Cun ah chang gui cu Bawipa Jesuh ah bilawh gui ng’ya tu u netah cun ah gawk lawk ci gui ah kyak ci.

MATTHE 18:7

Chang gui ah yum nak dimaih sak ciah a mawng ama gui om sei, chang gui ung thüi sei nak om ci. Zum nak dimaih sak cicu akcang ah om khai, cun ung phi yum nak dimaih sak ciah chang cu ang htei ah thüi sei nak om khai.

MATTHE 11:22

Cun ung phi Khanpughi naw am khoichaa law nak ah hnüüp ung, nangmi cu, Tire la Sidon ah mä däm pi ciah, hma m’kat nak cu nami gah khai.

LAMKTU 27:3

A ngawi ung keimi cu Sidon ah kami gawk ci. A cu ah Julius naw Paul cu m’gein netah a teihpüi gui awn hmuh sak gui ci. Ngami am phi khin chah na sak gui ci.

LUKA 4:26

Cun ung phi profet Eliah cu Khanpughi naw a u ah om nak ah phi kä tüih ah, hmeinu tumat ah om nak Sidon khopäng Zarephat pigaw bäng ung tüi ci.

MAKUH 7:24

Bawipa Jesuh cu cun ungka Tire gawnu ah hteit ci. Cu ah a gawk ung im tumat ah kai netah, ani a gawk ah mawng a u naw phi a hmat vai kä ng’ya hlük ci.

MATTHE 26:24

Cacim ung om ciah mäih ah chang ah Htapa cu sik khai nei, cun ung phi chang ah Htapa ga ah kut ung ap ci cu, thüisei nak om ci nei. Kä ang tüi tu ge vai sü ung ani ah hmawk ah ni pi khai süte,” cine pyein ci.

JEREMIAH 13:27

Ani naw a thüi nak gui nangmi naw nami bi cu ning hmu gui ci nangmi cu a im pei ah ami chu ng’ya hlüt ciah pami ah mäih, ng’sein ca naw seng aläk ah mäih ah khogui ma la lolai ung khogam khanpughi gui nami läk cu ani naw ning hmu gui ci. Jerusalem chang gui, nami ng’ziin ci nei, a i yah ung nami theingthap lawk khai ang?

JOEL 3:4

“Tire, Sidon la Philistia avan, kei ah khan ah a i bi vai ah ang nami tha nak? Kei am a i baw nami na pe ba khai ah nami tha na ne ang? Nami tha nak ah a kyak ung, kei naw ang ghit ah ka ning pe ba gui khai!

AMOS 1:9

Bawipa naw, “Tire chang gui cu leng ba ba ne shekak ci gui, acun ah phäh ah kei naw akcang ah ka m’kyuk gui khai. Ngami naw pakhui apum ah yäk u ne, Edom khaw ah omktu ah hteh püi gui ci gui. Ami ng’khawt püi gui ung phi teihpüi ah kä ngai gui ci gui.

THU PHLAAN 6:12

Htomehta naw ak chuk nak ah mhnüt nak cu khawk ne hmawng khätah, khawhni cu, pyon ale ah mäih ah ng’lat ne le ci, chaa phi sisen ah mäih ah ng’lat ne sen ci,

THU PHLAAN 11:3

Kei naw ka saksi pahnih ka tüi lawk khai nei. Ngani cu ng’yu nak sui sui ni ne, hnüüp 1, 260 ah kyong ung Khanpughi ah ng’thu cu shäu khai goi nei,” cine pyein ci.